Живот

Жена се вратила од одмор и премрзнала од страв- во собата се шетало опасно живо суштество

Жителка на Свиндон, Англија, била шокирана кога се соочила со „непоканет гостин“ во својот дом откако се вратила од одмор во Африка.

Необичниот инцидент се случил на почетокот на месецот, а се верува дека опасното суштество „патувало“ со неа, скриено во нејзиниот багаж.

Таа покажала извонредна храброст

Несреќната жена објаснила дека гледала телевизија и забележала „необичен инсект“ како ползи по тепихот. Потоа сфатила дека гледа скорпија и се замрзнала од страв, објавува The Sun.

Иако во шок, таа покажала извонредна храброст, бидејќи посегнала по чаша вино и со неа го фатила едно од најотровните суштества во светот.

Веднаш ја повикала Службата за благосостојба на животните, а Џонатан Клеверли бил испратен на терен, кој утврдил дека скорпијата припаѓа на семејството Buthidae.

Сместена во нов дом

Откако го „примил“ непоканетиот гостин, тој безбедно го префрлил во нов дом, каде што престојуваат и неговите многубројни „роднини“.

Тој ја исклучи можноста дека станува збор за избегано домашно милениче и нагласи дека скорпијата најверојатно пристигнала во Британија скриена во багажот на жената, која неодамна се вратила од Африка.

Скорпијата била долга околу четири сантиметри, а Џонатан ја опишала како „најопасното животно“ што некогаш го сретнал.

„Не можела да избега“

„Жената одлично ја завршила работата, префрлајќи ја скорпијата од чаша за вино во тегла со капак, за да не може да избега. Дури и фрлила малку зелена салата за да обезбеди влага“, рече тој.

Иако долга четири сантиметри, скорпијата е исклучително опасна, а нејзиниот отров во некои случаи може да предизвика смрт на човек. Кога е целосно порасната, може да порасне до застрашувачки 12 сантиметри!

Тагови: опасното

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.