Жена која живее со двајцата поранешни сопрузи вели дека тоа е „вистинската работа“: „Имаше проблеми, но сега нашето домаќинство функционира беспрекорно“ - Канал 5

Живот

Жена која живее со двајцата поранешни сопрузи вели дека тоа е „вистинската работа“: „Имаше проблеми, но сега нашето домаќинство функционира беспрекорно“

Една жена отворено проговори за тоа како заедничкиот живот со двајцата поранешни сопрузи ѝ го олеснил секојдневието. 

Жена илустрација

Во приказната што ја пренесоа странски медиуми, 46-годишната Кристи Де Гарис открива дека живее со двата бивши сопрузи и нивните ќерки во Шкотска.

„Да, сите живееме заедно. Јас, мојот прв поранешен сопруг, мојот втор поранешен сопруг и нашите две ќерки – по една од секој брак – во куќа со четири спални соби, дворно место со чакал и пристапен пат, сместена во село во Шкотска“, раскажала Де Гарис за „People“.

Можеби ќе ве интересира: Продала сѐ што има за да живее на крузер, па ја открила темната страна на таквиот живот

Додава и дека секојдневието не е без предизвици.

„Секако, има гужва во бањата и постојано се води мистерија кој ја потрошил последната доза кафе. Со тројца главни осомничени во куќата, секое утро расправаме кој треба да обуе папучи, да стави капут и шал и да оди до селската пошта“, вели Де Гарис, која првпат се омажила на 21 година, веднаш по раѓањето на првата ќерка. Неколку години подоцна се развеле, следел втор брак и раѓањето на втората ќерка.

„Постари и решени да успееме овој пат, купивме куќа, заедно ги одгледувавме децата и се разделивме непосредно пред пандемијата“, додава таа.

Поради финансиски причини, решиле да продолжат да живеат заедно.

„Тој го презеде приземјето, јас катот, а децата си ги задржаа своите соби. Имаше тензии, секако – истите расправии околу чистењето, трошоците, воспитувањето и непријатната близина без романтика“, искрено признава. И покрај сè, Де Гарис останала „неименувана домаќинка“ – готвела, чистела и работела со полно работно време. Тогаш сфатила дека би ѝ било полесно ако и првиот поранешен сопруг, кој бил во тешка финансиска ситуација, се пресели кај нив.

„Мојот предлог до бившиот број 2 содржеше сè што треба: повеќе време, повеќе помош, помалку стрес, помалку хаос, помалку замерки. Негова фантазија“, се пошегувала. „Речиси и моја. Кога го прашав, се согласи да пробаме. Разговаравме со децата, кои беа воодушевени – и тоа беше тоа.“

Брзо нашле нов ритам и рамнотежа. Атмосферата во куќата станала полесна, иако не без проблеми – особено кога станува збор за готвењето. Кристи одлучила дека повеќе нема да готви додека не научат барем основи.

„Доволно е да се каже дека тоа не помина добро. Бев неразумна, импулсивна. Себична“, рекла таа, но додала дека со текот на времето и двајцата почнале да учествуваат во подготовката на оброци.

Поделбата на обврските не застанала тука.

„Едниот секогаш ги чисти скалите за време на викенд. Другиот редовно го чисти долниот тоалет. Јас ќе пуштам веш, ќе го заборавам – мокар и неизцеден – а подоцна ќе го најдам сушен и сложен во кошница. Машината за садови се празни пред да приметам дека била вклучена. А можеби и најважно: моите ќерки растат гледајќи фер поделба на домашните обврски.

Ние не сме ситком. Ние не сме светци. Ние сме тројца возрасни луѓе на кои им е грижа за истите две девојчиња и решивме дека е подобро да се сложуваме отколку да запалиме сè или да изгориме сами“, заклучила Де Гарис, пренесува Вечерњи лист.

(Блиц Жена)

Тагови: домаќинство жена Мажи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер