Здружението на граѓани со ретки болести реагира дека поради административни процедури има недостаток на терапија - Канал 5

Здравје

Здружението на граѓани со ретки болести реагира дека поради административни процедури има недостаток на терапија

„Секој има право на лек, терапија за ретки болести мора да има во континуитет“. 

Здружението на граѓани со ретки болести реагира дека поради административни процедури има недостаток на терапија

Ова е пораката што Здружението на граѓани „Живот со предизвици“ по втор пат од пред зградата на Министерството за здравство ја испратија до Министерот Азир Алиу, посочувајќи дека овој пат за пациентка со туберозна склероза две недели немала терапија - сиролимус. Од здружението апелираат - Министерството како надлежна институција да превземе мерки за да не се случува пациенти со ретки болести и по неколку недели да бидат оставени без соодветна терапија.

Додека од здруженијата велат дека поради административните постапки, тендерите и потпишувањето анекси за набавки се создава периодичен недостиг на терапија, од Министерството за здравство тврдат дека терапија има за сите и тоа континуирано.

-Нема недостиг на лекови, пациентите непречено и во континуитет ја примаат потребната терапија. Министерството за здравство продолжува со континуирано обезбедување терапија за сите пациенти, вклучително и пациентите со ретки болести.-Министерство за здравство.

Туберозната склероза е хронична генетска состојба што предизвикува раст на бенигни тумори во мозокот, бубрезите, срцето и други органи, а иако тие не се малигни, нивната позиција и раст можат да доведат до сериозни компликации – од епилептични напади до оштетување на витални органи. Терапијата всушност ја држи состојбата под контрола, а прекинот на земањето на лековите може да ја реактивира болеста.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанија и Белгија со поддршка за Мелони против Трамп: Доста е, оставете ја на мира (ВИДЕО)

Шпанскиот премиер и белгискиот министер за одбрана ја изразија својата поддршка за италијанската премиерка Џорџија Мелони, критикувајќи ги изјавите на американскиот претседател Доналд Трамп.

Шпанија и Белгија со поддршка за Мелони против Трамп: Доста е, оставете ја на мира (ВИДЕО)

„Навредите од Белата куќа мора да престанат. Тие го делат Западот и не постигнуваат ништо“, рече Тео Франкен. „И мора да ја остават Мелони на мира. Доста е!“, додаде тој.

Одделно, зборувајќи по самитот на лидерите на ЕУ во Брисел, шпанскиот премиер Педро Санчез изрази целосна „солидарност“ со Мелони. „Овој напад, кој не е ниту политички ниту личен, не знам ни како да го опишам“, рече тој.

Коментарите доаѓаат откако Мелони остро ги отфрли тврдењата на Трамп дека го „молела“ за фотографија за време на неодамнешниот самит на Г7.

Мелони: Изјавите на Трамп се целосно измислени

„Ме молеше да се сликам со неа. Толку многу сакаше да се слика со мене... Не би го направил тоа, но ми беше жал“, рече Трамп, според италијанската телевизиска станица La7.

„Изјавите на Доналд Трамп се целосно измислени - искрено сум запрепастена“, рече Мелони во видео објавено на социјалните мрежи. „Јас и Италија никогаш не молиме.“

Контроверзноста предизвика политичка реакција во Рим, каде што министерот за надворешни работи Антонио Тајани ја откажа планираната посета на САД, нарекувајќи ги забелешките на Трамп „сериозни и навредливи“.

Епизодата сигнализира растечки тензии меѓу италијанските и американските лидери, кои претходно одржуваа блиски врски. Мелони е единствениот европски лидер поканет на инаугурацијата на Трамп за неговиот втор мандат минатата година.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се двајца гостиварци и еден албански државјанин- дрога била пронајдена при претрес на нивниот дом

Претрес во Гостивар – пронајдена дрога, три лица лишени од слобода.

Уапсени се двајца гостиварци и еден албански државјанин- дрога била пронајдена при претрес на нивниот дом

На 19.06.2026 година, во 20:15 часот, полициски службеници од ОВР Гостивар ги лишиле од слобода Б.З. (27) и А.З. (23), двајцата од Гостивар, како и Ј.М. (31) од Република Албанија, поради основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“, предвидено и казниво по член 215 од Кривичниот законик.

При преземање на службени дејствија, кај Б.З. била пронајдена бела прашкаста материја. Потоа, врз основа на судска наредба, бил извршен претрес во неговиот дом и подрумските простории, при што била пронајдена марихуана.

Трите лица се задржани во Полициската станица Гостивар, а по целосно документирање и расчистување на случајот, против нив ќе биде поднесен соодветен поднесок, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

ССМ: Синдикалната минимална кошница за месец јуни изнесува 68 654,00 денари

Вредноста на синдикалната минимална кошница за месец јуни 2026 година изнесува 68 654,00 денари.

ССМ: Синдикалната минимална кошница за месец јуни изнесува 68 654,00 денари

Вредноста на синдикалната минимална кошница за месец јуни 2026 година изнесува 68 654,00 денари, споредена со вредноста на синдикалната минимална кошница за месец мај 2026 год. која изнесува 68 742,00 денари е намалена за 88,00 денари.

Со изнајмен стан од 60 квадрати за месец јуни изнесува 84 024,00 денари, објави ССМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер