Здравствени состојби поради кои може да не се дозволи влез во авион - Канал 5

Живот

Здравствени состојби поради кои може да не се дозволи влез во авион

 Патувањето со медицинска состојба или болест може да биде стресно, па и ризично и опасно во многу случаи. 

Здравствени состојби поради кои може да не се дозволи влез во авион

Иако авионскиот персонал е обучен да се справува со итни случаи, некогаш е потребна и професионална медицинска помош. Во таа смисла, неколку здравствени состојби се сметаат за особено опасни за патување и лет, па авиокомпаниите имаат право да ги прашаат патниците, па ако треба - и да не им дозволат да се качат во авион.

Кога авиокомпанијата може да каже „не“?

Главната грижа на секоја авиокомпанија е безбедноста на сите патници и екипажот. Ова вклучува и очигледни случаи како што се пијанство или заразни болести, но и проценка на општото здравје на патникот што може да бара непланирано слетување.

Авиокомпаниите, исто така, обрнуваат внимание на состојбите коишто би можеле да се влошат за време на летот поради промени во притисокот и условите во кабината.

Кои состојби претставуваат најголем ризик?

Тука има неколку заболувања: Нестабилни срцеви или белодробни состојби што може да се влошат на големи надморски височини; неодамнешна операција - воздухот на поголема надморска височина може да предизвика сериозни компликации; гипс на скршеница - ​​ако не е правилно поставен или пресечен за да овозможи ширење на ткивото, нискиот притисок во леталото може да предизвика многу болно отекување на рацете или нозете; напредна бременост - патувањето обично не се препорачува по 28-та недела од бременоста поради можноста за предвремено породување.

Исто така, имало случаи каде што на лица со Паркинсонова болест им е одбиено качување во авион. Сепак, лекарите нагласуваат дека оваа состојба сама по себе не треба да биде пречка за летање, пишува „Дејли мејл“ (Daily Mail).

„Важно е да пиете многу течности за време на летот за да се избегне дехидрација, што е особено важно ако имате низок крвен притисок. Така, ако екипажот знае дека имате Паркинсонова болест, ќе се погрижат редовно да ви се нуди напиток. Затоа, клучно е секогаш да го информирате персоналот за какви било медицински состојби пред качувањето, за да бидат подготвени да помогнат доколку е потребно“, наведува здружението.

Видливите повреди, исто така, може да бидат пречка

Меѓу другите пречки коишто може да Ве симнат од авион се видливите повреди, како и навидум мали симптоми на постојана кашлица, дијареја, повраќање, грип, или дури и невообичаено неправилно одење. Евентуална заразна болест може да биде опасна за другите патници на летот.

Доколку сметате дека неправедно ви е одбиен влез во авионот, имате право на жалба. Вообичаено, прв чекор е допис и отворената комуникација со превозникот, што е и најдобриот начин да се обезбеди безбеден и пријатен лет.

Тагови: авион Здравствени состојби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Битола денес беше град на трчањето

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер