Здрави закуски за на училиште кои не бараат повеќе од 10 минути подготовка - Канал 5

Рецепти

Здрави закуски за на училиште кои не бараат повеќе од 10 минути подготовка

Подгответе нешто вкусно за вашето дете!

Здрави закуски за на училиште кои не бараат повеќе од 10 минути подготовка

Здравата ужина за децата е важен дел од секојдневната исхрана, бидејќи обезбедува енергија, го поддржува растот и развојот и помага во формирањето на здрави навики. Таа треба да е нутритивно богата, разновидна и привлечна за децата – идеална комбинација на овошје, зеленчук, интегрални житарки и квалитетни протеини. Добро смислените ужини може да спречат брз скок и пад на шеќерот во крвта, да ја подобрат концентрацијата и да ги одржат децата сито помеѓу оброците.

Еве три предлога за здрава ужина.

Здрави топчиња

Состојки:

1 шолја мелени бадеми

½ шолја суво овошје (урми, грозје)

2 лажици мед

1 лажица какао во прав

кокос за валање

Подготовка

Ставете ги состојките во блендер и мешајте ги додека смесата не се изедначи. Обликувајте топчиња, а потоа извалајте ги во кокос и оставете ги во ладилник да се стврднат.

Слободно направете поголема доза, во ладилник може да стојат до 7 дена.

Овошни стапчиња

Овошните стапчиња се практична и омилена ужинка на децата. Исечкајте го омиленото овошје на вашите деца (банана, јаболка, круша) во тенки стапчиња и спакувајте го во кутијата за ужинка.

Може да подготвите и овошен јогурт, така што во грчки јогурт ќе ставите исечкано овошје, овесни снегулки и чиа семе, сето тоа истурете го во мала тегличка за носење.

Кроасан со шунка и авокадо

Состојки:

1 поголем солен кроасан

1 триаголниче топено сирење (зденка)

50 грама трапист сирење

4 кришки авокадо

1 јајце

3 парчиња шунка

масло

Подготовка:

Исечете го кроасанот по должина, а потоа двата дела премачкајте ги со топено сирење, а врз него нарендајте трапист сирење (или исечете го на тенки листови)

Кроасанот ставете го во микробранова околу 30 секунди за сирењето да се растопи. Исечкајте го авокадото на кришки и наредете го врз топеното сирење. Во тава на малку масло испржете го јајцето и ставете го во сендвичот.

На крај, додајте ги парчињата шунка, затворете го кроасанот и замотајте го во фолија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Радовиш, пронајдена дрога, лишено од слобода едно лице

На 14.11.2026 во Радовиш, полициски службеници од СВР Струмица-ОВР Радовиш го лишија од слобода С.В.(29) од Радовиш.

Претрес во Радовиш, пронајдена дрога, лишено од слобода едно лице

При претрес во неговиот дом, извршен со судска наредба, биле пронајдени и одземени марихуана и предмети со остатоци од марихуана. За настанот е известен јавен обвинител, а по целосно документирање на случајот ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Полета новиот кинески електричен авион (ВИДЕО)

Новиот кинески електричен патнички авион полета со одлични резултати, завршувајќи го својот прв лет со екипаж.

Полета новиот кинески електричен авион (ВИДЕО)

Авионот од 10 тони прелета над Бинжоу, во источната кинеска провинција Шандонг, каде што двајца пилоти и еден инженер за тестирање на летот го тестираа во саботата.

Развиен од COMAC - Корпорацијата за комерцијални авиони на Кина - CE-25A е првиот електричен комерцијален авион на компанијата. Дизајниран првенствено за кратки меѓуградски летови, може да носи до 19 патници со брзина на крстарење од 300 километри на час.

Тагови: електричен авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„Ford“ ја враќа ознаката „Cobra“

Новиот „Mustang Cobra“ доаѓа во 2027 година, но потенцијалните купувачи ќе мора брзо да дејствуваат.

„Ford“ ја враќа ознаката „Cobra“

„Ford“ го подготвува враќањето на значката „Cobra“ на „Mustang“, а новиот спортски модел треба да продолжи таму каде што застана „Shelby GT350“. Се очекува да има атмосферски V8 мотор, мануелен менувач и моќност од најмалку 550 КС.

„Ford Racing“ објави кратко тизер видео со кое се потврдува пристигнувањето на нов „Mustang“ со мотор развиен врз основа на искуството од трките. Премиерата е најавена за 2027 година, а сè укажува на враќање на значката „Cobra R “.

Според информациите објавени од „Ford Authority“, новиот модел ќе биде духовен наследник на „Mustang Shelby GT350“, а треба да пристигне во салоните како модел од 2028 година. Производството би можело да трае релативно кратко, до моделската година 2029 година. Под хаубата се очекува атмосферски 5,2 или 5,4-литарски V8 мотор, поврзан со шестстепен мануелен менувач „Tremec“. Официјалните бројки за моќност сè уште не се објавени, но се проценува дека моторот би можел да развие помеѓу 550 и 575 КС.

За споредба, претходниот „Mustang Shelby GT350“ користеше 5,2-литарски „Voodoo V8“ со 533 КС и 582 Nm вртежен момент.

Сегашниот „Mustang Dark Horse“ со 5,0-литарски V8 мотор развива 508 КС, додека „Dark Horse SC“ има дури 806 КС.

Враќањето на името „Cobra“ има и финансиска позадина. „Ford“ повеќе не сака да му плаќа на „Shelby American“ за користење на неговото име.

Според текстот, „Ford“ претходно плаќал околу 800 долари за секој продаден „Shelby Mustang“, што вкупно изнесувало повеќе од 30 милиони долари трошоци за лиценцирање.

Затоа, новиот модел би можел да се нарече „Cobra“ наместо „Shelby GT350“.

Последен пат кога „Ford“ ја користеше оваа ознака беше на почетокот на 2000-тите, на моделот „Mustang SVT Cobra“ со V8 мотор со компресор.

Извор: Б92

Тагови: Ford

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер