Култура

Заврши 9.„МакеДокс", главната награда за „Далечниот лаеж на кучињата"

Филмот „Далечниот лаеж на кучињата“ (Данска, 2017) на режисерот Сајмон Леренг Вилмонт ја доби главната награда „Кромид“ за најдобар филм на деветтото издание на Фестивалот на креативен документарен филм „МакеДокс“.

Со доделувањето на наградите за најдобрите филмови во пет категории синоќа заврши Фестивалот „МакеДокс“.

За наградата „Кромид“ одлучуваше комисија во состав Пирјо Хонкасало, Војцех Старон и Марија Чачија која образложи дека станува збор за „филм за екстремниот страв и безусловната љубов видени низ острото и нежно режисерско око“.

Специјално признание во главната програма добија филмовите „За татковците и синовите“ (Германија, Сирија, Катар, Либан, 2017) на Талал Дерки и „Мажи играчи“ (Словенија, Хрватска, 2017) на Матјаж Иванишин.

Филм со најдобри етички идеи на деветтото издание на „МакеДокс“ е „Рагу Раи, неврамен портрет“ (Финска, Индија, Норвешка, 2017) на Авани Раи.

- Во силната конкуренција од 15 филма, „Рагу Раи, неврамен портрет“ на Авани Раи ја добива наградата за етички пристап поради - фасцинантната арт-филозофија што провејува низ целиот филм, поради топлината и хуманизмот во животната логика на главниот лик, индискиот фотограф Рагу Раи и конечно - поради беспрекорната убавина на визуелниот јазик на филмот, образложи жирито во состав Пирко Саисио, Јасна Франговска и Исмет Рамиќевиќ.

Авторката на филмот, Авани Раи ја прими наградата и изјави дека филмот е одговор на нејзината криза на идентитет и обид да затвори едно животно поглавје и да почне друго.

Во категоријата Нови автори наградата „Млад кромид“ ја доби филмот „Фамилијата“ (Словенија, Австрија, 2017) на Рок Бичек.

- „Фамилијата“ е филм со храбар и смел филмски јазик чие свесно режисерско поставување, со користење на филмски алатки што градат комплексност, доловува еден интимен пристап, создавајќи универзална современа драма, образложи комисијата во состав Мартичка Божилова, Мигуел Рибеиро и Ник Војт.

Наградата за најдобар краток документарец „Сецкан кромид“ ја доби „Луѓето од Недојдија“ (Сирија, Германија, 2018) на Хеба Калед. Жирито во состав Ингибјорг Халдорсдотир, Ксавиер Марадес и Дијана Дабровска забележа дека тоа е филм „што не натера да искусиме една реалност која често избираме да ја избегнеме“. Во оваа категорија Специјално признание доби филмот „Вај-Фај Плаза Куба“ (Швајцарија, Куба, Шпанија, 2017) на Адријан Келтерборн.

Наградата „Кокарче“ за најдобар студентски филм ја доби „Филм за Карлос“ (Русија, Гватемала, 2017) на Ренато Борајо Серано.

Наградените автори кои не можеа да присуствуваат на доделувањето на наградите своите пораки на благодарност ги испратија со видеообраќање.

Годинава фестивалот имаше рекордна посетеност и траеше најдолго од сите досегашни изданија, осум дена. Публиката можеше да погледне 71 документарен филм, дојдоа повеќе од 50 гости, се одржаа три работилници и една панел-дискусија. Фестивалските активности се случуваа во Куршумли-ан, на платото пред Музејот на Македонија и во Музејот на современата уметност. Земја во фокус беше Полска.

Деветтото издание на „МакеДокс“ е поддржано од Агенцијата за филм, Програмата МЕДИА на Креативна Европа, Фондацијата за развој на демократијата од Вашингтон (National Endowment for Democracy) и Град Скопје. Партнери на „МакеДокс“ се „Петра Пан“, „Кино Култура“, Младинскиот културен центар и Кинотеката на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Се продава остров со тврдина од времето на Наполеон- некогаш ја бранеше Венеција

Приватниот остров Креван, во северниот дел на Венеција, се нуди на продажба заедно со тврдина од времето на Наполеон, два пристаништа и околу 5.700 квадратни метри земјиште.

Островот се наоѓа на околу седум километри од Венеција, на неколку минути едрење од островите Бурано и Торчело, објави Анса.

Тврдината зафаќа површина од 215 квадратни метри.

Имотот има тревници, високи дрвја, украсни растенија и овошни дрвја, како и мал внатрешен канал и неколку патеки што водат до два пристаништа. Најзначајната градба е тврдината, која зафаќа површина од 215 квадратни метри.

Првата тврдина е изградена во 1806 година, за време на владеењето на Наполеон, како дел од систем на утврдувања за одбрана на Венеција.

Тврдината подоцна била проширена под австриска власт, а по анексијата на Венето кон Кралството Италија во 1866 година, станала сопственост на италијанската држава и останала во воена употреба до периодот по Првата светска војна.

Островот подоцна станал приватен имот, а тврдината била претворена во станбена зграда.

Цената не е јавно објавена

Реновирањето започна во 1996 година, при што се зачува оригиналната структура. Денес, има четири главни соби и две бањи, како и вода, електрична енергија, греење и климатизација.

На островот има и дополнителни соби, вклучувајќи и стражарски простор, а урбанистичките прописи дозволуваат тие да бидат поврзани со станбената зона.

Продажбата ја води компанијата за луксузни недвижности Lionard Luxury Real Estate, која објави голема галерија со фотографии од островот и тврдината.

Цената не е јавно објавена, а имотот моментално се нуди на приватниот пазар.

Тагови: венеција Наполеон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Д-р Данаиловски: Вирусот е тука и ќе остане како сезонска закана

Вирусот на западнонилска треска е тука и ќе остане како сезонска закана.

Вирусот на западнонилска треска е тука и ќе остане како сезонска закана, порача во гостувањето во Вести Плус, епидемиологот, професор Драган Данаиловски...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Кавга на две тинејџерки доведе до масовна тепачка на нивните семејства- „летаа“ лопати и мотики (ВИДЕО)

Кавга меѓу две тинејџерки може да биде повод за брутална семејна тепачка што неодамна се случи во Монор, Унгарија.

Тинејџерките можеби се карале поради дечко, по што голем број роднини на едната од нив го нападнале семејството на другата. Неколку лица се повредени, а според некои извештаи, некои од нив завршиле во болница.

Маж од нападнатото семејство изјавил за „Блик“ дека седеле на терасата кога пристигнала втората група. Според него, на почетокот дошле само неколку луѓе, но набрзо се појавиле уште десетици други.

„Дојдоа со нивниот татко и браќа и сестри, беа четири или петмина. Додека втрчаа тука, веќе имаше околу 50 или 60. Можете да ги видите, нели? Можете да ме видите и мене како доаѓам и го заштитувам мојот свекор. Мојот зет веќе беше соборен од нешто. Се браневме, но немавме подготвено никакво оружје ниту алатки“, рекол мажот.

Тој додал дека во времето на нападот во куќата биле и жени и деца.

„Седевме, разговаравме, таму имаше жени и деца. Едвај успеавме да ја испратиме жената што трчаше внатре со мало дете“, рече тој.

Градоначалникот на Монор, Калман Дараши, исто така, разговараше со Блик за инцидентот. Според него, ваквите судири од големи размери не се вообичаени во овој град, но конфликтот меѓу две семејства сега довел до сериозен инцидент.

Се споменуваат лопати и мотики

Според сè уште неофицијални информации објавени од Фејсбук страницата „Somewhere It Happened“, која прва го објави инцидентот, наводно за време на конфликтот биле користени лопати и мотики.

Во објавата се наведува дека неколку лица се повредени, а дека некои од нив можеби морале да бидат хоспитализирани. Според тврдењата на социјалните мрежи, едно лице претрпело исклучително сериозна повреда на главата и било подложено на неколкучасовна операција.

Тагови: семејства тинејџерки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.