Затворска казна за Јутјубер, кој уништи авион поради лајкови (ВИДЕО)

Случајот со познатиот јутјубер Тревор Џејкоб заврши со пресуда според која тој треба да помине шест месеци во федерален затвор откако намерно урна авион заради гледаност.

Поранешниот олимпиец призна дека ги лажел истражителите и отстранил докази, а сега треба да заврши долгиот процес во кој Џејкоб ја загуби пилотската дозвола.

Имено, 29-годишниот јутјубер Тревор Џејкоб објави видео од авионска несреќа на YouTube во декември 2021 година, кое собра повеќе од 4,5 милиони прегледи. Тој призна дека видеото го снимил како дел од спонзорски договор и се соочил со затворска казна до 20 години.

Во ноември 2021 година, Џејкоб полета од Санта Барбара, Калифорнија со камери поставени на авионот и со себе понесе падобран и селфи стап. „Тој немаше намера да стигне до својата дестинација, туку планираше да скокне од авионот за време на летот и да се снима како скока со падобран на земја додека неговиот авион се урнува“, соопшти обвинителството.

Авионот паднал во шумата Лос Падрес 35 минути по полетувањето, а потоа Џејкоб дошол до него за да го сними видеото. Некои корисници на YouTube беа скептични во врска со авионската несреќа и истакнаа дека Џејкоб веќе носел падобран и не се обидел безбедно да го приземји авионот.

Тој го пријавил падот на авионот до властите и бил должен да ги зачува остатоците од авионот. Подоцна тврдеше дека не ја знаел локацијата на авионската несреќа, но ја знаел бидејќи до неа стигнал со хеликоптер, ги извадил остатоците и подоцна ги уништил.

Џејкоб напиша писмо до судијата задолжен за неговиот случај, се извини за неговите постапки и нагласи дека темелно ја истражувал рутата на авионот за да се увери дека немало луѓе, згради или пешачки патеки во близина на местото на несреќата, додавајќи дека не требало да ја реализира својата идеја. Во меѓувреме му била вратена пилотската дозвола.

Адидас истражува голем корупциски скандал во Кина

 Германскиот производител на спортска опрема Адидас истражува огромен скандал со наводна корупција во Кина, проценет на неколку стотици милиони евра, а осомничените се локални вработени во групацијата, објави денеска британскиот весник Фајненшл

Во писмо, наводно напишано од „вработени во Адидас во Кина“, се именувани неколку кинески вработени, вклучително и извршен директор, во одделот за маркетинг буџет на компанијата.

Во документот, кој кружеше на кинеската социјална мрежа во текот на јуни, се наведува дека корупцискиот скандал „тежи“ 250 милиони евра.

Британскиот весник наведува дека документот го обвинува персоналот на Адидас за примање поткуп од даватели на услуги овластени од германската групација.

Менаџер на „Адидас“ во Кина е обвинет дека примил „милиони готовина од добавувачите, како и имот, вклучително и недвижен имот“.

Адидас, кој влезе на пазарот во Кина во 1997 година, во минатото се прошири на повеќе од 10.000 продавници. Сепак, последниве години, Адидас се соочи со подемот на локални брендови, вклучувајќи ги Анта и Ли Нинг.

Фото: Ивана Нол позираше на стадион во новото издание

Најпознатата хрватска навивачка Ивана Кнол, блесна  на Олимпискиот стадион во Берлин.

Атрактивната навивачка се појави во ново карирано издание со кое испрати порака за поддршка на нејзините„огнени“.

Кнол веднаш по појавувањето го го привлече вниманието на публиката на стадионот, и насмеано им позираше на фотографите.

Потоа Ивана се фотографирала со фановите.

Професионална Велосипедска трка „Трофеј Илинден“ во општина Илинден

И оваа година во Општина Илинден за сите љубители на велосипедизмот се одржа Велосипедската трка „Трофеј Илинден“ во организација на Општина Илинден,

И оваа година во Општина Илинден за сите љубители на велосипедизмот се одржа Велосипедската трка „Трофеј Илинден“ во организација на Општина Илинден, а во соработка со Велосипедската федерација на Република Македонија, во должина од 100 километри.

На велосипедската трка која е влезена во календарот на велосипедскитрки на Велосипедската федерација на Македонија и се бодува за купот на нашата земја земаа учество околу 70-тина професионални велосипедисти од цела држава во 6 категории: У-23, јуниори, жени, кадети, мастерс и елит.

На големо задоволство на љубителите на овој спорт од категоријата У-23 прв до целта стаса Димитар Јовановски, додека во категорија елит прв до целта стаса Никола Лефков, во категодија јуниори прв беше Андреј мацоски, категодија жени Елена Петрова, кадети Константин Костоски, мастерс Ивица Давидовски, У-13 мажи Христијан Николиќ а од жени Оља Цветанова и категорија У-15 Александар Ристовски и Антонија Маневска.

Велосипедската трка која беше од кружен карактер а стартната позиција од спортската сала ,,Гоце Делчев, се возеше кон општинската зграда, надвозникот во н. Илинден кон Ајватовци, потоа Мршевци, Дељадровци,Текија,Миладиновци, Кадино, Марино и назад кон целта – сопртска сала ,,Гоце Делчев”.

Покрај професионалната трка се одржа и трката за рекреативци, на која сосвоите велосипеди учествуваа голем број љубители на велосипедизмот,особено млади велосипедисти. Во оваа рекреативна трка учествуваше и градоначалникот на општина Илинден, Александар Георгиевски, како ипратеничката Драгана Бојковска, старт прозцијата беше од пред спортската сала ,,Гоце Делчев”, потоа се возеше кон Марино, назад кон Илинден, по улица ,,8”, нов кружен тек, улица ,,9” се до спортската сала ,,Гоце Делчев”.

Пригодни награди на најдобро пласираните како и жолти маички на победниците им додели покровителот на настанот, градоначалникот на општина Илинден, Александар Георгиевски, а Велосипедската федерација на Република Македонија на градоначалникот му додели плакета во знак на благодарност.

притисни ентер