Засилувањето на НАТО почна да пристигнува на северот на Косово - Канал 5

Балкан

Засилувањето на НАТО почна да пристигнува на северот на Косово

Засилувањата на НАТО денеска почнаа да пристигнуваат во Косово, по неиспровоцираното и неприфатливо насилство во кое беа повредени 30 мировници на КФОР во судирите минатата недела.

Засилувањето на НАТО почна да пристигнува на северот на Косово

Околу 500 турски војници од 65-та механизирана пешадиска бригада на Турција ќе го сочинуваат најголемиот дел од засилувањето на НАТО. Турскиот баталјон првично ќе биде стациониран во кампот Султан Мурат, а ќе биде распореден на Косово онолку долго колку што е потребно. Дополнителен баталјон од резервните сили на НАТО, исто така, е ставен во зголемена готовност за да биде распореден доколку е потребно.

По вчерашните разговори со претседателот Реџеп Тајип Ердоган во Истанбул, генералниот секретар на НАТО, Јенс Столтенберг, ѝ се заблагодари на Турција за испраќањето засилување на Косово. Столтенберг рече: „Турција е важен и високо ценет сојузник, кој дава клучни придонеси за НАТО. Ова ги вклучува војниците за нашата мировна мисија на Косово, што е уште поважно сега, кога тензиите се високи. Им благодарам на Турција што испрати засилување во северно Косово, по неодамнешните немири“. На неформалниот состанок на министрите за надворешни работи на НАТО во Осло минатата недела, генералниот секретар рече: „Нашата порака и до Белград и до Приштина е дека тие мора да се вклучат со добра волја во дијалогот што го олеснува ЕУ; тоа е единствениот пат до мирот. Во исто време, НАТО има одговорност да обезбеди стабилност на Косово и тоа е причината зошто сме таму многу години и зошто сега го зголемуваме нашето присуство во регионот.“

НАТО ја води мировната операција на Косово од 1999 година како поддршка на меѓународните напори за градење стабилност во регионот. Мисијата на КФОР е да одржува безбедна и сигурна средина и слобода на движење за сите заедници кои живеат на Косово, во согласност со неговиот мандат според Резолуцијата 1244 на Советот за безбедност на Обединетите нации. КФОР во моментов се состои од над 4.200 војници со придонес од 27 НАТО сојузници и партнери, соопштија од НАТО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер