Македонија

Засега нема нови мерки, цените на храната се следат - од глоби за непазарно однесување досега собрани 2,5 милиони евра

Ги следиме движењата на цените на прехранбените производи, не очекуваме пред празнично тие да се зголемат но доколку се случи тоа ќе интревенираме уверува заменик министерот за економија и труд, Марјан Ристески.

Вели ДПИ постојано е на терен, за една година од спроведени над 20 илјади инспекциски надзори, и во буџетот од изречени казни слеани биле околу 2 ипол милиони евра. Во насока на стабилизација на цените од ресорното министерство велат во функција е и законот за не фер трговски практики, за кој следната година ќе бидат предложени и измени со цел зголемување на висината на паричните казни, кои сега изнесуваат максимум 20 илјади евра.

„Досега имаат 30 налози за глоба и тие постапки се пред управен суд која ќе биде висината на глобите за непочитување на законот за нефер трговски практики треба да очекуваме наскоро од страна на Управниот суд и конечни решенија.....Очекувам ова како предлог да го дадеме следната година...кога ќе имаме повисоки казни и поголемо удирање по џебот на овие трговци кои го изигурваат законот ќе има и поголемо почитување на законот....“ - Марјан Ристески – заменик министер за економија и труд.

Во однос на минималната плата Ристески вели се додека не се постигне договро за нејзнио зголемување во рамки на ЕСС ќе важи постојаната формула за пресметка. И додаде дека како влада ќе поддржат секаков договор, вклучително и за промена на формулата, но само ако има согласност од сите страни во рамки на ЕСС.

Од сојузот на стопански комори пак се на ставот дека за повисока плата мора и поголема продуктивност..

„Ние сметаме треба да се направи се дадените вработени да останат тука но треба баланс, бидејќи ен може само да се збори плататат платата а во меѓувреме соодветната продуктивност ада не се поврзе и да може компаниите да го носат на плаќи тој товар.“ -Горан Ѓорѓиевски – претседател на ССК.

Инаку до крајот на месецов треба да се одржи седница на економско социјалниот совет, на која се очекува да се разговара за инфлацијата, владината потрошувачка кошничка, но и за минималната плата..

Тагови: цените

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Франција продолжува со плановите за забрана на социјалните мрежи за лица под 15 години

Француската влада до Европската комисија поднесува нова верзија на предлогот за забрана на социјалните мрежи за лица помлади од 15 години, откако Уставниот совет претходно отфрли клучен дел од законската регулатива.

Францускиот претседател Емануел Макрон изјави дека, по детална техничка работа, владата пронашла решение што треба да ги задоволи забелешките на Уставниот совет и да биде во согласност со европското право.

„Оваа заштита мора да стане стандард и за сите европски деца“, рече Макрон, нагласувајќи ја желбата на Франција да види слична забрана спроведена низ целата Европска унија.

На 14 август, Уставниот совет ја отфрли забраната за социјални мрежи за лица под 15 години, оценувајќи дека таа претставува непропорционално ограничување на слободата на изразување.

Претходно, на 21 јули, францускиот парламент усвои закон со кој се забранува креирање нови профили за корисници под 15 години почнувајќи од 1 септември и се наложува затворање на постоечките профили во рок од четири месеци, како и задолжителна проверка на возраста.

По одлуката на Уставниот совет, Макрон му наложи на премиерот Себастиен Лекорну да подготви нов предлог.

Извор: Б92

Тагови: социјални мрежи Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

УЕФА ги потврди домаќините на финалните средби во Лигата на Шампионите и Лига Европа за сезоните 2028 и 2029

Минхен и Барселона ќе бидат домаќини на финалните натпревари во Лигата на шампионите во 2028 и 2029 година, објави УЕФА на своите официјални канали.

Истовремено, финалните натпревари во Лигата на Европа во овие сезони ќе се играат во Букурешт и Белград.

Белград ќе биде домаќин на финалето во Лига Европа, на новиот стадион во Сурчин кој треба да биде изграден во 2027 години

Финалето во 2028 година од најважното европско клупско натпреварување ќе се игра на стадионот на Баерн во Минхен, кој во соопштението на УЕФА е именуван како „Фудбалска арена Минхен“.

Една година подоцна, домаќин ќе биде „Камп Ноу“, стадионот на Барселона.

УЕФА ја објави веста придружена со фотографии од двата стадиона и порака во која се истакнуваат овие два култни фудбалски објекти, повикувајќи ги навивачите да изберат кое финале би сакале да го гледаат.

Белград го очекува финалето на Лигата на Европа, Националната арена во Букурешт ќе биде домаќин на финалето на Лигата на Европа за сезоната 2027/28.

За сезоната, 2028/29, како домаќин е наведен Националниот стадион во Белград, кој моментално е во фаза на изградба. Тоа значи дека во 2029 година во Барселона и Белград ќе се одржат две големи европски клупски финалиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 18 месеци нема правда за Кочани затоа што судството под контрола на Мицкоски ги штити своите

Поминаа 18 месеци од трагедијата во дискотеката „Пулс“, во која згаснаа 63 млади животи, а 193 лица беа повредени.

Правдата за Кочани се топи пред очите на јавноста.

Заробеното судство кое е под целосна контрола на Мицкоски ги штити своите, а жртвите и нивните семејства ги остава без одговори и без правда.

Повеќе од две години власта на Мицкоски ги контролира полицијата, обвинителството и судството.

Диктира задачи на обвинители и судии преку телефон, од собраниска говорница, преку телевизија. Дискредитира и навредува обвинители јавно. Поставува свои советници за судии, сопруга на ексградоначалник на ВМРО во Судскиот совет, обвинителка поврзана со Сашо Мијалков.

И каков е резултатот?

Наместо брза и неселективна одговорност, гледаме одолжување на постапките и ослободување на лица поврзани со случајот.

Сега и „Газда Деко“ е пред слобода.

Мицкоски тврдеше дека ќе се повлече од политиката ако се докаже дека обезбедувањето во „Пулс“ е поврзано со ВМРО.

Како и за сè друго што им ветил на граѓаните – излажа.

Ниту се повлече, ниту понесе одговорност, ниту обезбеди правда.

Додека Мицкоски зборува за „талог“ и „елита“, додека седи до државниот јавен обвинител и испраќа закани, родителите на загинатите повторно гледаат како институциите ја погребуваат правдата.

Ова веќе не е изолиран случај. Ова е систем.

Го ослободуваат Груевски. Го ослободуваат Латас.

Враќаат имот стекнат со криминал на ВМРО-ОКГ.

Телохранители на Мицкоски кои тепаат жени се спасуваат од одговорност.

Нема одговорност за петте тони дрога пренесени преку граница.

Нема одговорност за криминалните тендери вредни 200 милиони евра.

Нема одговорност за водата во Гостивар, за загадените реки.

Нема одговорност за тепањето млади во Ново Село.

Така изгледа „правдата“ на Мицкоски – заштита за моќните и неправда за жртвите.

СДСМ стои со семејствата на загинатите и со повредените во трагедијата во Кочани.

Бараме целосна, неселективна и вистинска одговорност за секој што дозволил, овозможил или прикривал незаконско работење во „Пулс“.

Никој не смее да биде заштитен поради партиска книшка, функција или блискост со криминалната банда на власт.

Правдата за Кочани не смее да се разводни.

Правдата за Кочани не смее да се одложува.

Правдата за Кочани не смее да истече.

Прес конференција на СДСМ, Богданка Кузеска - портпаролка и членка на ИО на СДСМ

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.