Започнува новата сезона во НБА - Канал 5

НБА

Започнува новата сезона во НБА

Новата НБА сезона започнува доцна вечерва вторник кон среда.

Започнува новата сезона во НБА

Јубилејната 80-та НБА сезона ќе ја отвори актуелниот шампион Оклахома Сити Тандер, кои ќе бидат домаќини на амбициозните Хјустон Рокетс во својот „Пик Центар“ од 01.30 часот по наше време.

На премиерниот ден се игра и дуелот ЛА Лејкерс и Голден Стејт Вориорс кој започнува во 4 часот наутро.

Во ноќта од среда кон четврток се играат уште многу натпревари: Шарлот Хорнетс - Бруклин Нетс (01:00), Њујорк Никс - Кливленд Кавалирс, Орландо Меџик - Мајами Хит, Атланта Хокс - Торонто Репторс (01:30), Бостон Селтикс - Филаделфија 76ерс, Чикаго Булс - Детроит Пистонс (02:00), Мемфис Гризлис - Њу Орлеанс Пеликанс, Милвоки Бакс - Вашингтон Визардс, Јута Џез - ЛА Клиперс (03:30), Феникс Санс - Сакраменто Кингс (04:00), Портланд Треил Блејзерс - Минесота Тимбервулвс.

Регуларниот дел од НБА сезоната започнува на 22 октомври и завршува на 13 април. Секој од 30-те тима ќе одигра вкупно 82 натпревари во регуларната сезона (41 дома, 41 на гости), а НБА Купот ќе се игра паралелно со НБА сезоната од 31 октомври до 16 декември 2025 година.

Лигата е поделена на две конференции - Источна и Западна, секоја поделена во три дивизии. Секој тим ќе игра 52 натпревари во рамките на конференцијата (четири натпревари против секој ривал од дивизијата и три или четири натпревари против други тимови од истата конференција). Надвор од својата конференција, тие ќе играат вкупно 30 натпревари - по два со секој ривал од спротивната конференција.

Тимовите што ќе заземат едно од првите шест места во својата конференција ќе освојат директно место во плејофот, а тимовите пласирани од 7-мо до 10-то место ќе играат во плеј-инот. Екипите што го освоија 7-мото и 8-мото место играат меѓусебно, а победникот влегува во плејофот како седми пласиран, додека поразениот игра против победникот од 9-тиот/10-тиот натпревар за последното место во плејофот.

Според обложувалниците најголеми фаворити за освојување на шампионскиуот прстен во НБА во новата сезона се бранителот на тронот Оклахома и тимот на Денвер предводен од неверојатниот Никола Јокиќ.

Тагови: НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Дали Џенифер Лопез ставила силикони??

Светската музичка ѕвезда Џенифер Лопез предизвика хасо на социјалните мрежи со своето бујно деколте. Сега, сите се прашуваат дали вградила силикони.

Видео-фото: Дали Џенифер Лопез ставила силикони??

Мегапопуларната пејачка и глумица веќе некое време е главна тема на социјалните мрежи, особено поради врската со нејзиниот нов колега, а сега и поради изгледот на нејзините гради.

Деновиве, Џеј Ло е во центарот на вниманието на јавноста поради филмот „Канцелариска романса“, во кој таа ја игра главната улога.

Брет Голдштајн исто така глуми со неа во филмот, а тие го промовираат заедничкиот проект појавувајќи се на премиери низ САД.

Така во вторник тие присуствуваа на премиерата на филмот во Њујорк, а малкумина забележаа нешто друго освен модната комбинација на Џенифер.

Лопез блесна на црвениот тепих во еден од најсмелите фустани во нејзината кариера, а сите очи беа насочени кон нејзиното деколте, кое изгледа двојно поголемо.

Деколтето предизвика и шпекулации и коментари за пластична хирургија. „Дали се нови? Или не ги забележав претходно?“, „Градите нејзини изгледаат сè друго освен природно“, „Изгледаат многу поголеми“, „Од каде се? Но, изгледа одлично“, напишаа некои.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија со 174 гласа избрана за членка на Економскиот и социјалниот совет на ОН

За првпат од осамостојувањето Македонија е избрана за членка на Економскиот и социјален совет на Обединетите нации за мандатниот период 2027–2029 година добивајќи поддршка од дури 174 земји членки на гласањето во Њујорк.

Македонија со 174 гласа избрана за членка на Економскиот и социјалниот совет на ОН

Претседателката Гордана Силјановска-Давкова го оцени изборот на Македонија за членка на економски и социјален совет на Обединетите нации (ЕКОСОК) како значаен дипломатски успех и силна потврда за довербата што меѓународната заедница ја има во државата.

Во објава на социјалните мрежи, Силјановска-Давкова истакна дека овој резултат е плод на активна, принципиелна и доследна надворешна политика, како и на долгогодишни дипломатски напори за обезбедување меѓународна поддршка.

И премиерот Христијан Мицкоски оцени дека изборот претставува признание за вложените напори во надворешната политика и за довербата што Македонија ја гради со своите меѓународни партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Трам повторно „задрема“ на состанок во Белата куќа?

Американскиот претседател Доналд Трамп се чини дека повторно задремал за време на состанокот во Белата куќа. 

Видео: Трам повторно „задрема“ на состанок во Белата куќа?

79 годишниот Трамп ги „одмори“ очите неколку моменти за време на состанокот за енергија и се потпре на столот.

На американскиот претседател му се придружија министерот за внатрешни работи Даг Бургум, министерот за енергетика Крис Рајт и администраторот на Агенцијата за заштита на животната средина, Ли Зелдин.

Белата куќа одговори на тврдењата изнесени од некои американски медиуми.

Портпаролот Дејвис Ингл ги отфрли обвинувањата и рече дека Трамп е „најпаметниот, најдостапниот и најенергичниот претседател во американската историја“.

Тој додаде дека претседателот „работи деноноќно за да ја направи земјата уште поголема од кога било досега“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер