Култура

Започнува 13. Интернационален фестивал на античка драма „Стоби“

Од вечерва до 26 јули во археолошкиот локалитет Стоби ќе се одржи 13-то издание на Интернационалниот фестивал на античка драма „Стоби“.


Фестивалот ќе биде отворен со претставата „Војникот Фалбаџија“ на Турскиот театар од Скопје. Оваа претстава заедно со уште две од Македонија и една од Казахстан или вкупно четири претстави годинава ќе се натпреваруваат за една од наградите на фестивалот: гран при за најдобра претстава, награда за најдобра режија и награда за најдобра женска и машка улога. Во чест на наградените велешкиот театра на 26 јули ќе ја изведе претставата „Крал Лир“.

Претставата „Војникот Фалбаџија“ од Тит Мак Плаут во режија на Лука Кортини, Турскиот театар од Скопје премиерно ја изведе во април годинава. Во претставата која се изведува со титл на македонски јазик настапуваат актерите: Осман Али, Јеткин Сезаир, Селпин Керим, Салаетин Билал, Билјана Јовановска, Аксел Мехмети и други.

Драматургијата е на Викторија Рангелова, сценографијата и костимите на Наташа Андонова, а музиката на „Фолтин“.

На 21-ти јули со две изведби во 20:00 и 22:00 часот ќе се одигра претставата „Федра“ во продукција на Независна продукција, од Македонија. Два дена подоцна на 21-ви јули ќе настапи Театар Комедија исто така од Македонија со претставата „Многу врева за ништо“, а која премиерно беше изведена деновиве.

Единствената странска претстава е „Медеа“ на Казахтанскиот театар за танц и музика „Ајгул Иманбаева“. Нивниот настап е закажан за 25-ти јули со што завршува официјалниот натпреварувачки дел на 13. Интернационален фестивал на античка драма „Стоби“.

За сите заинтересирани љубители организаторот обезбеди бесплатен превоз од центарот на Велес, а влезниците се популарно 50 денари. Организиаторот Здружението на античка драма „Стоби“ кое фестивалот го организира под покрвителство на Општина Велес, најави и публика од соседните градови: Кавадарци, Неготино, Скопје и Гевгелија.

Регион

Монд: Кинескиот претседател во посета на „освоените територии“ – Србија и Унгарија

 По Франција, Си Џинпинг ја продолжува европската турнеја со патување „на освоената територија“, а тоа се Србија и Унгарија.

Кинескиот претседател Си Џинпинг ја продолжува европската турнеја со посета на пријателските земји Србија и Унгарија, каде ќе се разговара за нови инвестиции, но не треба да се очекува да се споменат прашања како што се критиките за човековите права и кинеската трговска политика, односно поддршката на Пекинг за Москва, оцени денеска парискиот весник „Монд“.

- По Франција, Си Џинпинг ја продолжува европската турнеја со патување „на освоената територија“, а тоа се Србија и Унгарија. Кинескиот претседател избра со своето присуство да почести две земји со ограничена демографска и економска тежина, но чии двајца лидери, претседателот на Србија Александар Вучиќ и унгарскиот премиер Виктор Орбан користат многу критичка реторика кон Западот, а тоа им се допаѓа на Кинезите, пишува весникот.

За време на четиридневната посета на Белград и Будимпешта, „не треба да очекуваме критики за човековите права во Кина, за трговската политика на Кина или за поддршката на Пекинг за Москва. Напротив, Вучиќ има намера да го прослави, како што го опишува тој, „челичното пријателство“ меѓу Србија и Кина“, оцени францускиот весник.

Што се однесува до Унгарија, Орбан сака да ја одбрани „својата отворена политика“, бидејќи верува дека „Западна Европа е болна“, додаде Монд.

- И Србите и Унгарците се надеваат дека ќе добијат конкретни најави за инвестиции за време на оваа посета. Вучиќ објасни дека од кинескиот претседател ќе побара помош „за обновување на производството на возови“ во неговата земја, но и инвестиции во областа „летечки возила и „вештачка интелигенција“, пишува францускиот весник.

Унгарските медиуми шпекулираат за изградба на нова кинеска фабрика за електрични возила. Со својата одлучна прокинеска политика, Унгарија за неколку години успеа да стане водечка дестинација во Европската унија за кинеските производители на електрични возила.

- Во споредба со другите земји во регионот, како Чешка или Полска, кинеските компании ја ценат Унгарија поради континуираните добри односи со Кина веќе 20 години, оценуваат унгарски експерти, пренесе Монд.

Македонија

Во Долнени до 9 часот гласале 1,73 отсто за претседателските и 2,34 отсто за парламентарните

Во општина Долнени гласањето се одвива без проблеми, информираат од општинската изборна комисија.

До 9 часот на гласање за претседателските избори излегле 1,73 проценти од запишаните 11 730 избирачи, а за парламентарните избори правото на глас до 9 часот го искористиле 2,34 проценти од 11 748 гласачи.

Свет

Украина го осуди најновиот руски напад врз нејзината енергетска инфраструктура

Во текот на изминатата ноќ руските сили извршија уште еден „масовен напад со проектили и беспилотни летала“ врз украинската енергетска инфраструктура, при што беа повредени најмалку шест лица, соопштија украинските власти.

„Непријателот не се откажува од своите планови да ги лиши Украинците од уште еден масовен напад врз нашата енергетска индустрија“, напиша украинскиот министер за енергетика Херман Галушченко на Телеграм.

Нападите беа насочени кон производството и преносот на електрична енергија во регионите Полтава (исток), Кировоград (центар), Запорожје (југ), Лавов, Ивано-Франковск и Виниција (запад).

Локалните власти соопштија дека шест лица се повредени во текот на ноќта во неколкуте нападнати области.

Се додава дека „сериозно се оштетени“ зградите на компанијата ДТЕК, најголемиот приватен инвеститор во енергетскиот сектор на Украина, како и три термоелектрани.

Локалните власти соопштија дека од почетокот на руската инвазија врз Украина, во февруари 2022 година, енергетските објекти се бомбардирани околу 180 пати, од кои пет во последните неколку недели.

Како што соопшти денеска воената управа на градот Киев, руските стратешки

притисни ентер