Западниот Балкан и ЕУ на COP30: Финансиска поддршка и пример за климатски практики - Канал 5

Македонија

Западниот Балкан и ЕУ на COP30: Финансиска поддршка и пример за климатски практики

Во срцето на Амазонија во бразилскиот град Белем од 10 до 21 ноември  се одржува 30 Конференција на ОН за климатски промени (COP30).

Западниот Балкан и ЕУ на COP30: Финансиска поддршка и пример за климатски практики

Состанокот се смета за историски бидејќи 2025 година е оценета како критичен момент за глобалната климатска политика – со условот наметнат од Парискиот договор земјите да ги поднесат своите нови, поамбициозни национални планови за климатска акција (NDCs).

Организаторите на Конференцијата во Белем очекуваат COP30 да донесе „ново ниво на амбиција“ во процесите и конретните активности за намалување на емисиите што предизивкуваат ефект на стаклена градина, зголемување на прилагодливоста, но и можеби најважното – зголемување на финансиската поддршка за земјите кои најмногу се соочуваат со климатските ризици и државите во развој кои немаат доволно средства ниту можности за финансирање на активностите за справување со климатските промени.

Очекувањата од собирот во Белем се доста високи – COP30 треба да покаже дали меѓународната заедница е подготвена вистински да го засили темпото и да го задржи глобалното затоплување под 1,5 степен Целзиусов, цел што секојдневно станува се потешка за постигнување.

На Самитот ќе доминираат три теми: климатска правда, заштита на природните екосистеми и финансирање на климатските мерки. Земјите ќе преговараат како да се забрза глобалниот напредок во борбата против климатските промени, во време кога светот веќе ги почувствува последиците преку чести екстремни временски настани.

Во очи собирот во Бразил се одржа i кус медиумски брифинг на кој беше презентирана позицијата на ЕУ на COP30 и како Европа може да придонесе за праведен и научно заснован исход на COP30 што ќе го забрза глобалното климатско дејствување.

Како што беше посочено на брифингот, постои расположение кај државите-членки на ЕУ за надминување на разликите односно „емисискиот јаз“ по однос прашањето. Она што отсуствува е што разликата од ветеното, најавеното од стореното. Како што посочи Киара Мартинели, директорка на CAN Europe, климатските промени придонесуваат за забрзување на активностите за справување со нив.

– Според Евробарометарот, над 83 проценти од населението на ЕУ бараат од политичарите да спроведат политики за намалување на причините за климатските промени, рече таа.

Експертите посочија дека пари има, но оти средствата треба да се пренасочат од оние што придонесуваат за загадување и чии активности иницираат климатски промени кон оние кои навистина ќе ги потрошат за намалување на причините за промените во климата.

Амбициозните политики за справување со климатските промени постојат и се остварливи, она што е потребно е државите повеќе да се вложат во таа насока, секоја согласно своите можности и сила, секој субјект во својата област на дејствување за достигнување на целите предвидени од глобалните договори и транзициски механизми.

За Европската унија беше истакнато дека мора да биде предводник во тој процес, независно потешкотиите во потрагата по одговори што треба да се направи со справувањето со предизвиците наметнати од причините што доведуваат до климатските промени.

Што се однесува на државите од Западниот Балкан, Рејчел Сајмон посочи на потребата од обезбедување финансиска помош за земјите во развој и конкретни соодветни гаранции за исполнување на климатските целите.

Се очекува во текот на денот да биде објавена мапата односно насоките како секоја од државите ќе ги намали договорените емисиите по години, со тоа што ќе бидат посочени мерките што треба да ги спроведе, средствата што е потребни за прилагодување на финансиските планови и кои институции ќе работат на прашањето.

– Она што е важно е ЕУ да предводи во креирањето мостови и да ги презентира позитивните практики како богатите земји да предводат во креирањето на реформската климатска архитектура, рече Сајмон.

Фросина Антоновска, координаторка за климатска и енергетска политика и мрежи за Западен Балкан, истакна дека државите од регионот се од редовите на оние што ќе примаат финансиска помош, техннологија за поддршка во справувањето со климатските предизвици.

-Државите од Западниот Балкан напорно работат да ги следат европските практикики и енергетски препораки и тоа по различни механизми, меѓу кои и преку претпристапните преговори...Државите од Западен балкан се дел од „Green Agenda for the Western Balkans “ регионална иницијатива која има за цел да ја насочи транзицијата кон зелена, одржлива и климатски отпорна економија во земјите, еквивалент на европската агенда. Важно е државите од регионот да презентираат цели и амбиции за остварување јаглеродна неутралност до 2050 година и да презентираат конкретни временски рамки по етапи како ќе го остварат тоа, рече Антоновска.

Извор: Проверено.мк

Тагови: Амазонија Бразил Климатските промени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

13 возачи лишени од слобода за „безобѕирно управување со возило“ во изминатото деноноќие

Во текот на изминатото деноноќие, на територијата на целата држава, полициски службеници лишија од слобода 13 лица поради „безобѕирно управување со возило“.

13 возачи лишени од слобода за „безобѕирно управување со возило“ во изминатото деноноќие

Од нив, 11 возачи управувале возило без возачка дозвола, и тоа од Велес, Скопје и Прилеп.

Двајца возачи, од Куманово и Скопје, управувале возило под дејство на алкохол.

При преземање на мерки и активности, кај возач од Скопје кој управувал возило без возачка дозвола, било констатирано дека на патничкото моторно возило предната регистарска таблица не припаѓала на возилото.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените контроли во сообраќајот, со цел санкционирање на несовесните возачи и спречување на однесувања со кои се загрозува безбедноста на сите учесници во сообраќајот. Почитувањето на сообраќајните правила и прописи, поседувањето важечка возачка дозвола и управувањето со возило во трезна состојба се основа за безбеден сообраќај.

Тагови: безобѕирно возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони повлекува црвена линија: „Не сум добрa за сите годишни времиња“

Италијанската премиерка Џорџија Мелони ги отфрли шпекулациите дека би можела да формира сојузи со политички сили кои се противат на воената помош за Украина.

Мелони повлекува црвена линија: „Не сум добрa за сите годишни времиња“

Во интервју за италијанскиот весник „Ил Фодлио“, Мелони рече дека не е подготвена да се откаже од своите верувања за политичка или изборна корист.

„Џорџија Мелони сигурно не е подготвена да го стори спротивното од она што го направила или во што верува, заради политичка или изборна пресметка“, рече таа, одговарајќи на прашањето дали поставила јасни црвени линии за приклучување кон коалиција.

Нејзините зборови се предупредување до Роберто Ваначи, поранешен генерал кој стана екстремно десничарски политичар и отворен критичар на Европската Унија и воената помош за Украина.

„Кој бара премиер кој се предомислува во зависност од тоа која партија го поддржува, секогаш и исклучиво за лична корист, треба да бара некој друг. Јас сум сериозна личност и не сум добра за сите годишни времиња“, рече Мелони.

Мелони ќе се соочи со гласачите на изборите следната година, откако штотуку стана премиер со најдолг мандат во италијанската историја. „За мене, во текот на овие години, од изборна гледна точка, ќе беше покорисно да не ја поддржувам Украина отколку да ја поддржувам неа. Не ја поддржував Украина за Киев, туку за Рим“, нагласи италијанската премиерка.

Тагови: Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП анализа: Спротивно од премиерот, иселувањето ќе се интензивира во наредните години!

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните.

ЛДП анализа: Спротивно од премиерот, иселувањето ќе се интензивира во наредните години!

Додека премиерот шири розева пропаганда за наводен просперитет, суровата реалност и најновите PISA резултати покажуваат поразителна слика за Македонија: загрижувачка елементарна и функционална неписменост кај младите и целосен слом на образовниот систем. Оваа општествена хаварија директно се пресликува и во судството, каде што одлуките станаа целосно неразбирливи за обичниот човек. Во оваа држава, за ситен криминал се одговара експресно, додека за најголемите коруптивни процеси постапките немаат завршница или завршуваат со ослободителни пресуди за кои дури и не се објавуваат пишани образложенија, како што е случајот со „Талир 2“ и седиштето на ВМРО-ДПМНЕ. За да се види каде завршиле искрадените пари од џебот на граѓаните, не треба замислување или правни филозофии — доволно е само да се отворат очите во центарот на Скопје и да се погледнат онаа огромна камена палата со толку спратови и целиот плоштад пред неа.

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните. Власта новата учебна година ја започна со скандалозно преображение на наставните програми и слушање црковни писма наместо наука, додека прославата на независноста ја претвори во коруптивен спектакл со приватизација на државни функции. Генералната неказнивост гарантирана преку Кривичниот законик, законите заглавени со месеци, и трагичниот, животозагрозувачки недостиг на лекови на Онкологија се само потврда дека системот е целосно заглавен. По истиот овој коруптивен модел денес на сите им е јасно зошто бегаме од европските правила и зошто по истиот принцип паѓаат економијата, здравството и образованието.

Во вакви катастрофални околности, Либерално-демократската партија (ЛДП) констатира дека, спротивно од празниот оптимизам на премиерот, иселувањето од Македонија не само што нема да запре, туку драматично ќе се интензивира во наредните години како директна последица на ова лошо владеење. Кој нормален човек, млад професионалец или родител би останал да живее во земја каде што ги нема основните услови за здравје, правда и заштита на сопствените деца? Единствените кои со задоволство ќе останат во ваква заглавена држава се луѓето од партиската елита на ВМРО-ДПМНЕ, кои се и единствените кои ја градат сопствената иднина врз грбот на оние кои си заминуваат.

Со почит,

Либерално-демократска партија

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер