Заложниците биле ослободени во тајна операција: Израелски специјалци се маскирале како бегалци

Израелските специјални сили биле маскирани како палестински бегалци кои барале место за живеење кога упаднале во зградата во која Хамас ги држеле четворица заложници киднапирани во нападот врз Израел од 7 октомври минатата година.

Како што јави ABCnews, повикувајќи се на два извори блиски до израелските безбедносни сили, специјалните сили веќе биле во близина на зградата кога добиле наредба дека може да започне спасувачката операција.

Наредбата за стапување во акција била издадена во сабота во 11 часот по локално време. Првиот хеликоптер во кој биле ослободените заложници и ранетите полицајци слетал во медицинскиот центар Шиба во 12 часот и 15 минути, а последниот во 12 часот и 45 минути, кога и дефинитивно била завршена акцијата за ослободување.

Во подготовката и извршувањето на „Операцијата Арнон“ учествувале израелската внатрешна разузнавачка служба Шин Бет, израелските одбранбени сили (ИДФ) и членови на тимот за специјални операции Јамам. Акцијата била именувана во чест на загинатиот припадник на безбедносните сили.

Спасени се заложниците - Алмог Меир Јан (21), Ноа Аргамани (25), Андреј Козлов (27) и Шломи Жив (40). Сите тие биле киднапирани на 7 октомври на музичкиот фестивал Нова во јужен Израел.

„Ослободените заложници беа во добра здравствена состојба“, соопшти ИДФ.

Сепак, нивната психичка состојба не била најдобра.

„Тие беа малтретирани подолг временски период“, рече професорот Итаи Песах, шеф на медицинскиот тим кој се грижеше за ослободените. Заложниците биле лоцирани на две различни локации во централниот дел на Појасот Газа. Тројцата мажи биле разделени, недалеку од бегалскиот камп.

Палестинското Министерство за здравство во неделата објави дека 274 Палестинци биле убиени, а 698 ранети од израелските сили за време на операцијата за ослободување на заложниците.

Видео: Унгарската фудбалска федерација се огласи за тешко повредениот репрезентативец

Фудбалскиот сојуз на Унгарија ја објави состојбата на Барнабас Варга, кој се здоби со тешка повреда на натпреварот против Шкотска на ЕУРО 2024.

Варга се повреди при судир со голманот на Шкотска Ангус Ган во 68. минута од натпреварот, а по тој судир Варга остана без свест.

Нему му била укажана помош на неколку минути, по што бил изнесен на носилки, опкружен со пехарници.

„Состојбата на Барнабас Варга е стабилна. Фудбалерот на Ференцварош моментално се наоѓа во болница во Штутгарт. Доколку има некаква вест за неговиот статус, веднаш ќе ве известиме“, соопштија од Унгарската фудбалска федерација.

Унгарија инаку на крајот го доби мечот од 3 коло во групата А и ги задржа шансите за пламсна во следната рунда. Шкотска е победена со голот на Кевин Чобот во 100. минута од натпреварот.

Градоначалникот Ѓорѓиевски на терен со екипите за расчистување на штетите по невремето

Градоначалникот Орце Ѓорѓиевски и екипите за расчистување на теренот по големото невреме што го зафати Скопје, а не ја поштеди ни општина Кисела Вода, вечерва активно работат на санација на штетите.

Како што истакна, немало премногу повици за интервенција, но секаде каде што е побарана помош, се реагира веднаш. Ги извести граѓаните дека и тој и екипите стануваат на терен и дека сите кои имаат проблем можат да го пријават на телефонските броеви 071391250 и 070259942.

-Драчево и околината на Кисела Вода денес ги зафати силно невреме проследено со обилни врнежи од град кои направија штета. Не голема, но доволно за интервенција. За среќа, имавме многу малку повици за поплавени домови и неколку паднати дрвја, каде што веднаш интервениравме!

За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно. Заедно со екипите сме на терен.

Сите служби се на располагање, вклучувајќи ме и мене и ве повикувам сите кои имате било каков проблем и потреба да се јавите на:

071391250 и 070259942-изјави градоначалникот Орце Ѓорѓиевски.

Христијан Мицкоски - претседател на Владата

Лидерот на ВМРО-ДПМНЕ Христијан Мицкоски, кој ќе ја предводи новата Влада, е роден во Скопје на 29.09.1977 година.

Мицкоски е на чело на ВМРО-ДПМНЕ од декември 2017 година.

Дипломирал, магистрирал и докторирал на Машински факултет во Скопје

Во периодот 2016-2017 година бил генерален директор и претседател на УО на АД Електрани на Македонија, а од 2015 до 2017 бил советник на Претседателот на Владата на Република Македонија за енергетика.

Од 2019 година е редовен професор на Машинскиот факултет во Скопје, а претходно бил вонреден професор, доцент, асистент и помлад асистент. Во 2021 и 2012 година работел во ФОНКО клима како главен и одговорен проектант на термотехнички инсталации.

Има објавено 35 меѓународни публикации и научни трудови, како и десетина домашни, автор е на триесеттина стручни апликации, а учествувал и во неклку меѓународни, развојни и научно-истражувачки проекти.

Добитник е шест меѓународни домашни признанија и награди.

Од компјутерски вештини познава AutoCAD, MATLAB/Simulink, Microsoft Visual C++.

Мајчин јазик му е македонскиот, а англискиот го познава одлично, а италијанскиот добро.

притисни ентер