Свет

Заложничка криза во Германија: Жена упаднала во клиника, запалила факел и се заканувала

Голема полициска и противпожарна акција е во тек во болницата Лујзен во Ахен, Германија, каде според првичните информации од полицијата, наводно вооружена жена им се заканувала на неколку лица во клиниката, јавија германските медиуми.

Областа е опколена со вооружена полиција со шлемови, панцири и автоматски пушки, а улиците се затворени. Специјални единици од Келн се на пат кон локацијата.

Се наведува дека жената запалила пиротехника и голем облак чад ја наполнил клиниката. Според БИЛД, непозната жена запалила факел во операциона сала.

Таа потоа се забарикадирала во соба за пациенти и засега не е јасно дали имало други луѓе во собата.

Полицијата се уште не може да каже која е точно вооружената, ниту на кого му се заканува. Исто така, не е јасно дали има повредени.

Станува збор за протестантска болница со 378 кревети и дванаесет специјалистички одделенија. Во болницата работат околу 1.600 вработени.

Во моментов се расчистуваат делови од клиниката, а пациентите се преместуваат.

Како што пренесува „Ахенер цајтунг“, од зградата се изнесуваат вознемирени лица.

Полицијата ги повикува луѓето да ја избегнуваат областа околу болницата Лујзен. /МИА

Рецепти

„Гответе со Дракче“ - Палачинки

Во среда (12.02.2025) во емисијата гостин ни беше Билјана Јаневска.

Состојки за денешниот рецепт:

500 гр. брашно

1 јајце

250 мл. минерална вода

200 мл. млеко

200 гр. мелени бисквити

1 мало тегличе мед

200 гр. мелени ореви

чоколаден прелив

Напиток салеп

млеко и цимет по желба

Погледнете како се подготвува овој рецепт:

Фудбал

Салах постави рекорд во Премиер лигата

Напаѓачот на Ливерпул, Мохамед Салах постигна гол и асистенција на презакажаниот натпревар од 15. коло на англискиот шампионат против Евертон (2:2). 

Натпреварот се одигра синоќа на „Гудисон Парк“ во Ливерпул.

Сега Салах има 13 гола и девет асистенции на 13 гостувања оваа сезона. Триесет и двегодишниот Египќанец стана првиот играч во историјата на Премиер лигата кој постигнал 22 поени (голови + асистенции) на гостински терен во една сезона.

Салах го собори рекордот на фудбалерот на Њукасл, Енди Кол од 21 поен (гол и асистенции) на гостински натпревари поставен во сезоната 1993/94.

Македонија

Акција за собирање кабаст отпад на локации во Пролет, Водно и Буњаковец

Општина Центар започнува нова акција за собирање кабаст отпад, со цел заштита на животната средина и подобрување на квалитетот на живот во локалната самоуправа. 

Во периодот од 15ти до 20ти во наредните три месеци - февруари, март и април, граѓаните ќе можат бесплатно да го одложат кабастиот отпад на три локации:

- Во населба Пролет, кај Феријален дом;

- На Водно, кај КТК до контејнерите;

- Во Буњаковец, кај контејнерите кај Вучко.

„Апелирам до сите да ја искористат оваа можност и на еколошки начин да се ослободат од кабастиот отпад. Да ги чуваме нашите улици чисти и да придонесеме кон поздрава животна средина!“ – порача градоначалникот Герасимовски.

Акцијата се спроведува согласно Акцискиот план за чист воздух и во соработка со Министерството за животна средина и просторно планирање. Дополнително, службите на локалната самоуправа активно спроведуваат голема кампања за чистење на општината под мотото „Центар не чека, Центар чисти“. Оваа иницијатива доби силна поддршка и позитивни реакции од жителите.

Заедно со граѓаните продолжуваме да создаваме чиста и уредена општина, во која приоритет ќе биде здравата животна средина.

Општина Центар

притисни ентер