Овие прашања се поставуваат откако таа вчера беше приведена, а државниот јавен обвинител Јовески на прес конференција рече дека СЈО се уште има мандат и доколку јавниот обвинител е спречен да ја извршува работата, Советот на јавните обвинители треба да назначат вд обвинител, од редот на обвинителите во СЈО повикувајќи се на Законот на јавното обвинителство.
Од друга страна, претседателот на Советот на јавните обвинители Коле Штерјев смета дека не може да се назначи вд обвинител без да и истече мандатот на Јанева. Тој за Канал 5 вели дека од Обвинителството е побарано да се достават информации и списи од предметот и врз основа на тоа да се изготви извештај дали Јанева ќе биде разрешена или не. Штерјев вели дека евентуалниот предлог за разрешеување понатаму би бил испратен до Собранието на одлучување.
Изјавата на државнот обвинител Јовески наиде на реакција и на претседателот на Собраниската комисија за избори и именувања Илија Димовски. Тој вели дека и постапката за назначување и разрешување на специјалниот обвинител е регулирана во специјалниот закон. И во двете постапки, вели дека не смее да се прескокне Собранието.
Во постапката за назначување процедурата почнува во Комисијата за прашања на избори именувања преку Собранието на РМ со двотретинско и бадентереово мнозинство се утврдува предлогот и се доставува до Советот на ЈО кој што само врз основа на предлог на Собранието може да назначи човек кој што ќе ја врши функцијата СЈО. Ниту еден друг орган или лице нема законско право да предложи вршител на функцијата специјален јавен обвинител, само Собранието ја има таа надлежност.
Во процесот на разрешување на специјалниот обвинител конечната одлука исто така ја носи Собранието, по предлог на Советот на јавните обвинители, вели Димовски. Тој рече дека се додека не се разреши досегашниот специјален обвинител не може да се назначи нов, за да немаме два специјални обвинители.
Според универзитетскиот професор Гордан Калајџиев во СЈО не може да се избира вд специјален јавен обвинител, затоа што се работи за строго монократски орган. Тој вели дека доколку се разреши Јанева, во истиот момент им завршува мандатот и на другите обвинители во СЈО.
Обвинителите што му помагаат дури немаат вистински целосен мандат за разлика од сите други обивинители, аналогија не е можна бидејќи духот на овој закон дава овластувањет специјално на обвинителот кој се бира во специјална процедура а сите други се негови помошници така што нема други можности според идејата и духот на законот да има вд обвинтиел од редот на обвинителите. Според законот нивното разрешување е директно врзано со мандатот на обвинителот. Смислата на законот е меѓудругото е да се тие нејзини луѓе од доверба, тие се еден тим, еден за сите сите за еден.
Калајџиев вели дека постапките на СЈО кои не се директно загрозени од злоупотреба во моментов ќе мируваат, а потоа ќе продолжат со новиот обвинител, останатите за кои постои сомневање за злоупотреби вели мора да сопрат.