Захарова: Оставката на Јермак е ПР потег, нападот врз Каспискиот нафтовод е тероризам - Канал 5

Свет

Захарова: Оставката на Јермак е ПР потег, нападот врз Каспискиот нафтовод е тероризам

Оставката на Андриј Јермак, досегашниот шеф на кабинет на украинскиот претседател Володимир Зеленски, е уште еден „ПР потег на киевскиот режим“ и мора да биде осуден.

Захарова: Оставката на Јермак е ПР потег, нападот врз Каспискиот нафтовод е тероризам

Оставката на Андриј Јермак, досегашниот шеф на кабинет на украинскиот претседател Володимир Зеленски, е уште еден „ПР потег на киевскиот режим“ и мора да биде осуден, изјави денеска портпаролката на руското Министерство за надворешни работи, Марија Захарова, додавајќи дека нападот врз Каспискиот нафтовод конзолциум претставува тероризам.

„Сето ова е само уште еден ПР трик. Киевскиот режим сече вреќа со песок за да спречи целосно да се сруши нивниот меур. Всушност, ова не е прашање на оставка, туку е прашање дали целата оваа банда ќе биде изведена пред лицето на правдата. Не само за домашни злосторства како што е проневера на парите на Украинците, туку и за меѓународни криминали“, изјави Захарова, пренесена од руските медуми.

Москва смета, додаде таа, дека „тоа е меѓународна криминална шема“.

Захарова, исто така, изјави дека Русија ќе ги информира меѓународните организации за „терористичкиот напад“ врз инфраструктурата на Каспискиот нафтовод конзорциум (КТК), за кој ја обвинува Украина.

„Веќе им е јасно на сите дека оваа меѓународна терористичка неонацистичка ќелија претставува закана за светската безбедност“, тврди Захарова.

Според КТК, украинските сили во текот на ноќта со чамци без екипаж го нападнале морскиот терминал во близина на Новоросијск.

КТК е клучен нафтен коридор од Каспискиот басен до светските пазари, особено за Казахстан, чиј извоз во повеќе од 80 проценти од случаите оди во таа насока, објавија руските медиуми.

Нафтовод долг околу 1.500 километри ги поврзува полињата на западен Казахстан со Црното Море, од каде што нафтата се товари на танкери.

Украинските антикорупциски служби во петокот го претресоа станот и канцеларијата на Јермак, што тој го потврди. Недолго потоа, Зеленски објави дека Јермак поднел оставка, која претседателот потоа официјално ја прифатил.

Тагови: Марија Захарова русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер