Живот

Загрижувачки пораст на бројот на дебели деца и тинејџери

За десет пати е зголемен бројот на предебели деца и тинејџери за последните четири децении , покажа студијата на The Lancet .

Последните истражувања покажуваат дека 124 милиони девојчиња и момчиња се предебели . Истражувањето е направено во 200 држави во целиот свет . Во Велика Британија , едно од десет деца на возраст од 5 до 19 години , е предебел . На картата на светот на која се прикажани овие загрижувачки податоци , во Македонија бројот на предебели момчиња е поголем отколку на девојчињата , а земјата е во категоријата земји обележани со побледа црвена боја , односно земја во која секое трето до петто дете е предебело . Ваквата појава е особено згрижувачка , зашто од предебели деца , понатаму растат во предебели возрасни , подложни на разни видови здравствени нарушувања .

Се претпоставува дека од 2025 година секоја наредна ќе бидат потрошени над 920 милијарди фунти за лекување на болестите чија причина е преголемата тежина .

Според научниците , една од главните причини за прекумерната тежина , освен физичката неактивност , е и пристапот до евтина неквалитетна храна . Наглиотѕ скок на бројот на предебели деца е забележан во Источна Азија , односно Кина и Индија .

Од друга страна , бројот на потхранети деца е намален во однос на последните истражувања во 2000 година .

Минатата , 192 милиони деца и млади биле потхранети , во однос на 200 милиони пред 16 години . Нивниот број е најголем во АЗИЈА , Јужна Америка и Африка , со тоа што тежината на сегашните слаби деца е поголема отколку пред десет години .

Од Светската здравствена организација бараат државите итно да воведат мерки за спречување на прекумерната тежина , но засега само 20 држави вовеле данок на зашеќерени пијалоци .

Свет

Фон дер Лајен: ЕУ требаше да ги послуша предупредувањата на Централна Европа за Русија

Претседателката на Европската комисија, Урсула фон дер Лајен денеска изјави дека требало да се слушаат што зборуваат земјите од Централна Европа за Русија и порано да се преземат „одлучни акции“.

- Мислам дека требаше подобро да ги слушаме земјите од Централна Европа. Тие имаат многу повеќе искуство со соседството на Русија. Можеби требаше да направиме нешто порано, како што предложија некои централноевропски земји. Денеска можеме да бидеме благодарни и задоволни што имаме толку силна Европа, која може да даде толку силен одговор на Русија, рече таа на прес-конференција во Брисел на прашањето што научи ЕУ од Полска во изминатите 20 години.

Претседателката на Европската комисија истакна дека 20-годишнината од големото проширување на ЕУ бил одлучувачки момент и гледајќи од денешна перспектива, суштински ја промени Европа и ја направи посилна, пренесува полската телевизија TV World. /МИА

Македонија

На ГП Богородица се чека околу 30 минути

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е зголемен. На ГП Богородица се бележи зголемена фреквенција на возила, времето на чекање за излез од државата е околу 30 минути. На останатите гранични премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Култура

Македонски филмови во мајската програма на Кинотека со фокус на творештвото на Столе Попов

На програмата на Кинотеката во мај ќе има проекции на македонски филмови, а фокусот ќе биде на филмското творештво на режисерот,  сценарист и продуцент Столе Попов (1950) кому оваа година му е доделена  кинотечна награда „Златен објектив“

-Автор кој во голема мера ја задолжи националната кинематографија – како со својот наградуван филмски опус, така и со својот педагошки и менаџерски ангажман на полето на седмата уметност и филмското образование, соопшти Кинотеката.

Ќе бидат прикажани неговите документарни филмови „Оган“, „Дае“, „Австралија, Австралија“ и играните „Црвениот коњ“, „Среќна Нова ’49“, „Тетовирање“, „Џипси меџик“, „До Балчак“.

Покрај филмови од Попов, мајската програма на Кинотеката ќе прикаже и ретроспектива на кратки македонски филмови на режисерите Кочо Недков, Дарко Марковиќ и Елеонора Венинова, новиот документарен филм на Игор Иванов - „Време на бетон“. Исто така и „Буре барут“ на Дејан Дуковски во режија на Горан Паскаљевиќ, како и документарецот „Скопје 63“ на Вељко Булајиќ.

-На менито на Кинотека месецов се наоѓа и промоцијата на новиот филм потпишан од францускиот кинопровокатор Франсоа Озон - „Питер фон Кант“. Се работи за еден интересен, постмодерен осврт и своевиден римејк на делата потпишани и креирани од легендата на германскиот нов бран, Рајнер Вернер Фасбиндер, соопшти Кинотеката.

Во рамки на програмата за овој месец, од 13 до 18 мај во Кинотеката ќе биде организирана и Недела на италијанскиот филм. /МИА

притисни ентер