Инфицираниот доктор вчера се чувствувал лошо, а денеска почувствувал знаци на болест и останал дома , по што се тестирал и е потврдено дека е позитивен.
Тој засега се чувствува добро, а во попладневните часови бил пренесен во болницата во Ново Место, потврдил директорот на здравствениот центар за медиумите, кои од превентивни причини примаат само итни случаи до понатамошно известување.
Според првичните информации, болниот доктор престојувал минатата недела во Италија, а се испитуваат неговите контакти по враќањето, бидејќи тој вообичаено бил на работа и во контакт со пациенти и другиот медицински персонал.
Министерот за здравство Алеш Сабер изјави дека сега ги бараат контактите на заразениот лекар, вклучувајќи најмалку 40 пациенти и 54 вработени во здравствениот центар. Сабер рече дека последните три случаи се заразени здравствени работници кои биле во контакт со пациенти.
Досега се знае дека заразениот доктор бил во контакт со 12 станари во Домот за стари лица во Метилка каде што работел, како и со една сестра и старател.