Македонија

Заев: За мене Кики и Фрики не постојат, нема да коментирам за некои псевдоними

Декларацијата донесена на вчерашната седница на ЦО на СДСМ за борба против криминалот и корупцијата не алудира на никаков случај, туку е верификација на борбата против криминалот и корупцијата, вели премиерот Зоран Заев.

– Не алудиравме на никаков случај. Јас го коментирав овој случај и во Парламентот. Ја знам целата вистина, не е мое да се мешам, ниту на СДСМ, ниту на ЦО, ниту на кој било. Ова е само уште еднаш преку декларација да ја верифицираме нашата недвосмислена и бескомпромисна борба против криминалот и корупцијата дека охрабруваме институциите без разлика за кој се однесува, дали е тоа власта, опозицијата, граѓани, бизнисмени, работници.. секој што се огрешил пред законот треба да одговара, рече Заев на прес-конференција во Владата на која го претстави законското решение за Јавното обвинителство на новинарско прашање дали декларацијата се однесува на случајот „Рекет" и дека наводно вмешаните лица нема да може да се надеват на партиска заштита.

Борбата против криминалот и корупцијата, рече, не е само наш бенчмарк за евроитеграциите, туку е нешто кое носи живот, вредности во државата и е од клучно значење за напредокот, за економскиот раст, за нови работни места.

– Пораката е почитувани истражители, обвинители и судии, не ви требааат политичарите, влијателните луѓе. Вие имате јавни овластувања, носете одлуки онака како што пропишува законот, Уставот и сопственото убедување. Мораме владеењето на правото да го вратиме во државата…. Тој што се огрешил треба да си ја отслужи казната. Затоа треба да си го средиме системот оти сакаме децата да ни останат тука, рече Заев.

Тој нагласи дека за него не постојат ликови како „Кики" и „Фрики" и оти кога новинарите ќе излезат со конкретно име и презиме јавно, тогаш ќе може да коментира.

– За мене Кики и Фрики не постојат. Повелете секој да го истакнете ако има сомневање, ќе ви дадат истражните органи дали има истраги или не и секако секој ќе си носи одговорност. Разбирам дека истражувачкото новинарство е креативно, но и дека е потребна храброст. Апелирам за истражувачко новинарство, само така ќе може да си ја средиме државата. Секаде каде има шпекулации тие нанесуваат нарушување на честа и угледот на луѓе. Јас тоа нема да го дозволам да навлезам во коментари за некои псевдоними, рече Заев./МИА

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер