Премиерот Зоран Заев ја повика Антикорупциската комисија да започне постапка за проверка на имотот на судиите и обвинителите. Во видео обраќање до јавноста Заев упати критика на судството за кое рече дека е под контрола на одреден број судии и обвинители на моќни позиции. Ги повика и Судскиот совет и Советот на јавните обвинители да ја оценат одговорноста на судиите и обвинителите околу застарувањето на предметите но и да ја испитаат професионалноста на судиите.
За лидерот на опозициската ВМРО ДПМНЕ Христијан Мицкоски, барањето на Заев за ветинг во правосудството е како што вели признание дека во изминатите три години неговата влада не направила ништо со што придонел на пад на правната држава.
Антикорупциска во меѓувреме почна да ги чешла анкетните листови за имотната состојба на поранешните обвинители од Специјалното јавно обвинителство. Околу повикот на Заев да се провери целокупниот имот на судиите и обвинителите, првата антикорупционерка Билјана Ивановска за Канал 5 вели дека се работи за сложена операција. Утре на колегиум ќе дискутираат како ќе постапат.
ДКОС прави проверка врз основа на годишен план. Судиите веќе ние беа таргет но се работи за голем број. Барањето на премиерот е комплицирана операција. Утре на колегиум ќе дискутираме околу тоа дали ДКСК има капацитет да го спроведе тоа.
Околу прашењето за ветинг првиот човек на Судскиот Совет Киро Здравев пред неколку дена, рече, како тело врз основа на законите на некој начин и спроведуваат ветинг но и порача доколку се спроведе, процесот да се води внимателно за да нема опструкција на правдата. Ацо Колевски, претседателот на Советот на јавните обвинители, слично порача дека ветингот на судиите и обвинителите треба да биде добро осмислен, да се знае кој и како ќе го врши, за како што кажа и не се претвори во мешање на извршната во судската власт.