Заев најави тужба за Петрушевски и ВМРО-ДПМНЕ: Лага е дека сум поврзан во случајот со запленетиот канабис - Канал 5

Македонија

Заев најави тужба за Петрушевски и ВМРО-ДПМНЕ: Лага е дека сум поврзан во случајот со запленетиот канабис

Поранешниот премиер и екс-лидер на СДСМ, Зоран Заев, бара јавно извинување од ВМРО-ДПМНЕ и пратеникот Бране Петрушевски за, како што вели, лагите и клеветите за негова поврзаност со заплената на десетици тони медицински канабис. 

Заев најави тужба за Петрушевски и ВМРО-ДПМНЕ: Лага е дека сум поврзан во случајот со запленетиот канабис

Тој во објава на ФБ категорично негира било каква поврзаност со случајот, а доколку не се извинат најави тужби против нив. Подеднакво одвратни се и останатите нивни лаги за мене, кои ги повторуваат речиси секојдневно откако се повлеков од политиката, како онаа дека градам некакви облакодери од 40 ката во Дубаи, дека вршам притисок за купување на болницата на д-р Жан Митрев, дека се мешам во работата на правосудните и други институции, вели Заев.

-Јавно барам извинување од пратеникот Петрушевски и од партијата ВМРО-ДПМНЕ за сите тие лаги, клевети и навреди, вклучително и намерната злоупотреба на моето име во таа режирана драма околу конфискацијата на десетици тони медицински канабис, поради наводно несоодветно чување и складирање. Безобразна лага е дека сум на кој било начин поврзан со случаите со канабис. Безобразна и дрска лага е дека сум се јавувал во Царинската управа. Доколку не се извинат во законски предвидениот рок, ќе поднесам тужба против Петрушевски и ВМРО-ДПМНЕ, напиша Заев на социјалните мрежи.

Пратеникот Бране Петрушевски, пак, одржа прес-конференција во која го прозва повторно го прозва Заев за вмешаност во последниот случај со заплена на марихуана, но извинување немаше. Според него околу 70 проценти од запленетата дрога била на фирма која е во сопственост како што вели на човек близок на Заев и апелира до јавното обвинителство да ја истражи неговата поврзаност со фирмата.

-Јавувањето во јавност на Заев е директно погодување во центар и изблик на нервоза на Заеви кои се фатени директно на лице место во медот. Кое е лицето и фирмата поврзани со СДС? Станува збор за фирмата „ЦБД Медплант“ во сопственост на Тони Котев познат како М'гчев кој е поранешен претседател на општинскиот одбор на СДС во Ново село. Поточно формалната сопственост на фирмата е кај неговиот син Христијан Котев, изјави Петрушевски.

Од СДСМ и денеска прашуваат како 5 тони дрога поминале преку македонската граница во Србија и кој ќе одговара за тоа.

-Без поддршка, заштита и логистика од врвот на власта шверцот на огромна количина дрога преку границата не било возможно. Каде се камерите на „Safe City“? Каде е полиција? Каде се екипите на Мобилна царина? Каде се контролите? Мицкоски, Тошковски, Тарчуловски, Бобан Николовски, началници, раководители, инспектори, службеници. Кој се е вмешан и кој дозволил 5 тони дрога да поминат преку граница?, вели генералниот секретар Димитријевиќ.

Реагираа од ВМРО-ДПМНЕ. Одговорите за тоа како се шверцуваат 5 тони марихуана Димитриевиќ нека го праша Венко Филипче кој е во отворена комуникација и на команда од Зоран Заев и кој на 2 февруари панично ја напушта државата кон јужниот сосед велат од владејачката партија од каде прашуваат дали таму Филипче се сретнал со Заев и за што била средбата.

YouTube video

Тагови: зоран заев канабис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

Фото: Рита Ора во секси бикини ги покажа стомачните!

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Фото: Ким Кардашијан во микро бикини го рекламира својот бренд

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Ова се најдобрите половни автомобили до 10.000 евра

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер