На традиционалниот деловен појадок доставија 80 барања. Очекуваат до крајот на годинава да бидат исполнети.

-Она кое најмногу им претставува потешкотии на компаниите се парафискланите давачки односно скриените давачки кои не само за фирмите, туку и за граѓаните претставуваат секојдневно оптеретување кои не се толку многу видливи обврски како сите оние останати обврски коишто ги имаме како што се даночните, вели Данела Арсовска, претседател на ССК.

Премиерот Заев ќе ги разгледа барањата. Вети дека ќе најде начин да се избори со сивата економија и исплатата на рака.

„Кешот што се дава во делот на платите, да го мотивираме на мотивирачки и привлечен начин за бизнисот да може навистина го пријави како бруто плата, заради тоа што досега деловните луѓе плаќајќи данок персонален плаќајќи и данок на добивка ги вадите дел од вашите заработени пари и давате по работниците сакајќи да ги задржите колку што е можно повеќе, пред се квалитетните работници, а тоа не влегува во бруто масата на плати коишто се исплаќаат во државата“ истакна премиерот Заев.

Вицепремиерот Анѓушев ги повика компаниите да аплицираат за мерките во планот за економски раст и да не се плашат дека со тоа ќе навлечат контроли од даночните власти.

-Лани имаше проблеми имаше нешто 600 фирми кои исполнуваа и не аплицираа сите, добија 100 на крај. Коа им се јавив зошто, имаше страв ако аплицираат ќе ја навлечат УЈП, уствари дека ќе си напраат проблем, тоа беше чест одговор. И малце имаа верба дека ќе е фер и транспаренто. Да ви кажам никој не го посети УЈП за тоа, стравот да си го елиминирате. Сите по закон добиваа, ако исполнуваат услови добиваат, вели Кочо Анѓушев, вицепремиер за економски прашања .

Голем број на бизнисмени, министери, дипломати и градоначалници беа дел од деловниот појадок.