- По пријава дека нема интернет во тој реон, вработените од „Телеком“, откако го лоцирале и пронашле проблемот за прекин на оптичкиот интернет, не се осмелувале да слезат во шахтата, каде што било и кучето. Околу 15 часот се јавиле на единствениот број за итни случаи - 112 во ЦУК. Дежурните од секторот Е-112 и секторот СОК во ЦУК, бидејќи бил неработен ден, не можеле да стапат во контакт со Јавното претпријатие „Лајка“ од Скопје, па, покрај предвидените оперативни процедури, го премостиле проблемот. Тие ги поврзале активистите на граѓанската иницијатива „Кане корзо“ со вработените од „Телеком“ за понатамошна заедничка постапка, соопштија од ЦУК.

Кога го извадиле кучето од шахтата, вработените од „Телеком“ го отстраниле дефектот.

Претседателот на СДСМ, Димитар Ковачевски ги повика граѓаните масовно да излезат на гласањето на 8-ми мај и да ги поддржат кандидатските листи на Коалицијата за европска иднина, бидејќи тоа е единствен начин да се спречи ВМРО ДПМНЕ повторно да го донесе режимот.

„Немајте дилема дека ништо во оваа земја нема да се помести ни милиметар напред со ВМРО. Ги знаеме дека се добри глумци. Ќе глумат дека работат, а во реалноста нема ништо да се смени. Го гледавме тоа со Груевски 11 години, знаеме како изгледа. Последно нешто што сакаме е лоша и евтина реприза на неговото владеење“, рече Ковачевски за време на својот говор на вечерашниот митинг во Кочани.

Тој истакна дека СДСМ е единствената политичка партија која без оглед на сѐ, никогаш нема да се откаже од инклузијата, карактеристика која константно придонесува мултиетничкиот карактер на Македонија да биде наша предност и адут, а не камен на сопнување. Ги повика Мицкоски, Силјановска – Дафкова и Ахмети да престанат со опасните наративи, кои лесно може да предизвикаат етничка нетрпеливост.

„Граѓаните знаат дека на сите нѝ треба европска иднина, а не враќање 20 години во закопаното минато. Престанете со препукувањата, со скандирањата и заканите. Тие никому не носат добро. Имаме морална должност кон себе си, кон нашите деца и идните генерации, да се „препукуваме“ со идеи и проекти, а не со закани и заплашувања. Нашите гласачи очекуваат издржани решенија и активности, не скандирања, навреди и недостоинствен однос“, порача Ковачевски.

На вечерашниот митинг во Кочани, претседателот на Социјалдемократскиот Сојуз, Димитар Ковачевски, порача дека СДСМ мора да биде силна во собранието, со добри пратеници, затоа што во спротивно, доколку ВМРО-ДПМНЕ добие преголема институционална моќ, тоа ќе значи крај на нашите ЕУ перспективи.

„Ги знаеме какви се. Тие ќе ја одложуваат евроинтеграцијата во недоглед. ВМРО немаат ниту план, ниту издржана програма, ниту пак се доследни во остварувањето на стратешките цели на државата. Така правеше и Груевски, а тие само ќе продолжат кај што застана тој. Немајте дилема дека ништо во оваа земја нема да се помести ни милиметар напред со ВМРО. Ги знаеме дека се добри глумци. Ќе глумат дека работат, а во реалноста нема ништо да се смени. Го гледавме тоа со Груевски 11 години, знаеме како изгледа. Последно нешто што сакаме е лоша и евтина реприза на неговото владеење“, вели Ковачевски.

Тој посочува дека големата излезност на 8-ми мај и поддршката за СДСМ и коалицијата е од исклучителна важност, заоа што нема друг начин да се спречи режимот на ВМРО-ДПМНЕ повторно да се врати на власт.

Ковачевски додава и дека СДСМ е единствената поличка партија која никогаш нема да се откаже од инклузивноста, како главна карактеристика на партијата која придонесва за градењето на мултиетничкиот карактер на државата како предност и адут, а не камен на сопнување.

„Но, деновиве, за жал, се изнаслушавме опасни наративи кои може лесно да го разгорат огнот на меѓуетничката нетрпеливост. Лидерите на ВМРО и на ДУИ, но и претседателскиот кандидат Давкова се однесуваат во најмала рака неодговорно и кон државата и кон граѓаните. Таа нивна неодговорност, ако не направиме нешто за да ја спречиме, еден ден сите заедно ќе ја платиме, на еден или на друг начин. Користам прилика да им порачам и на Мицкоски и на Ахмети и на Давкова – граѓаните се свесни за вредноста на мирот и стабилноста што ги гради СДСМ. Граѓаните знаат дека на сите нѝ треба европска иднина, а не враќање 20 години во закопаното минато. Престанете со препукувањата, со скандирањата и заканите. Тие никому не му носат добро. Имаме морална должност кон вас, кон себе си, кон нашите деца и идни генерации, да се ‘препукуваме’ со идеи и проекти, не со закани и заплашувања. Нашите гласачи очекуваат издржани решенија и активности, не скандирања, навреди и недостоинствен однос“, им порача Ковачевски на своите политички ривали.

Ковачевски посочува и дека СДСМ, но и граѓаните, нема да им дозволат да си играат со европската иднина на нашите деца, и ги повика гласачите убаво да размислат кој заслужува да ја води државата во европската иднина.

Лидерот на СДСМ ги повика граѓаните, пред да гласаат в среда, добро да размислат кој заслужува да ја води државата. Порача дека единствено СДСМ и коалицијата имаат јасен план за подобра европска иднина за сите, се наведува во партиското соопштение.

“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.

СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.

“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”, се наведува во паертиското соопштение.