Македонија

Забраната за вода во Гостивар останува во сила до добивање три последователни исправни анализи

И по една недела од прогласувањето на епидемијата во Гостивар забраната за користење на водата за пиење сè уште останува во сила.

Надлежните апелираат граѓаните и понатаму да не ја користат водата за пиење и подготовка на храна, сè додека официјално не биде потврдено дека е здравствено исправна. Министерот за здравство Сашо Клековски денеска кажа дека ограничувањето ќе биде укинато само кога ќе се добијат три последователни исправни лабораториски анализи, со кои ќе се потврди дека водата е безбедна за употреба. До тогаш, продолжува земањето мостри и контролите на водоводната мрежа.

Крушево пак денеска ја укина забраната за пиење вода, откако последните анализи покажале исправност на водата. Последните испитувања покажале дека водата од градскиот водовод ги исполнува условите за безбедна употреба.

-После шест мостри во два дена по три беа здравствено исправни и безбедни, исто така последната од 24.07 се здравствено исправни и безбедни за користење како вода за пиење. Од наша страна е известено ЈКП и надлежните од АХВ кои имаме информации дека веќе се излезени на терен да ја согледаат состојбата и најверојатно врз основа на резултатите и нивното мислење стручно, ќе биде повелечена забраната и ќе биде дозволена за пиење водата за град Крушево- изјави – Д-р Петар Оханесјан – ЈЗУ ЦЈЗ Прилеп.

Надлежните апелираат да не се користи за пиење водата од јавните и крајпатните чешми во крушево кои не се под надлежност на јавното водостопанство и каде не се врши редовна дезинфекција бидејќи испитувањата покажале дека најголем дел од нив се бактериолошки неисправни.

Од СДСМ пак и денеска побараа одговорност за состојбата со водата во Гостивар. Обвинија дека сè уште нема официјален потпишан извештај со анализите за таканаречената „техничка вода. Од партијата тврдат и дека проблеми со квалитетот на водата има и во други населени места.

-Сè уште нема официјален документ. Сè уште никој не го покажа потпишаниот извештај со анализите за „техничката“ вода во Гостивар. Кој институт? Кој потпишал и одобрил? Кои се параметрите од анализата на водата? Додека граѓаните чекаат, водата е отруена во повеќе од 8 населени места. Гостивар – труење, хиперхлорирање, „техничка вода“, сè уште без официјален потпишан извештај. Крушево – вода заматена и микробиолошки неисправна затоа што уредот за хлорирање еден час немал струја,- изјава – Богданка Кузеска – Портпарол на СДСМ.

Во тетовското село Лешок и понатаму водата не смее да се користи за пиење освен за техничка употреба. Таму решение за проблемот кој трае подолго време бара и месната заедница.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Кисела Вода субвенционира набавка на пелети и печки на пелети

Општина Кисела Вода објави два јавни повика за субвенции при набавка на пелети и печки на пелети, наменети за домаќинствата од општината.

Средствата од Буџетот за 2026 година ќе се доделуваат преку Архивата, по принципот „прв дојден, прв услужен“.

Со првиот јавен повик се нуди субвенционирање за набавка на пелети, за што е обезбеден буџет од вкупно 2.000.000,00 денари. Општината ќе кофинансира 50% од вредноста на набавените пелети, но не повеќе од 10.000,00 денари со вклучен персонален данок. Рокот за аплицирање трае до исцрпување на средствата, а најдоцна до 31.10.2026 година. Дополнителни информации можат да се добијат на електронската адреса [email protected].

Вториот повик се однесува на поддршка за купување на печки на пелети, намена за која се одвоени 300.000,00 денари. Преку оваа мерка ќе се покријат 50% од трошоците на домаќинствата за купување на печката, до максимален износ од 20.000,00 денари со вклучен данок. Услов е барателите претходно да немаат искористено субвенции за печка на пелети или инвертер од кој било извор во државата. Овој повик ќе биде отворен најдоцна до 30.11.2026 година, односно до исцрпување на предвидените финансии, додека за прашања е достапна адресата [email protected].

И за двата повика право на учество имаат домаќинствата кои не се поврзани на градското парно греење. Ќе се рефундираат средства за купувања извршени почнувајќи од 1 јануари 2026 година па сè до завршувањето на повиците. Како доказ е задолжително приложување на фискална сметка или фактура, како и извод од банка за извршена уплата во оригинална форма. Барањата можат да се подигнат од Архивата или од општинската веб-страница (www.kiselavoda.gov.mk), по што заедно со целосната документација се доставуваат исклучиво во затворен плик преку Архивата на Општина Кисела Вода до Комисијата за спроведување на постапката. Пријавите со непотполна документација или оние пристигнати по рокот нема да се земат предвид. Сите дополнителни информации се достапни на следните линкови:

https://opstinakiselavoda.gov.mk/wp-content/uploads/2026/07/peleti2026.pdf

https://opstinakiselavoda.gov.mk/wp-content/uploads/2026/07/pecki2026.pdf

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 50 луѓе повредени во големиот земјотрес во јужна Јапонија

Големиот земјотрес што ја погоди префектурата Кумамото во јужна Јапонија предизвика уривање на голем број објекти, пожари, а најмалку 50 луѓе побарале лекарска помош.

По земјотресот во трговски центар во Кумамото се слушнала експлозија, се претпоставува дека има повеќе жртви. Повеќе луѓе се заглавени во трговскиот центар, а сè уште е непозната причината за експлозијата.

🇯🇵 An explosion occurred at the Aeon Mall Kumamoto shopping center on the Japanese island of Kyushu, damaging the walls and roof, NHK reported.

People may have been trapped under the rubble. At least 200 people were evacuated to the parking lot. pic.twitter.com/r1PLpbWf29
— Маrina Wolf (@volkova_ma57183) July 28, 2026

На снимките на НХК се гледаат оштетени мостови, товарен воз излетан од шини и испукани патишта на островот Кјушу и најмалку 12 урнати куќи.

Регионалната електроенергетска компанија „Кјушу Електрик Пауер“ соопшти дека не открила никакви неправилности во работењето на нуклеарните централи сендај и генкај, но земјотресот предизвикал прекин во електроснабдувањето поради што околу 45.000 домаќинства се без струја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада: Обезбедени се над 10 милиони евра за откуп на оризова арпа и грозје вранец

Владата донесе Одлуката со која се менуваат и дополнуваат условите за користење на средствата од компензационите фондови.

Постојната кредитна линија што се реализира преку Развојната банка добива конкретна намена за финансирање на откупот на оризова арпа и винско грозје од сортата вранец.

Одлуката ја носиме пред главниот период на откуп, кога на компаниите им се потребни значителни средства за преземање на производите, а приходите од нивната продажба или преработка се остваруваат подоцна.

Со овој инструмент создаваме финансиска основа откупот да се одвива навремено, а предадениот род да биде исплатен во утврден рок.

Се активираат расположливи средства од постојната кредитна линија и слободни средства со кои управува Развојната банка. Вкупниот расположлив износ, изнесува 793.481.723 денари или околу 10,1 милиони евра. Од нив, 240 милиони денари се наменети за откуп на оризова арпа, а 553.481.723 денари за откуп на винско грозје од сортата вранец.

Барањата во рамките на секој од двата износи ќе се разгледуваат според редоследот на пристигнување. Максималниот износ на кредитот за откуп на вранец ќе изнесува до 130 милиони денари, а за оризова арпа до 30 милиони денари.

За оризовата арпа е предвиден рок на отплата до шест месеци, а за грозјето до девет месеци. За двете намени се предвидени грејс-период до три месеци и квартална отплата. Каматната стапка ќе биде фиксна и ќе изнесува еден процент годишно, без еднократна провизија за управување со кредитот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.