Македонија

За пет месеци фреквенцијата на патници на ГП „Блато" зголемена за 14 отсто

Во првите пет месеци од годинава, на граничниот премин „Блато“ на македонско-албанската граница кај Дебар, забележана е поголема фреквенција на патници за 14 отсто, споредено со истиот период минатата година.

Во овој период, според надлежните, биле регистрирани 303.648 лица за влез и излез, наспроти 2023 година, кога имало 266.311 патници.

Пуштањето во употреба на автопатот „Патот на Арбр" (Руга е Арбрит) услови зголемување на фреквенцијата на овој премин, бидејќи оддалеченоста од преминот до Тирана, сега изнесува 70 километри или помалку за над 100 километри.

Покрај жителите на поширокиот дебарски регион, преминот го користат и жители од Гостивар, Тетово, Скопје и други градови за патување во Албанија, главно поради туризам, бизнис и посета на роднини.

Исто така се поголем број македонски државјани ги користат услугите на меѓународниот аеродром во Тирана, од каде моментно може да се патува на повеќе од 100 дестинации.

Последно објавените бројки потврдуваат дека само во јануари и февруари над 10 илјади македонски државјани пристигнале или отпатувале кон некоја од многубројните дестинации од овој аеродром.

Имајќи го во предвид фактот дека голем број македонски граѓани за летен одмор одбираат некое туристичко место на албанското крајбрежје( годишно летуваат над 300 илјади) како и пристигнувањето на иселениците, фреквенцијата повеќе од сигурно е дека ќе се зголемува.

Шоу биз

Екипата од „Црвена јабука“ наишла на паднато дрво на патот

Од групата „Црвена Јабука“на пат кон Словенија наидоа на потешкотии, поточно им го попречи дрвото кое падна на патот. 

Гитаристот на бендот Дарио Дувњак објави видео на Инстаграм на кое се гледа како екипата ги засукала ракавите и го помести дрвото од патот.

Додека Дувњак седеше зад воланот, тапанарот Адријан Бориќ, басистот Крешимир Каштелан, Пеги Штефановиќ и клавијатуристот Стјепан Шариќ се фатија за работа, а гитаристот се пошегува и на снимањето додаде песна од анимираната серија „Пат и Мат“.

Извор: Индекс.хр

Свет

Жена загина при пад на спортски авион во белгискиот град Хаселт

Жена загина, а маж е повреден при уривање на двокрилен спортски авион во раните вечерни часови во градот Хаселт во провинцијата Лимбург во североисточниот дел на Белгија. 

Како што соопшти лимбуршкото Јавното обвинителство, повредениот маж бил пилот во авионот, а загинатата жена негов сопатник. Повредениот е пренесен во болница и се наоѓа во состојба на шок.

Очевидец на настанот за белгискиот јавен радиодифузен сервис на холандски јазик ВРТ изјави дека авионот направил ротација во воздухот, по што се урнал во паркот во Хаселт,

- Очигледно нешто не беше во ред. Моторот престана да работи, па се вклучи. Потоа авионот почна да паѓа и слушнавме само силен удар, но не видовме чад, изјави друг очевидец на падот за ВРТ.

Причина за уривањето на авионот се уште не е позната. На местото на настанот покрај припадници на Јавното обвинителство и полицијата, излегле и претставници на белгиската Федералната воздухопловна служба со задача да ги испитаат околностите за несреќата. /МИА

Свет

Предизборната кампања на Бајден собрала 14 милиони долари по телевизиската дебата со Трамп

Предизборниот штаб на американскиот претседател Џо Бајден објави дека кампањата собрала 14 милиони долари од донации на денот на првата телевизиска дебата со поранешниот претседател на САД Доналд Трамп.

Од штабот на Бајден соопштија дека најголемиот приход од донации од почетокот на кампањата е постигнат во периодот од 23:00 часот до полноќ, еден час по крајот на телевизиската дебата во студиото на Си-Ен-Ен во Атланта, Џорџија./МИА

притисни ентер