За операција на срце ќе биде неопходна одлука од тим од тројца до петмина лекари, најави Алиу - Канал 5

Здравје

За операција на срце ќе биде неопходна одлука од тим од тројца до петмина лекари, најави Алиу

По скандалот со најмалку 10 пациенти кои без потреба се оперирани за профит, отсега за тоа дали на некој пациент му е неопходна операција на срце нема да може да одлучува само хирургот.

За операција на срце ќе биде неопходна одлука од тим од тројца до петмина лекари, најави Алиу

По скандалот со најмалку 10 пациенти кои без потреба се оперирани за профит, отсега за тоа дали на некој пациент му е неопходна операција на срце нема да може да одлучува само хирургот, туку тим од тројца до петмина лекари, меѓу кои ќе има и кардиолози и анестезиолози. Ова ќе стане пракса во македонските болници, најави Министерот за здравство Азир Алиу кој кажа дека допрва ќе стигнат тројца странци за да ги потврдат извештаите на досегашната комисија која нотираше дека има докази оти на дел од пациентите иако не требало, сепак им бил направен оперативен зафат. Дури откако постапката ќе заврши ќе се објават имињата на лекарите и болниците во кои ова се правело, а во меѓувреме комисијата ќе влегува по клиники и ќе истражува дали операциите на срце за профит биле секојдневие.

-Можеби не тројца, туку пет лекари експерти да ги сочинуваат овие т.н. „хард тимови“. Во наредниот период ќе креираме нов протокол за да може таа компонента на „хард тим“ да влезе и да биде дел од самиот протокол. Мислам дека административно ќе ни биде потребна една недела. Најверојатно до следната недела ќе ги знаеме новите протоколи и ќе може од наредниот понеделник, значи за две недели од сега да функционираат таквите хард тимови,- - Азир Алиу – Министер за здравство.

Премиерот Христијан Мицкоски кој заедно со Министерот ја посети старата градска болница, кажа дека освен што во здравството се работи на неколку фронта ќе се отворат и телефонски линии за граѓаните да можат да пријават мито и ги повика да тоа да го прават за да има крај на ваквите појави низ болниците.

-Работиме со МВР за отворени линии и гарантирана дискреција за да можеме да направиме чекор понапред. Секој оној кој што пријавил, успешно се завршила таа акција.

Имаме огромен број на луѓе кои што чесно си ја вршат работата, помагаат, и за нив, капа доле, но имаме малкумина или неколкумина за жал сето ова го контаминираат, заедно со оние мешетари кои се околу, не во здравството туку околу здравството, кои со децении „го цицаат“ здравството- Христијан Мицкоски.

Според првиот човек на Владата во секторот здравство се инвестира најмногу досега, но и покрај тоа, има проблеми. Мицкоски најави сериозни реформи, структурни и квалитативни, па за неколку години од сега да се стигне до силно јавно здравство без девијантни појави.

.

YouTube video

Тагови: Државна кардиохирургија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер