Македонија

За неколку дена се очекува екстрадиција на Палевски од Турција

Во следните неколку дена се очекува Љупчо Палевски Палчо да биде екстрадиран во земјава. Министерот за правда Кренар Лога по средбата со турскиот колега во изјава за Канал 5 вели завршени се судските процедури.

Во следните неколку дена се очекува Љупчо Палевски Палчо да биде екстрадиран во земјава. Министерот за правда Кренар Лога по средбата со турскиот колега во изјава за Канал 5 вели завршени се судските процедури, а во следните неколку дена треба да завршат и административните процедури.

Посетата на Лога на Анкара се совпаѓа со истекувањето на 40 дневниот притвор на Палчо, кој во земјава е осомничен за убиството на 14 годишната Вања и 74 годишниот велешанец Панче Жежовски.

Палевски беше привден во Баликесир на 5 декември од страна на турската полиција, откако претходно по него македонското МВР распиша меѓународна потерница, како првоосомничен во грозоморното двојно убиство и грабнување на Вања и Жежовски.

Од неговиот исказ се очекуваат одговори на низа прашања околу убиствата кои се случија на почетокот на декември минатата година. Во меѓувреме останатите пет лица осомничени за случајот добија продолжување на притворот од 30 дена.

Фудбал

Инфантино најави голема промена во користењето на ВАР системот

Претседателот на ФИФА, Џани Инфантино, ја објави големата вест во врска со употребата на ВАР на конгресот на светската фудбалска федерација во Бангкок.

Тој изјави дека сега тренерите ќе имаат право да бараат проверка со ВАР системот два пати по натпревар.

-Ќе го развиваме и подобруваме ВАР. Овој систем го користат 65 национални асоцијации, но сега ќе го подобриме. Создадовме поосновна технологија со помалку камери и без судии да одлучуваат, така што е достапен за сите и полесен за имплементација Овој систем веќе се тестира, започна Инфантино.

Тоа ќе функционира така што тренерот на секој тим има право да бара помош од ВАР двапати по натпревар. Ако првобитната одлука на судијата се смени по таквата барана ревизија, тимот што бара преглед сè уште има право на два прегледи.

-Доколку по ваквата барана проверка, ВАР ја потврди одлуката на судијата на теренот, тогаш тимот што го побарал го губи правото на проверка на негово барање, изјави Инфантино. /МИА

Фудбал

Тухел: Не се договоривме со Баерн, ова е мојата последна прес-конференција овде

Тренерот на Баерн Минхен, Томас Тухел денеска и официјално соопшти дека нема да остане на кормилото на баварците.

Во последните неколку дена имаше информации дека тој би можел да продолжи да го води тимот, иако веќе во февруари клубот објави дека двете страни ќе се разделат на крајот од сезоната.

„Ова е мојата последна прес-конференција на Зебенер Штрасе (клупската база на Баерн). Водевме разговори, но не постигнавме договор, така што одлуката од февруари останува на сила. Очигледно е тешко. Резултатите како оние во Лигата на шампионите против Лацио, Арсенал и Реал Мадрид не сплотуваат. Повратните информации од последните недели беа основа за да имаме дискусија. Но, не можевме да постигнеме договор. Причините нема да ги именувам. Договорот од февруари останува на сила, објасни Тухел

Свет

Бербок: На Украина и е потребно оружје со долг дострел

На Украина и треба повеќе оружје со долг дострел за да се бори против руското напредување во регионот Харков, каде ситуацијата на бојното поле е „многу драматична“, изјави денеска шефицата на германската дипломатија Аналена Бербок.

На маргините на состанокот на министрите за надворешни работи на Советот на Европа во Стразбур, таа потенцира дека е важно да се прекинат руските патишта за снабдување и да ѝ се даде на Украина оружје „што може да се користи на средни и долги растојанија“.

Таа наведе дека Берлин соработува со своите партнери по ова прашање и дека ситуацијата на фронтот е „исклучително тешка“.