За безбедноста на туристите се грижат над 1.700 албански полициски службеници - Канал 5

Балкан

За безбедноста на туристите се грижат над 1.700 албански полициски службеници

За да се гарантира безбедноста и спокојството на туристите за време на туристичката сезона, на крајбрежјето и други туристички места, ангажирани се над 1.700 полициски службеници, соопшти албанската државна полиција.

За безбедноста на туристите се грижат над 1.700 албански полициски службеници

- Над 1.700 полициски службеници и припадници на полициската единица за морска пловидба, добро опремени и обучени, од почетокот на овој месец ангажирани се да го следат крајбрежјето и туристичките подрачја во земјава, во рамки на туристичката сезона 2023 година. Главната цел е безбедноста на туристите и граѓаните, како и целосно и без инциденти одвивање на туристичката сезона, се наведува во соопштението.

Исто така информира дека 24 часа во служба на туристите и граѓаните е бесплатниот телефонски број 112, на кој може да се јават во случај на потреба.

Во Албанија на туристичките места од 15 минатиот месец почнаа да функционираат 30 здравствени центри.

Според Министерството за здравство и социјална заштита до денес одредена здравствена услуга добиле околу четири илјади туристи од нив 30 отсто странци. /MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Инвестираме за почисти и поуредни општини

Со донација од Министерството за транспорт и Светска банка во вредност од 4,2 милиони евра, обезбедени се 49 специјализирани возила и механизација за одржување на комуналната хигиена.

Николоски: Инвестираме за почисти и поуредни општини

Со донација од Министерството за транспорт и Светска банка во вредност од 4,2 милиони евра, обезбедени се 49 специјализирани возила и механизација за одржување на комуналната хигиена, напиша на својот фејсбук профил заменик претседателот на Владата и министер за транспорт, Александар Николоски и објави видео од возилата.

Опремата е наменета за општините и планските региони, со цел подобро, и навремено одржување на јавните површини и комуналната инфраструктура.

Се набавија возила за:

Скопје и Скопскиот плански регион

Куманово и Североисточниот плански регион

Прилеп

Струмица

Штип

Охрид

Тетово

Неготино

Кичево

Дебар

Велес

За почисти општини и подобри услуги за граѓаните - објави Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Тешка повреда на натпревар меѓу Србија и Грција- одбојкарките плачат (ВИДЕО)

Тешки повреди и болни крици го одбележаа четвртфиналниот натпревар помеѓу грчките и српските репрезентации на Европското првенство во одбојка за жени во Брно. 

Тешка повреда на натпревар меѓу Србија и Грција- одбојкарките плачат (ВИДЕО)

Србија победи со 3:0 (25:14, 25:20, 25:17) и се пласираше меѓу последните четири на турнирот, а по таа игра социјалните мрежи беа преплавени со видео од повредата на грчката претставничка Георгија Ангелопулу (21).

Тоа се случи на почетокот на вториот сет и по судир со соиграчка. Младата одбојкарка падна на подот со болни крици, по што медицинската служба влезе на теренот за да ѝ помогне. Нејзините соиграчки, како и нејзините сопернички, беа видливо потресени.

Не можеше да ја продолжи играта

Некои од нив не можеа да ги задржат солзите додека ја гледаа Ангелопулу, која не можеше да ја продолжи играта и мораше да го напушти теренот. Во исто време, противничките на српската репрезентација се држеа за главите, а публиката на трибините гледаше во шок.

Србија до пласманот во осмото полуфинале на Европското првенство ја предводеа Тијана Бошковиќ со 17 поени, Александра Узелац со 15 и Бранка Тица со 12 поени. За Грција, Елпида Тикманиду и Марта Антули постигнаа по девет поени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите погодија едно од најголемите фармацевтски складишта во Украина (ВИДЕО)

Во руски напад синоќа, логистичкиот комплекс на компанијата „Биокон“ во областа Бориспил во регионот Киев беше тешко оштетен.

Русите погодија едно од најголемите фармацевтски складишта во Украина (ВИДЕО)

Во руски напад синоќа, логистичкиот комплекс на компанијата „Биокон“ во областа Бориспил во регионот Киев беше тешко оштетен, потврди началникот на регионалната воена администрација на Киев, Тимур Ткаченко, како што објави „Украинска правда“. Станува збор за еден од најголемите специјализирани магацини за лекови во целата земја.

Штетата се мери во десетици милиони евра

Според извори од фармацевтскиот сектор кои разговараа со „Економска правда“, бизнис портал во рамките на „Украинска правда“, погоден е комплексот на „Биокон“. Соговорниците проценуваат дека штетата предизвикана во нападот може да достигне неколку милијарди гривни, што изнесува најмалку неколку десетици милиони евра.

Специјализиран магацин за странски компании

Компанијата „ХФК Биокон“ се занимава со фармацевтска логистика и складирање на медицински производи. Странските фармацевтски компании изнајмуваат фармацевтски магацини во своите простории, а компанијата им нуди и услуги за складирање лекови во царински магацин.

Во последните недели, руските сили значително ги засилија нападите врз магацините и логистичката инфраструктура низ целиот регион Киев.

Така, на 27 август, рускиот напад во истиот округ предизвика голем пожар во магацините. Само синоќа, руската армија ја нападна Украина со 163 борбени беспилотни летала, од кои украинската воздушна одбрана успеа да собори 135.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер