За 11 месеци регистрирани три фемициди во Штип - Канал 5

Македонија

За 11 месеци регистрирани три фемициди во Штип

По Ковид пандемијата, македонското општество се соочува со „епидемија“ на семејно насилство, вели претседателката на НВО „ЕХО“, Бети Пеева. 

За 11 месеци регистрирани три фемициди во Штип

Таа посочува дека за 11 месеци само во Штип се регистрирани три случаи на фемицид, а статистиката за насилство врз жени е уште позагрижувачка.

- Конкретно кај нас во организацијата, која веќе 23 години работи во оваа област, се пријавени од Штип и околината, а има и од источниот дел, вкупно 109 случаи на насилство врз жени и деца, односно, девојчиња и ова е навистина загрижувачки факт. Ова е бројка само од овој дел, инаку „ЕХО“ работи и во Пелагонискиот и Југоисточниот регион и ако ги собереме и тие бројки, доаѓаме до некоја бројка од 180 случаи оваа година, а годината се уште не е завршена, изјави Пеева.

Таа додаде дека законската регулатива за заштита на жртвите на семејно насилство е солидна, постои и мултисекторска соработка, но понекогаш затајуваат институциите, односно се доцни со процедурите.

- Не само институциите се виновни за тоа, значи и самите жртви кои пријавуваат, поради трендот на економска зависност кој се зголемува од година во година, се премислуваат, се враќаат назад. Честопати пред да преземеме некоја постапка, тие се премислуваат и не сакаат да одат понатаму, рече Пеева.

Граѓанските организации кои работат на ова тематика веќе подолг временски период предлагаат промена на членот 130, став 2 од Кривичниот законик, односно насилникот да не се гони по предлог на жртвата, туку по службена должност.

- Жртвата се плаши од самиот сторител, дека доколку даде нејзина согласност за кривично гонење, во меѓувреме, додека да завршат процедурите и додека да се санкционира сторителот, може да се случат уште погрозоморни дела, посочува Пеева.

Според анализите на граѓанскиот сектор, во 2025-та година се бележи висок број пријавени случаи на семејно и родово базирано насилство, но се уште не постои единствен и транспарентен систем што ги следи предметите до обвинение и пресуда.

Изминатите денови во источниот регион се реализираа низа на работилници и средби во рамки на кампањата 16 дена активизам против насилство врз жените.

Тагови: фемицид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Неделен хороскоп за 9. до 16. ноември 2026 година

Неделен хороскоп за периодот од понеделник, 9. до 16. ноември 2026 година. 

Неделен хороскоп за 9. до 16. ноември 2026 година

Шкорпија 24.10-22.11.

Љубов

Веројатно ќе се чувствувате осамено , освен ако осаменоста не епо ваша желба. Оние во врска ќе поминуваат низ еден интересен период , низ кој ќе треба доста тртезвеност за да се помине.

Кариера

Не претерувајте со вашите идеи , зашто и покрај тоа што некои врати малку ви се отворија , се уште не е време да се експонирате. Работете во тишина и според правилата на игра. Трпеливо дочекајте ги вашите пет минути. Ќе дојдат . Ако ви е тешко , побарајте ведри луѓе.

Здравје и совет

Не правете ништо со сила.

Стрелец 23.11.-21.12.

Љубов

Преодниот несклад во личните односи и уште повеќе во вашите љубовни очекувања , ќе направат да се чувствувате фрустрирано или осамено. Би било добро да ја прифатите состојбата каква што е и без поголеми амбиции да очекувате подобри денови. Ќе дојдат.

Кариера

Најдете во себе сила за да поставите подобри криутериуми во работењето и да ја завршите работата што мора да биде завршена. Сега не си ги поставувајте барањата премногу високо , зашто сте во фаза кога се соочувате со бројни предизвици , а енергијата ви е на минимум. Планирајте во мислите.

Здравје и совет

Редовно опуштајте се и обидете се добро да се наспиете.

Јарец 22.12.-20.1.

Љубов

Вашата потреба за друштво и натаму ќе биде изразена , па многу често ќе излегувате. Ќе бидат тоа неформални дружби со блиски луѓе до вас и со пријатели. Нема да имате големи очекувања , но токму таа опуштеност би можелад а ви донесе нова љубов.

Кариера

Ги решивте последните поголеми недоумици и сега храбро одите напред. Малку по малку , почнувате да градите нови услови за работење или нови проекти. Во себе ја носите онаа свертлост што ќе разбуди многумина околу вас. Само треба да ви веруваат , па затоа отворете се.

Здравје и совет

Не се сомневајте во сопствените способности.

Водолија 21.1.-19.2.

Љубов

Вашата енергичност и активност во љубовниот живот понекогаш ќе се граничи со лудост. Не се исклучени ниту мали љубомори , но и такви со поголем интензитет. Но како дошло , така и ќе помине. Потребна ви е малку поголема самоконтрола за да бидете посреќни.

Кариера

Ќе дејствувате на различни фронтови , но нема да има ништо толку силно за да ви го задржи целото внимание. Ќе функционирате добро со внимателно организирани паузи. Ќе ви бидат потребни зашто имате помалку енергија од вообичаеното.

Здравје и совет

Ќе размислувате за смислата на животот.

Риби 20.2.- 20.3.

Љубов

Деновиве многумина од вас ќе претеруваат во страста или пак во друга крајност , во студенило. Или секо момент ќе сакате да бидете со саканата личност или ќе барате целосна самотија.Сетете се на правилата на златна средина и обидете се да најдете рамнотежа.

Кариера

Можно е овие денови да воспоставите или да обновите деловни контакти со луѓе кои работат на друг континент. Тоа секако ќе ви донесе поволни резултати и ќе ви ги рашири хоризонтите. Колку и да изгледа далеку , ќе биде добро.

Здравје и совет

Бидете посмирени во однесувањето.

Овен 21.3-20.4.

Љубов

Овие денови ќе имате променливо расположение што се однесува до љубовниот живот. Некои врати ќе се отвораат , но некои и ќе се затвораат. Дури и истовремено.Затоа, бидете максимално отворени и следете ја секоја можност. Треба да научите штос е крие зад можностите.

Кариера

На работа главно ќе ви оди добро. Уште повеќе ќе ги засилите контактите и ќе ја подобрите соработката со младите колеги. Некои ќе отворат врата за нови колеги или самите ќе бидат повикани на некое ново место на работа. Предизвиците ќе бидат секојдневни.

Здравје и совет

Ќе имате доволно сила и издржливост.

Бик 21.4- 20.5.

Љубов

Повремено ќе почувствувате понекоја лична фрустрација или пречка за љубов. Издржете , најмногу зашто со трпеливост ќе увидите колку всушност имате сила и колку може да сакате. На тој начин се ќе се стопи самото од себе, а ќе останат само добрите работи.

Кариера

Изгледа како да се разведрува , но никакот тоа да го дочекате. Веќе станувате нетрпеливи за да докажете што знаете и за што сте способни. Уште опваа недела ќе треба за нешто да се подготвите или да довршите некоја заостаната работа.Затоа , работете го тоа полека и сигурно.

Здравје и совет

Игнорирајте ги критичарите.

Близнаци 21.5.-21.6.

Љубов

Добра атмосфера , вашата отвореност и подготвеноста да изразите она што чувствувате , како и наклонетоста на другата страна , ќе ви ги направат овие денови многу пријатни. Оние кои уште се во потрага по сродна душа, лесно ќе се приближуваат кон секоја личност од спротивниот пол. Ќе биде интересно.

Кариера

Својот деловен интерес полека ќе го префрлувате на проширување на сопствените знаења и стручната способност. Некои ќе одат на доедукација. Сега ќе се исполнат некои законски услови за да може да направите нешто во таа насока. Некои поради тоа ќе отпатуваат.

Здравје и совет

Прво согледајте со што располагате, па потоа делувајте.

Рак 22.6-22.7.

Љубов

Ако до сега имаше празнина во љубовта, овие денови ќе дочекате подобри шанси. Токму така вашиот приватен живот полека ќе почне да се подобрува , а потоа и насмевка ќе се врати на вашето лице. Немојте ништо да форсирате и се ќе биде добро.

Кариера

Новата енергија што интензивно ја чувствувате , ќе ве поттикне и на нови деловни потфати. Ќе бидете вешти , конструктивни , отворени , жедни за предизвици. Лесно ќе се поврзувате со другите , а особено со лицата со кои сте заедно во работниот простор.

Здравје и совет

Уживајте во животот.

Лав 23.7-22.8.

Љубов

Можеби понекогаш ќе ви се чинидека љубовта е далеку од вас. Сепак , таа е поблиску отколку што мислите , само што моментално не се покажува. Бидете мирни , трпеливи и упорни. Ако сте во врска , не форсирајте со изразување на емоции по секоја цена.

Кариера

Многумина ќе играат на сигурно , зашто неодамнешните искуства и искушенија ги упатија кон тоа. Сепак , може малку и да рискирате. Не е се толку тешко како што вие го гледате. Повторно ќе се појави поддршка од други , на кои воопшто не сте се надевале.

Здравје и совет

Не се заморувајте со ситници.

Девица 23.8.-23.9.

Љубов

Вие полека доаѓате во убав период. Ова време е добро за засилување бнадовербата во врските , но и за поотворени разговори. На некои , сепак , повеќе ќе им одговара самотија исполнета со филозофирање.Повеќето ќе се чувствуваат добор.

Кариера

Ќе бидете помалку заморени од работата. Некои колеги , згора наас е и ќе ве задеваат. Не реагирајте. Она што мора да го сработите , направете го професионално. Така на сите ќе им ги затворите устите. Шанса за напредување не е неможна , но засега не ви изгледа атрактивно.

Здравје и совет

Размислувајте долгорочно.

Вага 24.9.-23.10

Љубов

Некои ваши љубовни очекувања ќе бидат исполнети и покрај понекоја пречка или фрустрација. Сепак , понатаму треба да бидете внимателни и на мирен начин да го одржувате она што до сега сте го оствариле. Другата страна ќе го препознае и цени вашиот труд .

Кариера

Понекогаш ќе ви се чини како премногу да ве истакнуваат и да го фалат вашиот труд .Скромноста и еден вид срамнежливост , која ја ширите околу себе, ќе биде пример за другите. Ќе работите вредно и без многу прашања.

Здравје и совет

Добро е да се биде искрен.Маските паѓаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се разбудија од кома полицајците, кои со своите тела направија жив штит во Краков (ВИДЕО)

Шест лица беа убиени, а 16 повредени во пукотница на главниот плоштад во Краков. 

Се разбудија од кома полицајците, кои со своите тела направија жив штит во Краков (ВИДЕО)

Меѓу повредените се осомничениот, 24-годишниот Михал О., и двајцата полицајци кои го запреле. Полицијата подоцна ги пронашла телата на неговите родители и сестра во неговиот стан во Островјец Свјетокржиски, па истрагата сега вклучува вкупно девет убиства.

Двајцата полицајци се разбудиле од кома, потврди портпаролот на обвинителството во Краков. Двајцата биле оперирани по пукањето. Две жени повредени на плоштадот оттогаш се пуштени од болница.

Полското државно обвинителство започна истрага за убиствата во Краков и Островјец. Доказите укажуваат дека истиот човек е одговорен за сите убиства. Обвинителите го истражуваат пукањето во Краков како кривично дело од терористичка природа, но тоа не значи дека мотивот е потврден. Истражителите сè уште го идентификуваат.

Родителите и сестрата пронајдени во станот

Телата пронајдени во станот им припаѓале на родителите и сестрата на Михал. Таткото имал 53 години, мајката 52, а сестрата 21 година. На телата се пронајдени повреди, за кои полицијата се сомнева дека се прострелни рани. Според првичните информации од обвинителството, членовите на семејството можеби биле убиени вчера, на денот на пукањето во Краков. Точниот редослед на настаните сè уште се утврдува.

Полицијата пронашла седум оружја во станот, а пребарува и други области поврзани со семејството. Истражителите проверуваат кому му припаѓало пронајденото оружје и дали е поврзано со убиствата.

Михал О. имал дозвола за оружје и, според досега објавените информации, немал претходни осуди, ниту бил регистриран во полицијата. Истражителите ја проверуваат неговата позадина, контакти и околностите под кои го набавил оружјето.

Полските власти претходно зборуваа за неговите радикални ставови и можна фасцинација со крајно десничарската идеологија, но не потврдија дека тоа бил мотивот за нападот.

Повеќе од 100 сведоци

Првиот извештај за пукањето стигна до службите за итни случаи во 15:15 часот, а потоа следеа речиси 40 повици. Градските чувари пристигнале на местото на настанот за помалку од две минути, а полицајците почнале да интервенираат во третата минута. Потоа дошло до размена на оган и потера по напаѓачот.

30 полициски патроли биле испратени во акцијата. Вкупно 1.146 полицајци, заедно со 24 противпожарни бригади и 62 пожарникари, учествувале во поврзаните интервенции и обезбедување на местото на настанот. Полицијата регистрирала повеќе од 100 лица како сведоци и ги поканила да ги предадат своите мобилни телефони и снимки од безбедносните камери.

Михал О. сè уште е во болница, под полициски надзор. Поради неговата здравствена состојба, обвинителите сè уште не можеле да го испрашаат или да спроведат други процедурални дејствија.

Меѓу шестемина убиени во Краков се четворица полски државјани, 32-годишен Британец и 51-годишна жена која не била полска државјанка. Нејзината националност сè уште не е објавена.

Меѓу повредените е и еден кочијаш. Нивното здружение соопшти дека двајца се борат за живот, а неколку други се сериозно повредени. Коњите што работеле покрај кочиите претрпеле површни повреди.

Национална жалост беше прогласена во Полска на 8 и 9 ноември, а жалоста во Краков трае до 11 ноември.

Тагови: Краков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Канје Вест одржа прва модна ревија по четири години, најголемо внимание привлече неговата сопруга Бјанка (ВИДЕО)

Канје Вест (49) повторно одржа модна ревија на својот бренд Yeezy по четири години, а настанот во Лос Анџелес собра бројни познати личности и членови на неговото семејство. 

Канје Вест одржа прва модна ревија по четири години, најголемо внимание привлече неговата сопруга Бјанка (ВИДЕО)

Посебно внимание привлече неговата сопруга Бјанка Цензори (31), која се појави во комбинезон со длабоко деколте, додека раперот избра облека по нарачка за пригодата.

Бјанка во комбинезон со деколте под папокот

Бјанка седеше во првиот ред во тесен комбинезон во боја на песок, кој се спушташе под папокот. Го комбинираше со високи чизми од четкана кожа на тенки потпетици и ја покажа својата нова фризура. Косата ја обои во црвеникаво-кафеава нијанса и ја носеше лабава со шишки.

Според Complex, Бјанка, која по професија е архитект и визуелен уметник, ја отвори ревијата со молитва.

Канје носеше кожна јакна и златен тигрест појас

Модниот избор на Канје исто така не остана незабележан. Раперот носеше црна кожна јакна со краток патент, изработена од коњска кожа и дизајнирана од Ноа Џеремаја. Тој ја комплетираше комбинацијата со ремен од Кристофер Рос од 1991 година, со голема позлатена тигреста тока.

Неговиот outfit одговараше на изданието на 13-годишната ќерка Норт Вест, која носеше преголемо црно сако, дебели чизми и долга тиркизна коса.

Сите четири негови деца се појавија на модната ревија

Другите деца на Вест со поранешната сопруга Ким Кардашијан беа исто така на настанот: Сеинт (10), Чикаго (8) и Псалм (7). Според Page Six, ова е прв пат по две години раперот да биде фотографиран со сите четири деца.

Меѓу гостите беа Кид Куди, Биг Шон, 2 Чејнз и A$AP Наст.

Враќање по четири години

Модната ревија наречена „Сезона 01“ се одржа на 4 ноември во Лос Анџелес, по повод отворањето на првата физичка продавница на брендот Yeezy, наречена Droam 1.

Презентацијата траеше помалку од 20 минути, а моделите шетаа околу голем бел рид поставен во центарот на просторот. Новата колекција вклучуваше чизми „Алфа“, јакни во воен стил, боди со футуристички изглед и проѕирни чевли со потпетици. За време на ревијата беа пуштани и претходно необјавени песни на Канје.

Тоа беше првата модна ревија на Вест од октомври 2022 година, кога тој предизвика контроверзии за време на Неделата на модата во Париз со маица со натпис „Животот на белите мажи е важен“. По неговите антисемитски изјави, „Адидас“, „Баленсијага“ и „Вог“ престанаа да соработуваат со него.

На почетокот на 2026 година, Вест јавно се извини за своите изјави, поврзувајќи го своето однесување делумно со биполарно растројство и последиците од сообраќајна несреќа во 2002 година.

Тагови: Бјанка Цензори Канје Вест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер