Балкан

Вучиќ: За првпат ќе бараме седница на СБ на ОН за заштита на Србите на Косово

За првпат ќе бараме седница на СБ на ОН за заштита на Србите на Косово, како и средба со Столтенберг и НАТО.

Претседателот на Србија Александар Вучиќ во денешното обраќање до јавноста најави дека Србија поради „организираното и подржано етничко чистење на Србите на Косово“ ќе побара итна средба со генералниот секретар на НАТО, Јенс Столтенберг и ќе побара, за првпат, седница на Советот за безбедност на ОН за заштита на Србите на Косово, преку КФОР и демилитаризација на северно Косово од Албанците, јави дописникот на МИА од Белград.

Вучиќ, осврнувајќи се на вчерашниот разговор со Мирослав Лајчак, кажа дека Србија исполнила се што е побарано од неа за да дојде до дескалација на состојбата на северно Косово и праша „како до ескалција да дојде, кога Приштина не го сака тоа и кога во тек е општ и организиран напад и етничко чистење на Србите на Косово.“

-Денес Србија се наоѓа во најтешка состојба, не поради нас, туку поради секојдневните акции на Приштина, што е блаконаклонето гледано од поединци во меѓународната заедница. Во тек е етничко чистење на Србите на Косово, кое е добро планирано, организирано, и кое е суштински подржано од дел на меѓународната заедница, изјави Вучиќ, наведувајќи детално бројни примери на „апсење, тепање, држење во притвор на угледни Срби.

Како што кажа, во тек се две планирани акции на Косово. Едната е бесправното заземање на повеќе точки на северно Косово од косовската полиција и претресите на возилата на Итна помош и напад на здравствениот систем и второто е „странската медиумска кампања подржана од владите“ со цел кримилизација на Србите и на СПЦ на Косово.

Вучиќ изјави дека британската пратеничка Алиша Кернс, која рече дека СПЦ учествува во шверцот на оружје, е позната по своите антисрпски активности и дека Србија ќе покрене истрага против неа, „ако владата на Велика Британија не реагира“.

Како што кажа, „Србија е подготвена да ги продолжи разговорите, но дека е јасно дека работите излегле од контрола и дека Србија е втурната во ќош“ поради што ќе побара итен разговор со шефот на НАТО, Јенс Столтенберг, како и дека Србија за првпат поради настаните на Косово ќе побара свикување итна седница на Советот за безбедност на Обединетите нации.

-Немаме право да дозволиме понатамошен погром, прогон и етничко чистење. На седницата ќе бараме Советот за безбедност врз основа на своите овластувања да преземе итни мерки за заштита на животите на Србите и слободата на Србите на Косово. Ова конкретно значи дека ќе бараме Советот за безбедност да му нареди на КФОР да ги исполни обврските пропишани со членовите 9 и 15 од Резолуцијата 1244, како и членовите 3 и 4 од Анекс 2 од таа Резолуција, објасни Вучиќ.

Тој посочи дека тоа значи веднаш на терен да се спречи понатамошното дејствување на сите безбедносни и други структури на властите во Приштина кои ги загрозуваат животите, слободата, безбедноста, достоинството и опстанокот на Србите на Косово и да се демилитаризираат сите албански формации во согласност со Резолуцијата 1244 на ОН.

Тој додаде дека набргу ќе донесе одлука за барањето на „Српска листа“ за прогласување на полициските структури на северно Косово за терористички организации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Млад кошаркарски тренер загина во сообраќајката на патот Охрид- Кичево

Младиот македонски кошаркарски тренер, Антонио Савевски загина во тешката сообраќајна несреќа што ноќеска се случи на патот Охрид-Кичево.

Според информациите кои ги објави Министерството за внатрешни работи, Савески со автомобилот удрил во кучиња скитници, а потоа во металните браници покрај патот. По ударот, возилото се запалило.

Антонио беше дел од тренерските тимови на Охрид, Вардар, Водно Санс и Ангели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градскиот воз стана нов, побрз и поекономичен јавен превоз за Скопје

Ги поттикнуваме граѓаните да го користат возот за побрзо да стигнат до центарот на градот.

Изминатава година интензивно работевеме на воведување на Градскиот воз кој треба приградските населби и општини кои гравитираат околу главниот град, да ги спои со Скопје на еден еколошки и брз начин. Тоа сериозно ќе придонесе за намалување на загадувањето, сериозно ќе придонесе учениците, студентите и сите оние кои што работат во Градот Скопје и во општините навреме да стигнуваат, вели во интервјуто за ТВ Канал 5, заменик претседателот на Владата и министер за транспорт Александар Николоски.

“ Вчера можеа сите да видат дека од Зелениково до Скопје се патува некаде за 24 минути. Што ако споредите дека со кола се патува некаде около 70 минути, многу е јасно која е разликата. Тоа сериозно ќе придонесе и за намалување на загадувањето, сериозно ќе придонесе луѓето навреме да стигнуваат и учениците, и студентите и оние коишто работат во градот Скопје и во општините. И се надевам дека масовно ќе биде користен, дека сè помалку ќе се користат возила на оваа линија каде што поминува сега градскиот воз, а сè повеќе ќе се користи возот. Возот поминува низ станиците Зелениково, Ново Зелениково, Орешани, Јане Сандански, понатаму Лисиче, Драчево, веќе работиме на станица кај Кисела Вода - 11 Октомври - бараки и завршува на Новата железничка станица” – истакна Николоски.

Тој додаде дека се работи на проектирање на уште две нови линии едната од Ѓорче Петров до Центар и втората од Илинден до Центар, со што ќе се заокружи концептот на три линии на градскиот воз како нов јавен превоз за Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Џеф Безос се договори со НАСА- ќе донесе интернет на Марс

Компанијата „Блу Ориџин“ на Џеф Безос доби договор од НАСА вреден до 700 милиони долари за изградба на првата наменска комуникациска станица во орбитата околу Марс.

Постоечките сателити што пренесуваат податоци од роверот се стари повеќе од две децении и се изложени на ризик од дефект на опремата, што би го спречило испраќањето научни слики до Земјата. Новиот сателит ќе биде готов до крајот на 2028 година, додека целосното работење ќе започне во 2030 година.

Роверите на површината на Марс собираат гигабајти високосложени податоци, но немаат моќ да ги испратат директно до Земјата. Поради големите растојанија и ограниченото напојување, директниот пренос се случува со брзина од само неколку стотици битови во секунда. Роботизираните возила затоа испраќаат податоци до истражувачките сателити во орбитата, кои потоа користат параболични антени за да ги пренесат сигналите до Земјата.

Тековните сателити како што се „Марс Одисеја“ и „Марс Реконејсенс Орбитер“ работат над нивните дизајнирани граници со години. Нивните жироскопи и батерии откажуваат, а инженерите мора постојано да ги решаваат проблемите со софтверот. Нивното прекинување би го намалило протокот на слики и видеа од површината на критичен минимум.

Првиот сателит наменет исклучиво за пренос на податоци

За разлика од претходните вселенски летала, новиот сателит на Blue Origin нема да носи научни инструменти како што се камери или спектрометри. Целата маса и електрична енергија на вселенското летало ќе бидат насочени исклучиво кон телекомуникациски системи и моќни предаватели. Ова значи дека станицата нема да мора да го прекинува преносот на податоци за снимање кањони или полнење батерии.

Покрај побрзиот пренос на датотеки, сателитот ќе испраќа стандардизирани навигациски сигнали до роботите на површината. Оваа функција ќе овозможи значително попрецизно движење на новите ровери и побезбедно спуштање на модулите низ густата атмосфера. За време на критичните седум минути слетување, инженерите на Земјата ќе имаат постојан проток на телеметриски податоци без прекин.

Комерцијалниот модел влегува во длабоката вселена

Договорот е склучен според модел со фиксна цена, што значи дека Blue Origin мора да ги покрие сите можни пречекорувања на трошоците од сопствени средства. НАСА повеќе не троши ресурси за дизајнирање и градење инструменти од нула, туку купува услуга за пренос на податоци. Овој пристап е успешно тестиран на вселенските летала SpaceX и Northrop Grumman кои ја снабдуваат Меѓународната вселенска станица. Со овој договор, компанијата на Џеф Безос ја презема одговорноста за критичен дел од американската програма за Марс. „Блу Ориџин“ го води целиот процес, од дизајнирање и тестирање до лансирање и секојдневно управување со мисијата.

Тагови: марс Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.