Српскиот претседател Александар Вучиќ утрово во интервју за националната телевизија вели дека вчерашните разговори со премиерот на Македонија, Зоран Заев и премиерот на Албанија, Ед Рама, биле „многу добри“ и дека првиот видлив договор би бил полесен премин преку граничниот премин Прешево, а патувањето во Македонија и Албанија само со лична карта може да се очекува до Нова година.

Овие се тектонски промени кои ќе влијаат на привлекувањето странски директни инвестиции затоа што инвеститорите сакаат стабилност и голем пазар, рече Вучиќ.

Како што истакна тој, Прешево е трет по важност премин за Србија, по Батровци и Градина, а одлуката да се има фитосанитарна инспекција 24 часа на ден ќе го зголеми тројно поминувањето на камиони со стоки од обете страни и ќе ги намали оперативните трошоци.

Тој најави дека со мали измени во законот, истата дозвола за работа може да важи за сите три земји и дека ќе се усогласи признавањето на квалификациите, што, додаде тој, ќе ни користи зашто имаме проблеми со работната сила, притоа создавајќи добро опкружување за инвестиции затоа што испраќаме порака за стабилност и слобода на движење во област каде живеат 12 милиони луѓе “.

Намерата, рече Вучиќ, е дека „ако пристигнете на белградскиот аеродром да не ви требаат посебни документи за Албанија, никој нема да ве праша за документација, што е можно помала документација и помалку гранични проблеми. Кога ќе слетате во Скопје, повеќе не ве прашуваме како стигнавте таму, можете да одите во Белград или Тирана, тоа е еден вид „мини Шенген“.

Тој најави дека трите држави ќе можат заедно да создадат туристички патеки, дека секој може да ги посети Белград, Копаоник, Златибор и Охрид или Драч наеднаш, што, додаде тој, е особено привлечно за азиските туристи.

Претседателот на Србија очекува притисок за вакви одлуки, иако овие беа прогласени за цели на „Берлинската конференција“, и сега „правиме се што побара ЕУ, само по свое“.

Тој им се заблагодари на Американците за поддршката на проектот и од францускиот претседател Емануел Макрон рече дека ќе побара поддршка на средбата во вторник.

Трилатералната средба во Охрид продолжува и денес, а на неа ќе учествуваат и претседателот на Советот на министри на Босна и Херцеговина Денис Звиздиќ и министерката за економија на Црна Гора Драгица Секулиќ.

Заедничката Декларација се заснова на соработка, заедничко ангажирање и отстранување на сите пречки за слободно движење на луѓе, стоки, услуги и капитал како придонес кон граѓаните на сите земји во регионот во постигнување на нивната заедничка крајна цел - полноправно членство во ЕУ “.

,,Очекувам да добијам поддршка за проектот „малиот шенген“ на претстојната средба со Емануел Макрон во Париз, но и да слушнам за новата методологија предложена од францускиот претседател, изјави српскиот претседател Александар Вучиќ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.