Вучиќ: Во Охрид ништо не потпишувам, ќе разговарам за нормализација на односите - Канал 5

Балкан

Вучиќ: Во Охрид ништо не потпишувам, ќе разговарам за нормализација на односите

- Српскиот претседател Александар Вучиќ изјави денеска дека во Охрид за време на продолжувањето на разговорите со косовскиот премиер Албин Курти „нема да потпише ништо“, но дека „ќе разговара за нормализација на односите“.

Вучиќ: Во Охрид ништо не потпишувам, ќе разговарам за нормализација на односите

Вучиќ изјави дека се надева на пристоен разговор во Охрид и можност да се придвижат работите, но и дека таму не оди со пораки, бидејќи се што имал кажал во лице на специјалните претставници за дијалог на ЕУ и САД, Мирослав Лајчак и Гарбиел Ескобар.

-Не патувам за Охрид со пораки, туку ги застапувам интересите на државата Србија и на нашиот народ на Косово и Метохија, рече Вучиќ во Инџија, одговарајќи на новинарско прашање да ја коментира изјавата на американскиот специјален претставник за Западен Балкан, Габриел Ескобар, дека верува во позитивен исход од средбата во Охрид и со какви пораки патува во Македонија.

Вучиќ истакна дека Заедницата на српските општини може да се формира само врз основа на четири потпишани документи, и тоа документите за управувачкиот тим, принципите, имплементацијата и основниот, односно првиот договор.

-Сите четири се потпишани и нивната содржина мора да се исполни. И нивната фантазмагорија за данските, шведските и другите модели, не ме интересираат особено, ме интересира тоа што е потпишано да се исполни, рече Вучиќ во Инџија, одговарајќи на новинарско прашање за „предлогот за инспирација“ на 15 европски модели за формирање на ЗСО кои ги спомена Албин Курти и дали Управувачкиот тим му дал овластување на Мирослав Лајчак тоа да го предложи.

Вучиќ изјави и дека не мисли оти Лајчак така рекол, бидејќи го прашал за тоа, но наведе и дека без разлика што некој проучува и дали сака да ја обесмисли, ЗСО мора да оди во согласност со она што е потпишано.

Говорејќи потоа на митингот во Сремска Митровица, Вучиќ рече дека по налогот на Меѓународниот суд во Хаг за апсење на рускиот претседател Владимир Путин, ставот на Белград утре во Охрид, каде што треба да се сретне со косовскиот премиер Абин Курти, ќе биде потежок, па мора да размислува „уште поодговорно“.

Според него, со таа наредба Западот сака да изврши дополнителен притисок врз сите кои веќе не се најсилно против Путин, и секој што размислува за Русија „ќе биде изложен на најтешки последици“.

Во руската јавност таа судска постапка ќе наиде на потсмев, иако не е ниту за насмевка, ниту за потсмев, изјави Вучиќ.

Тој додаде дека „двете страни покажуваат дека нема отстапка, дека одат до крај на се или ништо, да се уништат меѓусебно“ и дека мирот сега е забранет збор во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер