Балкан

Вучиќ: Србија не е опасност за регионот

Претседателот на Србија, Александар Вучиќ, денеска изјави дека сите земји во регионот треба да знаат дека не се загрозени од никаква опасност од Србија, ниту ќе бидат, но Србија ќе се брани.

Запрашан за коментарите во Хрватска поради ракетите што ги поседува Србија, Вучиќ на прес-конференција рече дека поранешниот хрватски министер за одбрана Анте Котромановиќ велел дека ќе го „почастат“ Белград со ракети ХИМАРС и дека - кога ќе го чуете тоа - сè е во ред, но дека ова е навика од минатото.

„Ние ќе го чуваме мирот, а вие се фалете се колку сте храбри“, рече Вучиќ по седницата на Советот за национална безбедност, посветена на енергетската криза поради конфликтот на Блискиот Исток.

Вучиќ, изјави дека државата речиси ќе се откаже од своите приходи од акцизи на нафтени деривати. Тој присуствуваше на вонредниот состанок на Советот за национална безбедност во врска со моменталната состојба со изворите на енергија.

„Денеска ќе ја намалиме акцизата за уште 40 проценти, кумулативно за околу 61 процент. Речиси ќе се откажеме од нашите државни приходи, за да ја задржиме оваа цена. И ќе ја задржиме во наредните недели. Освен ако не достигне 200 долари за барел. Тогаш не знам. Ќе бараме решение“, рече Вучиќ.

Вучиќ изјави дека двете фундаментални цели на државните мерки се целосна понуда и цени под контрола.

„За да ги постигнеме тие две основни цели, нашите мерки се следниве. Прво, ќе ги намалиме акцизите. Годишно собираме две милијарди евра од акцизи, а тоа е нашиот најголем приход од акцизи - финансираме училишта, патишта и од тоа исплаќаме плати“.

Претседателот на Србија, имајќи ги предвид тензиите и ситуацијата во светот, рече дека „не само на краток рок, туку и за неколку месеци, ќе мора да се донесат многу болни мерки за државата, но тој ќе се погрижи тие да не бидат болни мерки и за граѓаните“.

Освен претседателот Вучиќ, на седницата присуствуваа и сите релевантни членови поврзани со енергетскиот сектор.

Тој објави дека цената на литар дизел ќе биде за 4 динари повисока и ќе изнесува 212 динари, а литар бензин ќе биде поскап за 2 динари и ќе чини 188 динари. Посочи дека според Законот за трговија, државата ја намалила акцизата на горивата за 20 проценти и дека денеска ќе ја намали за уште 40 проценти.

„Според законот, имаме право да намалиме за 20 проценти, а во законот најдовме можност да намалиме за повеќе од 20 проценти. Денеска ќе намалиме за уште 40 проценти, кумулативно ќе ја намалиме акцизата за околу 61 процент, речиси ќе се откажеме од државните приходи, за да ја одржиме оваа цена (212 динари) и ќе ја задржиме во наредните недели“, рече Вучиќ.

Тој изјави дека намалувањето на акцизата не може да биде единствената мерка, и затоа на пазарот се пласираат 40.000 тони дизел од државните резерви.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Змија виси над волан на автомобил во БиХ

Корисниците на социјалните мрежи биле изненадени од видео од Сјеница кое неодамна кружи на интернет.

Сопственикот на автомобилот снимил змија како виси од вратата на автомобилот.

Таа висеше веднаш над воланот, обидувајќи се да се ослободи; како успеа да се заглави во вратата на автомобилот останува непознато.

Оваа необична глетка ги забавуваше многу корисници. „Ја закачи како освежувач на воздух“, гласеше еден од коментарите.

https://www.instagram.com/reel/DbjENoYxfSq/?utm_source=ig_embed&utm_campaign=loading

Тагови: змија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Саша Зверев: „Новак има 400 милиони во банка, мислиш ли дека го интересира тоа?“

Еден од најдобрите свтески тенисери, Германецот, Саша Зверев застана во одбрана на најтрофејниот свтески тенисер, Новак Ѓоковиќ, кој беше нападнат поради одлуката да се откаже од турнирот „Мастерс“ во Монтреал на 40-годишна возраст.

Мастерс турнирот во Монтреал повторно ги разочара навивачите бидејќи не успеа да ги привлече најголемите тениски ѕвезди.

Ниту оваа сезона во Канада нема да ги видиме Новак Ѓоковиќ, Јаник Синер и Карлос Алкараз; тие одлучија да се повлечат од турнир кој, со оглед на случувањата таму со години наназад, можеби и не заслужува статус на турнир што носи 1.000 бодови.

Постојат различни причини поради кои тенисерите се откажуваат, но најважна е календарот. Турнирот се одржува по Вимблдон, а пред Синсинати и Ју-Ес Опен, и трае две недели. Токму затоа најдобрите во светот нема да настапат, иако некои почнаа да ги критикуваат, тврдејќи дека се незадоволни поради парите.

Поради тоа, Саша Зверев – овогодишниот победник на Ролан Гарос и моментално трет тенисер во светот – одлучи да застане во одбрана на своите колеги, а пред сè на Новак Ѓоковиќ:

„Дали мислите дека бонусите му се важни на Новак? Верувам дека тој има – ако можам да проценам – повеќе од 400 милиони во банка, така што не верувам дека тоа му е важно. Уште помалку го интересира пласманот на светската АТП-листа...“, се насмеа Зверев.

И додека челниците и организаторите на турнирите се обидуваат да најдат други виновници наместо да ја признаат грешката со форматот, Саша Зверев не може да поверува дека се размислува за одземање бодови од АТП-листата или за укинување на бонусите за тенисерите кои не сакаат да играат.

„Дали сакате да паднеме на светската ранг-листа ако не играме? Искрено, ако форматот се врати на стариот, со времетраење од седум дена, би можеле да разговараме за тоа. Но, ако треба да бидеме на овие натпреварувања две и пол недели, а притоа сме среде сезоната на Грен слем турнирите, тогаш не можете да нè присилувате“, додаде одлучно Зверев.

Тагови: Зверев Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дали се ближи крајот на пребрзото возење? Ќе забавува ли самиот автомобил?

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина.

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина; доколку биде одобрен, неговата имплементација би можела да започне околу 2030 година.

Според достапните информации, системот би користел сателитска навигација, дигитални мапи, 5G мрежи и камери за препознавање сообраќајни знаци за да ја одреди дозволената брзина, по што електрониката на возилото би ја ограничила моќноста на моторот и би спречила понатамошно забрзување, а воедно би овозможила привремено зголемување на брзината во итни ситуации.

Ова опфаќа понапредна верзија на системот за интелигентна помош за брзина (ISA), кој е задолжителен од јули 2024 година за сите нови автомобили што се продаваат во Европската Унија, а кој во моментов само ги предупредува возачите кога ќе го надминат ограничувањето на брзината.

Иако организациите за безбедност во сообраќајот сметаат дека ваквата технологија би можела значително да го намали бројот на тешки сообраќајни несреќи предизвикани од пречекорување на брзината, критичарите предупредуваат на можни грешки при препознавањето на сообраќајните знаци, застарени дигитални карти, неточности во GPS-системите, како и на ризици по приватноста на корисниците и сајбер-безбедноста на возилата.

Европската комисија нагласува дека проектот сè уште се разгледува и дека се водат консултации со производителите на автомобили и со експертите за безбедност во сообраќајот во врска со можните регулативи; следствено на тоа, сè уште не е донесена конечна одлука за негово спроведување, пренесува „iamexpat“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.