Вучиќ од Брисел: Очекувам до почетокот на февруари отворање на Кластерот 3 - Канал 5

Балкан

Вучиќ од Брисел: Очекувам до почетокот на февруари отворање на Кластерот 3

Претседателот на Србија, Александар Вучиќ, вечерва по пленарниот состанок на лидерите на ЕУ и Западен Балкан изјави дека Србија очекува да стане дел од единствената европска платежна област СЕПА во јануари или февруари.

Вучиќ од Брисел: Очекувам до почетокот на февруари отворање на Кластерот 3

Претседателот на Србија, Александар Вучиќ, вечерва по пленарниот состанок на лидерите на ЕУ и Западен Балкан изјави дека Србија очекува да стане дел од единствената европска платежна област СЕПА во јануари или февруари, како и отворање на Кластерот 3 на крајот на јануари, а најдоцна на почетокот на февруари, објави Телеграф.

„Очекуваме да добиеме финансиска поддршка од агендата за раст во следните три или четири дена. Остатокот од првиот дел во текот на месец јануари“, изјави Вучиќ за новинарите во Брисел.

Тој рече дека за нас е важно да продолжиме да работиме на зелените коридори и додаде дека со Унгарија веќе направивме многу.

„Се надеваме дека ќе можеме да го направиме тоа со Хрватска во иднина. Денешниот ден беше интересен, бидејќи сите имавме многу билатерални средби со премиерот на Луксембург Лука Фриден, со шпанскиот премиер Педро Санчез, со хрватскиот премиер Андреј Пленковиќ“, рече Вучиќ. .

„Не можам да кажам дека хрватската компанија не ги исполнила обврските кон Србија, а тие се заинтересирани за понатамошна испорака, бидејќи во спротивно тоа би значело банкрот и прекин на соработката со Србија.“

„Морав да одговорам на различни видови обвинувања, а најголемото лицемерие е кога ќе ви кажат дека вие сте тие што не го почитувате територијалниот интегритет. Имаше важни случувања, Мелони, Орбан, Мицотакис и многу други наши пријатели зборуваа, многу коректен став имаа и јас сум им благодарен - рече тој.

„Веруваме дека ќе отвориме, имав добар разговор со Пленковиќ, немам проблем, не сум сигурен дека овој тип на билатерализација на односите ќе биде поддржан од ЕУ.“

„Одамна се зборуваше дека ги исполнивме сите услови за отворање на Кластерот 3, добивме зелено светло, тоа го потврди и ЕУ“, рече тој.

Кога станува збор за пишувањето на опозициските медиуми за трагедијата во Нови Сад, Вучиќ вели дека тој секогаш е виновен за сѐ.

Говорејќи за преодната влада, тој посочи дека никој освен него не може да назначи мандатар.

„Нема ништо од техничка влада, зависи само од мене, од никој друг, никој друг не може да назначи претставник, нема ништо од преодната влада. Пуштете ги вашите соништа, од оној што еднаш се заколна на верност на Русија , потоа се преселил со вонземјани, тој најмногу верува во нивните вредности. – рече тој.

„Добро е што кажавте дека се политички активисти, таков ни е образовниот систем, студентите можат да прават што сакаат, додека сум жив и дишам ќе се борам против тие што ги злоупотребуваат, како што велат, децата. Децата немаат од кого да се плашат, освен неодговорните професори, кои ги тераат на проблеми, за да си обезбедат фотелји, нема такво нешто“, рече Вучиќ и додаде дека тоа се изјавите на Наташа Кандиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум позира топлес покрај базен: Обожавателите ја нарекуваат „кралица“

Хајди Клум (53) го искористи сончевиот викенд за релаксација покрај базен. Во неделата, манекенката објави фотографија на Инстаграм на која седи на работ од базенот, со нозете во водата и кренати раце.

Хајди Клум позира топлес покрај базен: Обожавателите ја нарекуваат „кралица“

Таа носеше само долен дел од црно бикини и качкет, додека покрај неа седеше нејзината 22-годишна ќерка, Лени. Лени во скутот држеше кученце по име Фриц – кое Хајди го вдоми во април. „Недела“, напиша таа кратко покрај фотографијата.

Хајди не се крие

Објавата брзо го привлече вниманието на нејзините следбеници, кои го преплавија делот за коментари со комплименти. Некои ја нарекоа „кралица“ и „божица“, додека други едноставно напишаа „вау“.

Хајди со години отворено зборува за својот став кон сопственото тело и голотијата. Во интервју за списанието „People“, таа објасни дека ваквиот пристап за неа е сосема природен.

„Отсекогаш сум била многу отворена во однос на своето тело. Кога се сончам во градината, понекогаш не носам горен дел. Јас сум Европејка... моите деца никогаш не ме запознале поинаку, што веројатно е причината зошто тие се поопуштени во однос на сопствените тела“, изјави таа.

Манекенката исто така истакна дека никогаш премногу не се грижела за тоа како изгледа пред другите. „Отсекогаш сум имала самодоверба. Немам проблем да шетам наоколу во долна облека. Не се кријам по ќошиња“, појасни Хајди.

Таа не сака инјекции за слабеење

Клум претходно зборуваше за тоа како се справува со телесните промени што доаѓаат со стареењето. Според неа, во тоа има поддршка од нејзиниот сопруг, Том Каулиц (37), кој ја охрабрува да не биде опседната со стандардите за слабост наметнати од модната индустрија.

Денес, таа смета дека неколкуте килограми вишок воопшто не ѝ пречат и дека таквата фигура одлично ѝ прилега. Истовремено, таа изјави дека нема интерес за лекови за слабеење, како што се „Ozempic“, „Wegovy“ или „Mounjaro“.

Наместо тоа, таа се стреми да одржува рамнотежа преку исхраната и редовната физичка активност. Не поминува часови во теретана, бидејќи претпочита поедноставни форми на вежбање. Дома, во Лос Анџелес, таа често скока на трамболина или изведува вежби со сопствена тежина, вклучително и чучњеви.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Жена со ебола пренесена во Швајцарија, има сомнеж за уште еден случај

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дури ни соработката со „Xpeng“ не помага: „Volkswagen“ во криза

Уделот на кинескиот пазар во вкупната добивка на групацијата е намален од речиси 50 отсто на околу 10 отсто, а партнерството со локалниот производител „Xpeng“ сè уште не ги дава очекуваните резултати.

Дури ни соработката со „Xpeng“ не помага: „Volkswagen“ во криза

Со години, Кина беше еден од најважните пазари за „Volkswagen“, но ситуацијата значително се промени.

Уделот на Кина во вкупната добивка на групацијата падна од речиси 50 отсто на околу 10 отсто, а партнерството со кинескиот производител „Xpeng“ сè уште не ги носи очекуваните резултати.

„Volkswagen“ инвестираше 700 милиони долари во „Xpeng“, стекнувајќи удел од 4,99 отсто.

Двете компании развија заедничка електрична и електронска архитектура за нови електрични возила, вклучувајќи ги моделите „ID. Unyx 08“ и „ID. Unyx 09“.

Концептот беше автомобилите да се развиваат и произведуваат во Кина, приспособени за локалните купувачи.

Сепак, продажбата на првиот модел е далеку под предвидувањата. Според податоците објавени од Ројтерс, во периодот од април до август, месечно се продавале во просек само 267 примероци од моделот „ID. Unyx 08“.

Тоа е помалку од десет отсто од првичната цел од 3.622 возила месечно.

Поради овие слаби резултати, „Volkswagen“ ја намали целта за продажба за 2026 година од 32.600 на 12.300 автомобили.

Целта за 2027 година исто така е ревидирана, намалувајќи се од 70.400 на 64.000 возила. Технологијата и продажната мрежа како предизвик

Моделот „ID. Unyx 08“ се одликува со модерен дизајн и богата дигитална опрема. Сепак, според извештаите, тој заостанува зад одредени кинески конкуренти во поглед на технологијата и брзината на полнење.

Продажната мрежа претставува дополнителен предизвик: моделот првенствено се продава преку околу 166 продажни места на „Volkswagen Anhui“, наместо преку значително пошироката мрежа на партнерства со „FAW“ и „SAIC“. Сепак, „Volkswagen“ останува посветен на Кина. Компанијата очекува месечна продажба од најмногу 4.900 примероци од седанот „ID. Unyx 09“, со долгорочна цел до 2034 година да достигне 90.000 возила годишно.

Овој модел ќе им конкурира на возила како што се „Tesla Model 3“ и „Xiaomi SU7“.

Германскиот производител, исто така, ја разгледува можноста за извоз во Европа на возила произведени во Кина.

Сепак, дополнителните царини за автомобилите произведени во Кина би можеле да го отежнат овој план. Поради тоа, како алтернатива се разгледува производство во германските погони, кои моментално работат со капацитет под максимумот.

Извор: Б92

Тагови: Volkswagen Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер