Во Австралија почна сослушувањето за масакрот на плажата Бонди и подемот на антисемитизмот - Канал 5

Свет

Во Австралија почна сослушувањето за масакрот на плажата Бонди и подемот на антисемитизмот

Денеска во Австралија започна јавното сослушување за масовното пукање на плажата Бонди во близина на Сиднеј, каде што 15 лица беа убиени за време на еврејскиот празник Ханука во декември.

Во Австралија почна сослушувањето за масакрот на плажата Бонди и подемот на антисемитизмот

Вирџинија Бел, која беше назначена за судија да ја води истрагата на Кралската комисија, рече дека првиот сет јавни расправи ќе ја истражи природата и обемот на антисемитизмот во земјата.

„Остриот пораст на антисемитизмот што го видовме во Австралија се одрази и во другите западни земји и се чини дека е јасно поврзан со настаните на Блискиот Исток. Важно е луѓето да разберат колку брзо овие настани можат да предизвикаат грди изрази на непријателство кон еврејските Австралијанци само затоа што се Евреи“, рече Бел, според Ројтерс.

Кралската комисија за антисемитизам и социјална кохезија доби повеќе од 5.700 предлози од јавноста.

„Соодветно е да започнеме со собирање докази од обични членови на еврејската заедница за нивните животни искуства со антисемитизмот. Добивме бројни предлози од Евреи кои опишуваат антисемитски инциденти или однесување“, рече Бел.

Меѓу сведоците што зборуваа денес е ќерката на жртва од плажата Бонди, како и лидери на заедницата и преживеани од Холокаустот.

На некои сведоци им е дадена анонимност, се вели во соопштението, од загриженост дека би можеле да бидат предмет на „непријателско внимание“.

Втор сет сослушувања подоцна во мај ќе се фокусираат на околностите што доведоа до нападот на плажата.

Комисијата треба да го достави својот конечен извештај на 14 декември, точно една година по нападот на плажата.

Тагови: Австралија Бонди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер