Вучиќ на митингот: Ова е последната вечер на која се обраќам како претседател на СНС

Тој посочи дека утре ќе биде претседател на сите граѓани на Србија, а не претседател на политичка партија.

На повик на претседателот Александар Вучиќ и владеачката Српска напредна странка (СНС), во Белград пред Народнот собрание се одржува митинг „Србија на надежта“, најавен како „најголем собир во историјата на Србија“ на кој учествуваат голем број на граѓани од цела Србија, но и од земјите од регионот, јави дописникот на МИА од Белград.

Вучиќ на митингот на кој присуствуваше целиот државен врв на Србија, колационите партии меѓу кои и Ивица Дачиќ од СПС и гостите унгарскиот шеф на дипломатијата Петер Сијарто и Милорад Додик од Република Српска, понуди нови решенија и дијалог со народот.

-Ние победивме на сите избори, победивме и затоа што тие никогаш немаа политика, затоа што секогаш мислеа само како да ја зграпчат власта со сила и со помош на некој друг од страна. Ова е последна вечер што ви се обраќам како претседател на СНС, утре некој друг ќе ја преземе мојата, ваша, наша Српска напредна партија, чиј член ќе останам, нагласи Вучиќ.

Тој посочи дека утре ќе биде претседател на сите граѓани на Србија, а не претседател на политичка партија.

-Поради кризата во која се наоѓаме, а ќе барам СНС да биде стожерот на сето ова, почнуваме да го формираме Движењето за народот и државата за да имаме база, поддршка и основа за зачувување на нашата држава во следните две-три кризни години, кои се одлучувачки за иднината на Србија, рече Вучиќ.

Зборувајќи за барањата изнесени на протестите во Србија, Вучиќ повика на дијалог и разговор, но рече дека нема да има преодна влада.

-Се додека сум жив, нема да ви потпишам. Власта ќе се избере на избори и по волја на народот, нагласи Вучиќ.

За ситуацијата на Косово, тој најави состанок на Советот за национална безбедност и кажа дека „се плаши дека многу работи се лоши, бидејќи знам со кого си имаме работа“.

-И денес, како намерно да го чекаа тој ден, значителен број мажи од северот од Косово да дојдат во Белград, за да ги нападнат општинските згради во Зубин Поток, Звечан и Лепосавиќ и на сето тоа претставниците на Квинта молчеа. Сега тоа го осудуваат, но откако им дозволија на Албанците да си ја завршат работата, рече Вучиќ.

КФОР демантира дека учествувал во преговори за повлекување на Срби од Бањска

Кфор денеска ги демантираше тврдењата од неодамнешниот извештај на Меѓународната кризна група (МКГ) дека учествувала во наводните преговори за повлекување на група „српски борци“ по настаните во селото Бањска минатата година.

„Тоа не е точно. Кфор во ниту еден момент не бил вклучен во наводните преговори“, се посочува во соопштението на Кфор.

Во соопштението се демантираат наводите од извештајот на МКГ дека по настаните во Бањска во септември минатата година, припадници на КФОР преговарале за „повлекување на група српски борци во околните шуми, од каде исчезнале“.

Душко по скандалот со Северина, проговори за развод од Јелена Карлеуша!

Ден по скандалот екс фудбалерот Тошиќ изјави- Разводот е во интерес на сите е!

Екс фудбалерот а сега менаџер Душко Тошиќ проговори за разводот со пејачката Јелена Карлеуша.

Тошиќ откри дека преговорите за договорен развод биле неуспешни!

Вчера топ тема во балканските медиуми беше веста дека фудбалерот Душко Тошиќ, кој се уште е во брак со пејачката Јелена Карлеуша, и испраќал пораки на хрватската пејачка Северина Вучковиќ.

Во пораките Тошиќ на секој начин се обидува да флертува со популарната Севе. Но тој вели дека имал друга намера.

Душко откри дека и испраќал пораки на хрватската пејачка бидејќи „сакал да ја ангажира да пее на неговата јахта“.

Денес екс фудбалерот окри пак детали за него долгоочекуваниот развод од неговата се уште актуелна сопруга Јелена Карлеуша.

„Преку адвокат се обидуваме да договориме спогодбен развод. Одржавме неколку состаноци на таа тема кои, за жал, завршија неуспешно. Се уште се трудам да избегнам развод со тужба, бидејќи тоа би било трауматично искуство за сите на нас, особено на нашите деца, се надевам дека во наредниот период ќе се договориме за развод, што е во интерес на сите“, изјави Тошиќ.

Формула 1: Леклер конечно победи во Монте Карло

Возачот на Ферари, Шарл Леклер победи на денешната трка во Формула 1 за Големата награда на Монако.

Леклер, кој стартуваше од пол-позицијата и водеше во текот на целата трка, победи за прв пат на домашната патека во Монте Карло и во својот роден град ја забележа шестата победа во кариерата.

Второто место го зазеде Оскар Пјастри од Мекларен, а третото Карлос Саинц од Ферари.

Возачот на Мекларен Ландо Норис го освои четвртото место, петти беше Џорџ Расел од Мерцедес, а шести актуелниот шампион Макс Верстапен од Ред Бул.

Седумкратниот светски шампион Луис Хамилтон од Мерцедес го освои седмото место и освои дополнителен поен за најбрзиот круг на трката.

Денешната трка во Монако беше во прекин четириесетина минути поради инцидент во првиот круг кога возачот на Хас, Кевин Магнусен удри во болидот на Серхио Перез од Ред Бул.

Шампионатот во Формула 1 продолжува на 9 јуни со Големата награда на Канада.

притисни ентер