Балкан

Вучиќ: Курти сам призна дека ги прекршиле нормите на меѓународното право

Српскиот претседател Александар Вучиќ по средбата со словенечката претседателка Наташа Пирц Мусар на прес-конференцијата, зборувајќи за апсењето на припадниците на косовската полиција.

Српскиот претседател Александар Вучиќ по средбата со словенечката претседателка Наташа Пирц Мусар на прес-конференцијата, зборувајќи за апсењето на припадниците на косовската полиција повтори дека никогаш не се случило припадници на српската војска или полиција да ја преминале административната граница со Косово, јави дописникот на МИА од Белград.

- Ако го прашате КФОР, тие ќе кажат дека статистички Србија никогаш не го направила тоа, од друга страна, има неколку работи кои се многу важни што мора да ги знаете, да сметате дека Курти сè што кажал е вистина, дека тој самиот призна да тие ги прекршиле сите норми на меѓународното право. Тој рече дека тие биле 300 метри во административната територија во рамките на Косово, но дали вие знаете дека тие немаат право да бидат таму. Кога ќе дојдат на километар мора 36 часа претходно да се пријават во КФОР, тие немаат право воопшто да бидат таму, не смеат според воено-техничкиот договор, рече Вучиќ.

Кога станува збор за средбата со амбасадорите на Квинта, Вучиќ рече дека Србија е подготвена да даде целосен увид во евиденцијата.

- Понудив не само да ги погледнат сите снимки, спремни сме да дадам целосен увид, докази, сè да се види и полицијата и војската. Им ги понудивме нашите лицата кои апсеа, да донесат вештачење, да донесат свои полиграфи и да им поставиме две прашања, дали сте учествувале во апсењето на овие лица и дали сте ги уапсиле на територијата на централна Србија или на АП на Косово и Метохија. И сите лица се подготвени да одговорат на тие прашања, рече Вучиќ.

Тој додаде дека ситуацијата на Косово е ужасно тешка и дека се обидува да го зачува мирот по секоја цена, но има работа со луѓе кои по секоја цена не сакаат мир и дека се надева дека ЕУ и САД ќе имаат доволно сила да ги вразумат оние кои се однесуваат ирационално.

Претседателката на Словенија на прес конференцијата изјави дека би сакала да ја види имплементацијата на ЗСО, дека не гледа причина зошто тоа да не се спроведува.

- Во овие тешки моменти за Белград и Приштина, апелирам дека дијалогот е единственото решение за смирување на ситуацијата, не сакаме конфликти во регионот на Западен Балкан, Косово мора да го направи својот дел од работата, рече таа и апелираше дијалогот да мора да продолжи, за ситуацијата да се смири.

- Косово мора да го направи својот дел. Во октомври ќе отпатувам за Приштина, каде на овие теми ќе разговарам со Вјоса Османи. Дијалог, дијалог и само дијалог – не сакаме конфликти на Западен Балкан, мислам дека зацртаниот пат треба да биди јасен, истакна Наташа Пирц Мусар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: На прес на Влада -Почнаа со работа медиумите од српската медиумска мрежа

Почнаа со работа медиумите од српската медиумска мрежа во Македонија. Како што најавивме, на сомнителен начин.

На прес конференција во Владата пред два дена присуствувала и екипа на Euronews Македонија.

Како присуствуваат кога се уште немаат дозвола за работа?

Очигледно Владата на Мицкоски, веќе ја третира Euronews Македонија како телевизија и ѝ овозможува пристап на официјални владини настани.

По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката.

Нели беше најавена истрагата за сомнителниот влез на српската медиумска машинерија во Македонија.

Дали ова значи дека истрагата е прекината и се работи под радарот?

Како работат медиумите на Вучиќ во Македонија?

Што прави АВМУ? Или мачкаат очи?

Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?

Едно е јасно, медиумите на Вучиќ веќе се во македонскиот етер.

Тече анти-македонска и анти-ЕУ пропаганда.

Еврокомесарката Марта Кос, вчера ја откажа посетата на Србија, поради истите политики на Мицкоски и Стоилковиќ – величење на Ратко Младиќ.

Мицкоски копира се. Истите политики ги гледаме и со целосна контрола на медиумскиот простор, покрај веќе контролираните 40% од Орбановите медиуми.

Наскоро медиумски мрак и во Македонија - во служба на Русија и организираната криминална група на Мицкоски .

Со Мицкоски Македонија стана заложник на туѓи интереси на Балканот.

СДСМ отсекогаш се борел за демократско општество, слободни медиуми и слобода на говорот.

Даваме целосна поддршка на независните медиуми и новинари во Македонија.

Ние веќе еднаш се боревме против медиумскиот мрак, во 2015 година.

Нема да дозволиме Македонија повторно да се врати во времето на Груевски, рече Богданка Кузеска - портпаролка и членка на ИО на СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е Романец, кој „летал“ со 163км/час на место каде што е дозволено 80

Лишен е од слобода романски државјанин, возел со брзина од 163 км/ч на место каде максималната дозволена брзина е 80км/ч.

На 04.09.2026 во 11:20 часот, на Граничен премин Табановце, на излез од државата, полициски службеници го лишиле од слобода Х.В.С.(49) од Романија, откако при проверка на патничко возило „ауди“ со романски национални ознаки, управувано од него, преку системот „Безбеден град“ било констатирано дека бил евидентиран како сторител на кривично дело по член 297-а од Кривичниот законик – „безобѕирно управување со моторно возило“. Имено на 04.09.2026 во 06:30 часот, на автопатот А1 во близина на Демир Капија, Х.В.С. управувал со возилото со брзина од 163 километри на час, на место каде максимално дозволената брзина изнесува 80 километри на час.

Тој бил спроведен во Полициска станица од општа надлежност Неготино за понатамошна постапка и против него ќе биде поднесена соодветна кривична пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.