Вучиќ ја покажа документацијата за уривањето на настрешницата во Нови Сад,ќе се гради споменик - Канал 5

Балкан

Вучиќ ја покажа документацијата за уривањето на настрешницата во Нови Сад,ќе се гради споменик

„Подготвивме сѐ, за да нема забуна дека ќе отиде во погрешни раце, побарав од Вучевиќ да ги објави сите документи на веб-страницата на Владата,рече српскиот претседател Вучиќ.

Вучиќ ја покажа документацијата за уривањето на настрешницата во Нови Сад,ќе се гради споменик

Претседателот на Србија Алексаднар Вучиќ вечерва, осврнувајќи се на блокадите на студентите во Србија и нивните барања, рече дека донел документација за настрешницата што паднала во Нови Сад, која ја покажа во неколку папки, објави Курир.

Како што најави, во следните 24 часа ќе биде објавена на веб-страницата на Владата. Тој потврди дека ова е целата документација со која располага обвинителството.

- Со денови се соочуваме со обиди за хибридна војна против Србија произведени од различни групи на притисок со значителна поддршка однадвор, но и од специјални медиумски групи финансирани однадвор. Ги разгледавме барањата на студентите. На апсурден начин се соочивме со тоа што ни ректорите не знаеја кое е точно барањето, иако ги поддржаа барањата, освен блокадите, се разбира. Ноторната лага која ја доведува во заблуда јавноста трае со денови. Како некој ја криел документацијата, како тоа е тајна документација и како се крие она што се случи во Нови Сад. Жал ми е што не бараа договори од пред 60 години, секакви работи ќе видеа во нив. Тие не беа заинтересирани да ги истражат фактите туку да го најдат виновникот. И секако виновен е негативецот Вучиќ. Го прашав обвинителството зошто молчи. Јас самиот ја побарав од министерството целата документација, од сите места што ми беа достапни. И ги донесов и сакам да им го доделам на студентите, како што тие побараа.

Претседателот потоа ја покажа целата документација.

- Донесов да ја покажам целата документација, вкупно 195 различни документи. Имаме сè подготвено. За да нема забуна дека тоа паднало во погрешни раце, го замолив Вучевиќ да ги објави сите документи на неговата веб-страница. Од 9 и 10 часот наутро до крајот на работното време очекувам да биде поставена комплетната документација - рече претседателот Вучиќ.

-Што се однесува до граѓаните кои беа уапсени за протестирање, сите беа ослободени. Никогаш не сум дал помилување, ако бидат осудени за дивеењето во Нови Сад или Белград, јас лично ќе донесам одлука за помилување. Значи, сите ваши барања се решени.

Вучиќ вечерва изјави дека ќе му предложи на Собранието на градот Нови Сад да се подигне споменик на 15-те жртви на местото каде што се случи несреќата кога падна настрешницата на железничката станица, пренесе Телеграф.

„Мојата идеја е на местото каде што се случи трагедијата да се изгради споменик, кој ќе укаже на незаборавното, луѓе и деца загинаа таму“, рече Вучиќ во своето обраќање пред граѓаните.

Како што додаде, тој споменик ќе послужи никогаш да не заборавиме што се случило, кој настрадал, но и сите лекции, односно што би можеле сите да научиме од него, како и тоа како да одиме напред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Се урна „самовилски оџак“ во Кападокија поради обилни дождови

Во познатото туристичко место Кападокија во Турција, во близина на Музејот на отворено во Гореме, се урнаа дел од светски познатите таканаречени самовилски оџаци.

Видео: Се урна „самовилски оџак“ во Кападокија поради обилни дождови

Во познатото туристичко место Кападокија во Турција, во близина на Музејот на отворено во Гореме, се урнаа дел од светски познатите таканаречени самовилски оџаци а бројот на жртви засега е три од кои две се брачен пар од Турција а една е странска туристка чија националност се уште не е позната.

Жртвите биле заробени под карпите. Има и пет полесно повредени лица, изјави турскиот министер за здравство Кемал Мемишоглу.

Одронот се случил бидејќи обилните дождови предизвикаа лизгање на земјиштето, објави гувернерот на невшехир - Хусеин Кок. Полицијата, жандармеријата, агенцијата за катастрофи како и здравствените тимови се испратени во градот Гореме, а потрагата по евентуално исчезнати лица и спасувањето продолжуваат.

Турите со балони на топол воздух по кои исто така е позната Кападокија, поради временските услови од дожд и ветер, привремено се откажани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Шпагети со сирење

Во петок (23.10.2026) во емисијата гостин ни бeше Марио Стојановски

„Гответе со Дракче“ - Шпагети со сирење

Состојки за денешниот рецепт:

250 гр. шпагети

150 гр. сирење

150 гр. кечап

масло

сол и малку магдонос

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Започна евакуацијата на жителуте на Олешки во регионот Херсон

Евакуацијата започна, подготвени се 25 автобуси, оние што сакаат да заминат имаат рок до 14:00 часот. 

Видео: Започна евакуацијата на жителуте на Олешки во регионот Херсон

Во градот Олешки, во регионот Херсон, започна голема хуманитарна операција, јавуваат руските медиуми. За евакуација на цивилното население обезбедени се 25 автобуси со најмалку 750 седишта.

Рускиот комесар за човекови права, Јана Лантратова, изјави дека се обезбедени сите неопходни безбедносни услови за евакуација, а жителите што сакаат да го напуштат градот ќе можат да го сторат тоа до 14:00 часот, по што ќе започне распределбата на хуманитарна помош.

Во операцијата учествуваат повеќе од 50 медицински експерти, додека во градот пристигнаа и над 50 новинари од различни земји, вклучително и од Соединетите Држави, за да го следат спроведувањето на хуманитарната мисија.

„Американски новинари, новинари од различни земји, вкупно повеќе од 50 претставници на медиумите. Токму затоа сè се одвива отворено, што е многу важно“, изјави Лантратова, пренесува „Спутник“.

Таа потврди дека режимот на прекин на огнот во зоната на хуманитарната операција сè уште се почитува и дека не се забележани никакви инциденти.

„Режимот на прекин на огнот во областа на хуманитарната мисија во Олешки се одржува. Немаше инциденти. Руската и украинската страна целосно ги исполнуваат своите обврски“, напиша исто така Лантратова на платформата „Макс“.

Комесарката исто така најави дека патува во тој град заедно со украинскиот омбудсман, Дмитриј Лубинец, за да ја координира хуманитарната операција. „На пат сме кон Олешки со комесарот на Врховната рада на Украина за човекови права, Дмитриј Лубинец. Заедно ја координираме реализацијата на договорите постигнати со посредување и координација на првата дама на САД, Меланија Трамп“, изјави таа.

Олешки се наоѓа на левиот брег на Днепар, спроти градот Херсон, кој е под контрола на украинските сили. Според руската страна, во градот настанала тешка хуманитарна ситуација поради дејствијата на украинската војска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер