Балкан

Вучиќ: Добро го познавам Путин, Србија ќе ги подготвува скривниците за нуклеарен напад

Претседателот на Република Србија, Александар Вучиќ вечерва се обрати до нацијата, каде меѓу другото зборуваше и за ситуацијата во Украина.

- И покрај сите напади успеавме да издржиме без промена на ставот, верувам дека имавме најодговорна политика. Денес е важно да се зборува за примирје и мир, бидејќи ова само нѐ води кон светска катастрофа, како што за жал предвидов. Денеска, областа Брјанск беше цел на ракети, пукањето на руска територија ќе продолжи. Секој следен чекор нѐ води до нуклеарен конфликт – рече претседателот, пренесе Курир.

Како што додаде, малкумина го познаваат Путин како тој, а знае дека рускиот претседател малку ќе се двоуми доколку безбедноста на Москва биде загрозена.

-На Запад ќе речат дека Путин игра игри, јас ќе кажам дека малку луѓе го познаваат како мене. Ниту се фалам со тоа, ниту се критикувам себеси, но кој мисли дека го нема видено Путин во животот. Тоа е како кога ќе ми кажат „Вучиќ е пред бегство од државата“, мора да е будала. Давам сѐ за Србија. Така велат за него „да се закани со празен пиштол ако е загрозена безбедноста на Москва и нејзините сили, ако нема излез, однапред можам да ви кажам дека нема да се двоуми ниту еден час“. Во овој момент сме целосно неподготвени, имаме 257 илјади места во скривниците. Треба да ја обновиме инфраструктурата за да дојдеме до бројката од околу милион и пол луѓе кои можат да одат во скривници. Ќе треба да разговараме со луѓе кои имаат теретани, перални, продавници... Секој во околината што може да биде мета, исто ни пишува како да сме ние.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска во Собранието ќе биде промовиран кодексот за етичко однесување на пратениците

Денеска во Собранието ќе биде промовиран кодексот за етичко однесување на пратениците, документ со кој се утврдуваат принципите и стандардите за однесување на избраните претставници во законодавниот дом.

Кодексот беше усвоен на 15 јуни годинава, а според претседателот на собранието, Африм Гаши, неговата цел е да воспостави јасни правила за етичко постапување и одговорност на пратениците во извршувањето на нивната функција.

На промотивниот настан воведни обраќања ќе имаат претседателот на собранието Африм Гаши, амбасадори и пратеници во рамки на настанот ќе се одржи и дискусија на тема „Од усвојување до примена – следни чекори“, посветена на практичната примена на новите етички стандарди во работата на пратениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Официјалните канали на белгискиот тим со порака до Трамп и Инфантино: -„Поништи го ова!“

Фудбалската репрезентација на САД во осминафиналето го заврши својот мундијалски сон за висок пласман на првенството на кое е кодомаќин.

Репрезентација на Белгија во осминафиналето синоќа ги совлада САД со убедливи 4:1 и обезбеди место меѓу осумте најдобри селекции на 23 Светски шампионат.

За Белгијците овој успех и триумф е уште посладок, ако се замат во предвид контроверзиите кои го следеа овој дуел уште пред неговиот почеток.

ФИФА под притисок на американскиот претседател Трамп му го поништи црвениот картон на напаѓачот на САД, Фоларин Балогун, кој го доби против БиХ и му дозволи да игра во осминафиналето.

Молбата од Трамп која првиот човек на ФИФА, Инфантино ја прифати предизвика без низ целиот свет кај скоро сите искрени љубители на буба-марата.

Секако успехот на Белгија во овој контроверзен меч предизвика хаос и на социјалните мрежи.

Официјалните канали на белгискиот тим на социјалните мрежи брзо испратија порака откако беше потврдена нивната победа од 4-1.

„Поништи го ова!“, пишуваше во објавите, по четвртиот гол кој го постигна Лукаку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Целосно реновирани две детски игралишта во Карпош

Во рамки на проектната активност за санација и реконструкција на урбаната опрема, Општина Карпош направи замена на старите и оштетени реквизити на уште две детски игралишта.

На детското игралиште кое се наоѓа на ул. Никола Парапунов обновени се клупите, поставени се нови лулашки и санирана е останатата урбана опрема во склоп на ова катче.

На детското игралиште кај Адреналинскиот парк, во близина на кејот на реката Вардар, се изврши фарбање на урбаните елементи, се зацврстија подлогите на лулашките, се реновирааа клацкалките, лизгалките, а се заменија и старите дотраени дрвни конструкции.

Општината продолжува со засилено темпо на реконструкција и реновирање на претходно мапирани оштетени детски игралишта, сè со цел да им се обезбеди пријатен и безбеден престој за дружба, забава и игра на карпошани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.