Балкан

Вучиќ: Датумот за преговори на Скопје и Тирана би бил добра вест

Српскиот претседател Александар Вучиќ смета дека добивањето датум за почеток на преговорите за членство во ЕУ на Албанија и Македонија би била добра вест за двете земји, за нивните граѓани, но и за Србија.

-Тоа би била добра вест за нив и за нивните граѓани. Барем би добиле одредена надеж, што е добро за нив. А она што е добро за нив, добро е и за нас, рече денеска Вучиќ на панелот „Западен Балкан: отстапување од ЕУ?” во Братислава, одговорајќи на прашањето на модераторката Валери Хопкинс, како гледа на европската интеграција на Албанија и Северна Македонија, кои чекаат датум за почеток на преговорите.

Според српскиот претседател, сите лидери на Западен Балкан сакаат нивните земји да влезат во Европската унија.

-Многу работи зависат од нас, но и нешто зависи и од желбата на Унијата. За тоа треба да се биде свесен, дополни Вучиќ.

Оцени и дека многу пречки треба да се отстранат. Во овој контекст истакна дека Србија и Македонија ќе воспостават заеднички граничен премин, што е многу важно. За ова, како што рече, разговарал и со претседателот и со премиерот на Македонија.

-Ова ќе стапи на сила за два месеца. Ќе го направиме и со другите соседи. Ќе биде добар чекор напред, кажа Вучиќ, изразувајќи подготвеност за формирање и царинска унија со цел на привлекување инвеститори.

Кога станува збор за европската интеграција на Србија, нашата најголема пречка е Косово, изјави Вучиќ, додавајќи дека во Извештајот на ЕК во врска со економијата немало забелешки, а тоа се однесувало на владеењето на правото, работата на Парламентот.

-Но, најважниот дел од Извештајот на ЕК е она што ќе биде со Косово и Приштина. Затоа секогаш сум за потенцијален договор помеѓу Белград и Приштина. Ако тоа го направиме, како блок на нации, територии, земји, многу тоа би можеле повеќе отколку денес. Но, има уште една работа која не зависи од нас, туку е желба на земјите на ЕУ, рече Вучиќ.

Црногорскиот претседател Мило Ѓукановиќ кој исто така учествуваше на панелот во Братислава изјави дека за него не постои план Б кога станува збор за Европската унија. Црна Гора стана членка на НАТО и е напредната во европската интеграција за разлика од другите земји. Предупреди дека Балканот мора да биде зона на одговорност на Европа, бидејќи е географски дел од Европа, но исто така и на европски систем на вредности, како и дека на геополитичката сцена има нови играчи.

-Кина и Русија ја бараат својата позиција на Балканот, а колку ќе добијат, зависи од тоа колку НАТО и ЕУ ќе им дадат. Затоа, јас ги повикувам НАТО и ЕУ да ја завршат својата работа во регионот, да престанат да повторуваат дека вратата е отворена. Ние во регионот ретко одиме на врата, повеќе одиме низ ѕид и за тоа плаќаме цена, кажа Ѓукановиќ, додавајќи дека е потребна јасна европска политика за земјите од Балканот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кристина Агилера гола во када: Интимни делови ги покри со еден детаљ

Светската музичка ѕвезда пејачката Кристина Агилера најави изненадување за Ноќта на вештерките преку провокативни фотографии, но сè уште нема откриено каков костим подготвува.

Американската пејачка Кристина Агилера повторно го привлече вниманието на социјалните мрежи. Овој пат, таа објави провокативна фотографија на која позира гола во када, покривајќи ги интимните делови од телото со емоџија во форма на духови.

Покрај објавата, пејачката напиша: „Подготовки за Ноќта на вештерките во последен момент“, наговестувајќи дека подготвува нов костим за претстојниот празник. Сепак, таа не откри во што планира да се маскира оваа година.

Фотографиите брзо предизвикаа бројни реакции кај нејзините следбеници. Додека некои упатија комплименти, други се пошегуваа на сметка на долгото чекање за нова музика.

„Се надевам дека овогодинешниот костим е поп-ѕвезда која наскоро ќе издаде нова музика“, напиша еден корисник на социјалните мрежи.

Агилера, која јавноста ја памети по хитови како „Genie in a Bottle“ и „Ain’t No Other Man“, го издаде својот последен албум со нови песни во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Советот на ЦБ на Црна Гора и ја одзеде лиценцата на Алта Пеј

На денешната седница, Советот на Централната банка на Црна Гора (CBCG) донесе одлука за одземање на овластувањето за давање платежни услуги на платежната институција „Alta Pay Group“ DOO Подгорица.

На денешната седница, Советот на Централната банка на Црна Гора (CBCG) донесе одлука за одземање на овластувањето за давање платежни услуги на платежната институција „Alta Pay Group“ DOO Подгорица, откако во спроведената постапка беше утврдено дека законски пропишаните услови за вршење на оваа дејност повеќе не се исполнети.

Одлуката е донесена во согласност со Законот за платен промет, врз основа на сеопфатна проценка за исполнетоста на регулаторните барања, вклучително и критериумите кои се однесуваат на подобноста на квалификуваниот учесник, како и на обезбедувањето стабилно, безбедно и законито работење на платежната институција. Од CBCG нагласуваат дека оваа одлука не претставува ризик за финансиската стабилност на Црна Гора, ниту пак влијае врз редовното функционирање на платниот систем.

„Alta Pay Group“ DOO Подгорица не е банка, не прима депозити од граѓани и правни лица и нема никакво влијание врз стабилноста на финансискиот систем на Црна Гора.

Централната банка навремено ги презеде сите неопходни активности во рамките на својата надлежност, со цел да се обезбеди уредно исполнување на обврските на „Alta Pay Group“ DOO Подгорица, имајќи ги предвид тековните случувања, како и да се заштитат интересите на корисниците.

Советот на ЦБЦГ потврдува дека финансискиот систем на Црна Гора е стабилен, а платниот промет функционира редовно и безбедно. Граѓаните и стопанството можат и понатаму да ги користат платежните услуги на банките и на другите овластени даватели на платежни услуги во Црна Гора.

Централната банка ќе продолжи одговорно, навремено и транспарентно да ја информира јавноста за сите прашања од значење за безбедноста на платниот промет и стабилноста на финансискиот систем.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Брвеница заслужува проекти, а не поделби: Волјата на граѓаните ја почитуваме, поддршката од Владата продолжува

Голема благодарност до секој еден жител на општина Брвеница кој го даде својот глас за нашиот кандидат Стојанчо Радичевски, кој во својата програма вети подобра иднина, повеќе инфраструктурни проекти и нови улици, наспроти поделбите по етничка линија од страна на ДУИ, директно и индиректно поддржана во вториот круг од СДС, политичката партија Левица и ВРЕДИ.

Додека ние ја потенциравме силата на единството, за една Брвеница за сите, нашите опоненти максимално го искористија национализмот и повикаа гласањето да биде врз основа на етничка припадност, а не врз основа на програма, визија и проекти.

По овие избори, граѓаните, Македонци и Албанци, ќе очекуваат проекти, а не национализам. Ќе очекуваат резултати, а не демагогија за тоа од која политичка партија доаѓа градоначалникот.

За нас резултатот е повеќе од одличен, затоа што, споредено со последните парламентарни избори, имаме 1.300 гласови повеќе. Иако тоа не беше доволно за победа, ВМРО-ДПМНЕ бележи раст во бројот на освоени гласови.

Почитувани граѓани,

Во првиот круг од овие предвремени локални избори, апсолутно ги декласиравме нашите директни опоненти, СДС и политичката партија Левица, кои беа на четвртото и петтото место на изборите.

Жалиме што ВРЕДИ во Брвеница ја пропушти можноста да биде поразличен од ДУИ, исто како што се покажа и дека кандидатите на СДС и Левица беа тројански коњ во корист на ДУИ, за да ги трошат гласовите на гласачкото тело.

Сами против сите.

Го почитуваме резултатот, а волјата на граѓаните е неприкосновена.

Сепак, Брвеница нема да биде заборавена. Владата, предводена од премиерот Мицкоски, ќе продолжи да го помага и да вложува во развојот на Брвеница.

Валентин Манасиевски, портпарол на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.