Автомобилизам

Вртоглав пад на продажбата на луксузни автомобили во Русија

Во јули се продадени 84% помалку луксузни возила отколку во истиот месец од 2021 година.

Западните санкции сериозно ја потресоа руската автомобилска индустрија, но тие особено се одразија на трговијата со скапи автомобили. Како што пишува „Autostat.ru“, во Русија во јули 2022 година се продадени само 16 луксузни автомобили, што претставува пад од 84% на годишно ниво, ако се земе предвид дека во истиот месец минатата година биле испорачани 103 такви возила.

Истиот извор наведува дека веќе трет месец по ред на рускиот пазар месечно се продаваат помалку од 20 скапи автомобили.

Во јули, богатите Руси купиле 5 автомобили „Ferrari“, по 3 „Bentley“ и „Rolls-Royce“, 2 „Aurus“ (руска марка на луксузни автомобили), испорачани се и по еден „Aston Martin“, „Lamborghini“ и „Maserati“.

Во периодот јануари-јули 2022 година, во Русија се продадени 256 нови луксузни возила, за половина помалку од минатата година, кога во истиот период беа испорачани 511 вакви автомобили.

Свет

Петчлено семејство од Оклахома, меѓу кои и две деца, се убиени во нивниот дом

Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.

Получникот Гери Најт од полицијата на државата Оклахома изјавил дека загинатите биле семејство и умреле од насилна смрт, пренесува ABC News.

Најт додаде дека полицијата сè уште не може да открие што точно пронашле инспекторите.

Полицијата била испратена во дом на околу 20 милји западно од центарот на Оклахома Сити под сомнение дека има тела, рече Најт.

Според него, на сите тела имало повреди кои изгледаат како да се работи за убиство.

Кошарка

Хаос во Денвер: Брат му на Јокиќ претепа навивач во публиката (ВИДЕО)

Кошаркарите на Денвер Нагетс и во вториот меч во плејоф серијата славеа против Лос Анџелес Лејкерс, овојпат со 101:99, со што дојдоа до водство од 2:0 и комплетно го одбранија домашниот терен од исто толку натпревари.

Кошаркарите на Денвер Нагетс и во вториот меч во плејоф серијата славеа против Лос Анџелес Лејкерс, овојпат со 101:99, со што дојдоа до водство од 2:0 и комплетно го одбранија домашниот терен од исто толку натпревари, но вистинскиот хаос беше виден на трибините во режија на браќата на Никола Јокиќ.

Имено, на видеото кое се појави на социјалните мрежи може да се видат браќата на Јокиќ кои се во клинч со навивач, не се знае дали се работи за навивач на Нагетс или Лејкерс, но таму било и семејството на Јокиќ.

Страхиња Јокиќ, постариот брат на Никола, во еден момент жестоко се скарал со некој од трибините, тргнал кон него, а потоа го удрил со бокс.

Вториот брат на Јокиќ веднаш дошол да го смири Страхиња, а таму биле и сопругата на Никола, Наталија и ќерката Огњена, кои веднаш заминале.

@cgallegos67 #nuggets #nba #lakers #jokic ♬ original sound - Christian

Регион

Млад странски работник е убиен во Хрватска, најверојатно Украинец

Во центарот на Славонски Брод попладнево било пронајдено машко тело.

Полициската управа Брод-Посавина соопшти дека е приведено едно лице поврзано со инцидентот, објави Индекс.

Danas.hr дознава дека се работи за млад градежен работник од Украина. Тие наведуваат и дека конфликтот се случил во стан во центарот на градот каде што биле сместени работниците (родени во 90-тите).

За потсетување, полицијата соопшти дека околу 15:17 часот во куќата било пронајдено тело на маж и дека се води истрага, а потоа и кривична истрага која треба да ги расветли сите околности.

притисни ентер