Македонија

Врховен ги прифатил жалбите на разрешените судии од Апелација, бараат Судскиот совет да ја повтори постапката

Судскиот совет да ги почитува насоките од Врховниот суд кој ги прифати жалбите на разрешените судии од скопска Апелација и го врати предметот на повторно одлучување.

Судскиот совет да ги почитува насоките од Врховниот суд кој ги прифати жалбите на разрешените судии од скопска Апелација и го врати предметот на повторно одлучување – бара Нашата Савовска Димитровска, една од разрешените судијки која учествувала во носењето на пресудата со која Македонски Телеком изгубил судски спор за надомест на штета од правосилно утврдена злоупотреба на монополска положба.

Врховен му укажал на Судскиот совет, вели Савовска, да донесе решение за изземање на членот на советот Тања Чачарова Илиевска, која е подносител на барањето за утврдување на одговорност на судиите, бидејќи како што вели, негирала дека има судир на интереси - вршела функција претседавач на собранието на акционери на Македонски Телеком.

-Врховен му укажа на Судски совет дека е должен да донесе решение за изземање на овој член на Судскиот совет бидејќи кон барањето за изземање се доставени писмени докази за судир на интереси за обавување на ваквата функција од страна на Македонски Телеком овој член на Судскиот совет меѓу другото добивал и паричен надоместок. Тоа и те како зборува дека истата била пристрасна според мене во нејзиното постапување како носител на функција член на Судскиот совет,- изјави – Наташа Савовска Димитровска – Судија

Нејзиниот адвокат ги нарече шпекулации наводите дека вршела притисоци врз колешките со кои одлучувале во предметот, како и наводите дека имало двоен записник, со тврдење дека во предметот има еден единствен записник потпишан од сите членови на советот.

-Единствен притисок пријавен во Судскиот совет и пред надлежни органи е од судијата Наташа, за тоа се доставени докази во судскиот совет за барање за бришење на веќе донесена пресуда и тој притисок е пријавен уште со самото барање за дисциплинска постапка и постапката поврзана со тоа е во тек.- изјави – Ѓорѓе Поп Кочев – Адвокат.

Друга посериозна повреда која ја утврдил Врховен, вели Савовска, е дека надвор од своите надлежности Судскиот совет се впуштил во оценка на законитост на пресуда. Според неа ова е директно мешање во независноста на вршењето на судиската функција..

-После оваа донесена одлука на Судскиот совет се чувствува страв кај судиите да одлучуваат врз основа на закон и докази, затоа што иако треба да се сите еднакви пред законот доколку една од странките е некоја моќна компанија, истите врз основа на овој наш случај како што е примерот со мене како судија, можат да се соочат со водење на постапка и евентуално нивно разрешување, што е недозволиво и мислам дека директно е загрозена независноста на судската власт,- изјави – Наташа Савовска Димитровска – Судија.

Савовска вели и дека злоупотребата на монополската положба не ја утврдила Апелација, туку Комисијата за заштита на конкуренцијата по што следувале пресудите на Управен и Виш Управен суд. А висината на штетата од над два милиони евра која Телеком треба да ја исплати на штипската фирма Фокус нет ја пресметале вештаци.

Во повторената постапка пред Судски совет за разрешувањето, Савовска очекува одлука базирана на закон без како што рече притисоци од центри на моќ. Од Советот и посочениот член на советот, Чачарова Илиевска, засега нема никаков коментар.

Тагови: Судски совет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

🍑 Romania has butt-slapping competitions Romanian promotion RXF even has a separate discipline called Booty Slap: contestants take turns slapping each other on the butt, with the winner decided by the force and effect of the hits. So… where do you sign up to be a judge?
— NEXTA (@nexta_tv) September 16, 2026

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.