Култура

Вратите на велешкиот Народен музеј отворени, ама ретко кој го посетува

Вратите на велешкиот Народен музеј и Спомен куќите на Рацин, на Главинов, Џинот и останатите отворени, ама ретко кој ги посетува

За време на пандемијата со Ковид 19 вратите на Народниот музеј, на Спомен куќите на Коста Солев Рацин, на Васил Главинов, на Јордан Хаџи Константинов Џинот, на Касапови, на Спомен костурницата од НОВ и Ликовниот Салон и останатите во Велес, како и спомен куќи од НОВ во историското Горно Врановци, а кои се под ингеренции на Локалната установа Народен музеј, цело време се отворени за посетителите со исклучок лани март- мај на почетокот на пандемијата, но ретко кој ги посетува како пред пандемијата, информира за МИА, Марин Клифов в.д директор на оваа установа.

За споредба, Спомен куќата на поетот и револуционер Коста Солев Рацин познат во светот по својата стихозбирка „Бели Мугри" чија спомен куќа е еден од главните симболи на Велес и е многу посетена од групи и ученици и за разни културни манифестации и за Рациновите средби лани едвај ја посетиле 100-тина, а од почетокот на годинава само 50-тина посетители. За споредба во 2019 година имало околу 1800 посетители од земјава и странство.

-Посетителите се ретки, а кога има посети ние како установа ги применуваме сите протоколи за заштита од Ковид, што ги пропиша надлежното Министерство за здравство. Но за жал пандемијата си го направи своето, поради затворање на училиштата со онлајн настава и ги нема учениците кои доаѓаа преку училиште преку екскурзии. Ретки се и посетителите од странство, а кои во изминатите години ги имаше од многу земји од Европа и светот. Посетители беа и случајни минувачи и туристи како и посетители и официјални делагации кои го посетуваат Велес.Најмногу од Франција, Германија, Австрија и секако од нашите соседи и други земји, информира Клифов.

Тој очекува деновиве со стишување на овој бран на пандемијата на Ковид и олабавување на мерките во престојното лето да се вратат посетителите на овие Спомен куќи и Народниот музеј, Спомен костурницата и останатите објекти под нивна ингеренција.

Во Спомен куќата на Коста Солев Рацин најинтересни за посетителите посебно на учениците е грнчарско колце на кое грнчари во работилницата на приземјето заедно со неговото семејство изработувал и самиот Рацин и на спратот неговите предметите, неговата соба и собата на неговото семејство и многу документи и фотографии.

Тој информира дека сите кои сакаат да ги посетат Спомен куќите во Велес треба претходно да се најават во Народниот музеј .

Инаку зградата на Народниот музеј во Велес која во 2005 година која тогаш по повод 60 години од постоењето на Нарадниот музеј беше целосно реновирана заедно со постановките археолошката, етно и историската, за време на пандемијата е ретко посетена, лани околу стотина годинава 50 – тина посетители. За споредба во 2019, имало над илјада посетители.

Воедно археолошката поставка во приземјето на зградата, која беше обновена во 2005 година, а која моментално е затворена поради поплавата од пред две години оваа лето повторно ќе биде обновена и пуштена за посетителите.

-Поради влага во приземјето и поплавата од атмосферските води во приземјето каде што е археолошката постановка, а која се случи пред две години и оттогаш приземјето е затворено за посетителите. Но ние со сопствени средства во наредните месеци планираме да ги реновираме просториите и да ја обновиме археолошката постановка, а која опфаќа праисторија и антика, најави Клифов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО: Топлотните бранови можат да го зголемат ризикот од предвремено породување за 26%

Ризикот од предвремено породување значително се зголемува кога бремените жени се изложени на топлотни бранови, предупреди Светската здравствена организација (СЗО) во извештајот објавен денес.

СЗО се повикува на студија од 2024 година, објавена во научното списание „Nature“, која укажува дека изложеноста на топлотни бранови може да го зголеми ризикот од предвремено породување за дури 26 отсто.

Истата студија покажува дека изложеноста на екстремни горештини за време на бременоста, исто така, го зголемува ризикот од мртвороденост, вродени аномалии кај новороденчињата и гестациски дијабетес – форма на дијабетес што се јавува за време на бременоста.

Според податоците на СЗО, доенчињата во 2024 година биле изложени на топлотни бранови речиси пет пати почесто отколку децата родени помеѓу 1986 и 2005 година. „На глобално ниво, се проценува дека 1,5 милијарди деца се изложени на топлотни бранови кои стануваат сè почести, подолготрајни или поинтензивни“, се наведува во извештајот.

Што им советува СЗО на бремените жени?

Светската здравствена организација препорачува бремените жени да внесуваат доволно течности за време на периоди со екстремни горештини, по потреба да ги ладат вратот и стапалата со влажни крпи и – секогаш кога е можно – да ги планираат своите активности за постудените делови од денот. СЗО, исто така, ги повикува здравствените власти да воспостават системи за рано предупредување за екстремни горештини и да преземат дополнителни мерки за подобро информирање на семејствата за потенцијалните ризици. Во извештајот се предупредува дека здравствените системи мора да се подготват за обезбедување грижа за поголем број бремени жени и доенчиња, бидејќи бројот на денови со екстремно високи температури е во пораст. СЗО исто така ја нагласува потребата од собирање повеќе податоци на сите нивоа, што ќе им овозможи на властите попрецизно да проценат кои здравствени ризици се зголемуваат и во која мера.

Фото: ВИ

Извор: Индекс.хр

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна авион „Су-30“ (ВИДЕО)

Воениот авион „Су-30“ се урна денес во Калининградската област за време на тренажен лет.

Екипажот се катапултирал, а животите на пилотите не се во опасност, соопшти руското Министерство за одбрана.

„Денес, на 21 октомври, авион ’Су-30‘ се урна за време на планиран тренажен лет во Калининградската област“, се наведува во соопштението на Министерството, пренесено од агенцијата „РИА Новости“.

Од агенцијата посочуваат дека екипажот се катапултирал и веќе е пронајден од копнен тим за потрага и спасување.

Наведено е дека животите на пилотите не се загрозени.

Russian Sukhoi Su-30SM fighter jet crashed near the town of Chernyakhovsk located in Russia's Kaliningrad Oblast on Wednesday afternoon. According to reports, the two crew-members managed to eject before the plane impacted the ground. They were later transferred to a medical facility with some wounds. Presumably, the airframe belonged to the 4th Guards Naval Assault Aviation Regiment of the Baltic Fleet, with home-base at the nearby Chernyakhovsk Air Base. (Su-30 photo is for illustration purposes only and might not represent the actual airframe lost in the accident)
— Status-6 (@Archer83Able) October 21, 2026

„Авионот се урна во ненаселена област. Летот се одвиваше без муниција“, се додава во соопштението.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин.

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.