Вработени во „Твитер“ поднесоа колективна тужба против Илон Маск - Канал 5

Живот

Вработени во „Твитер“ поднесоа колективна тужба против Илон Маск

Вработени во „Твитер“ поднесоа колективна тужба против компанијата откако новиот сопственик на социјалната мрежа, Илон Маск, преку електронска пошта ги известил дека ќе се соочат со отпуштања.

Вработени во „Твитер“ поднесоа колективна тужба против Илон Маск

Вработени во „Твитер“ почнале да објавуваат на платформата дека нивните официјални налози за електронска пошта веќе биле затворени пред планираните отпуштања, објави „Си-Ен-Ен“. Други споделуваат сини срца и емотикони, илустративно опишувајќи го збогувањето со компанијата.

Во тужбата се наведува дека компанијата „Твитер“ го прекршила федералниот Закон за прилагодување и преквалификација на работници бидејќи веќе отпуштил некои од своите вработени.

„Твитер“ вработуваше речиси 7.500 луѓе пред Маск да ја преземе компанијата.

Односниот Закон му налага на работодавачот доколку има повеќе од сто вработени, да ги извести однапред 60 дена за отказното решение, доколку се работи за масовно отпуштање на повеќе од 50 вработени од иста филијала.

Најбогатиот човек на светот јасно стави до знаење дека го смета Законот за труд за „тривијален“

„Ја поднесовме оваа федерална тужба за да се осигураме дека ’Твитер’ ќе биде прогласен за виновен според нашите закони и да спречиме вработени несвесно да потпишуваат откази“, изјави за „Си-Ен-Ен“ Шенон Лис-Риордан, правниот застапник на подносителите на тужбата.

Американскиот милијардер го започна својот мандат во „Твитер“ со отпуштање на извршниот директор Параг Агравал и уште двајца директори. За помалку од недела дена Маск го распушти и претходниот Одбор на директори во компанијата, така што се чини дека менаџерскиот тим во „Твитер“ е целосно „исчистен“ со отпуштања и оставки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма на германски аеродром: Откриена дупка во оградата – некои летови откажани

Безбедносната ограда е пробиена на аеродромот во Лајпциг преку ноќ, а полицијата верува дека непознат автомобил влегол на аеродромскиот терен покрај руските товарни авиони „Антонов“ паркирани таму.

Драма на германски аеродром: Откриена дупка во оградата – некои летови откажани

Дупката во оградата е откриена околу 23 часот во саботата, соопшти полицијата, а портпаролката на полицијата Тереза ​​Леверенц изјави дека летовите на северната страна од аеродромот се откажани по инцидентот, објави „Билд“, забележувајќи дека бројни товарни авиони на „Амазон“ морале да слетаат на јужната писта на аеродромот во Лајпциг.

„Многу е веројатно дека возило ја пробило оградата. Сепак, за време на пребарувањето на областа преку ноќ, ниту возилото ниту неовластени лица не се пронајдени во аеродромскиот простор. Пребарувањето ќе продолжи денес, а северната писта останува затворена за воздушен сообраќај“, рече Леверенц.

Во август, истражителите открија дрон натоварен со експлозив во близина на аеродромската писта, настан за кој германските власти подоцна ја обвинија Русија, објави „Ројтерс“.

Русија ги негираше обвинувањата.

Фото: ВИ

Тагови: аеродром Германија драма

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода 18 годишен кумановец, при претрес во дом пронајдено оружје, следува пријава

На 17.10.2026 во 19:15 часот полициски службеници од СВР Куманово го лишија од слобода Р.Д. (18) од Куманово. 

Лишен од слобода 18 годишен кумановец, при претрес во дом пронајдено оружје, следува пријава

При претрес во неговиот дом извршен по судска наредба биле пронајдени автоматска пушка, рамки од автоматска пушка со 44 куршуми, испукана чаура, рачно изработена направа поврзана со тајмер и батерија. По целосно документирање на случајот против него ќе следува соодветна пријава.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем пожар во канадска воена база: Има загинати (ВИДЕО)

Голем пожар во воена база во канадскиот град Вејнрајт уби непознат број луѓе, објави денес локалната општинска власт во тој град.

Голем пожар во канадска воена база: Има загинати (ВИДЕО)

Беше објавено дека пожарот е предизвикан од „сериозен инцидент“, а надлежните служби сè уште работат на локализирање на пожарот, објавува „CNN“.

Пожарот започнал во базата во Вејнрајт, град во источниот дел на покраината Алберта, и брзо се проширил поради силните ветрови, соопшти општината во објава на Фејсбук.

Повикот за помош дошол околу 16:00 часот, соопшти Кралската канадска коњичка полиција во Вејнрајт, а канадскиот министер за одбрана Дејвид Мекгинти потврди дека има и смртни случаи и повредени, без да даде детали.

„Пожарот на терен сè уште не е изгаснат и наскоро ќе биде покрената истрага“, додаде тој.

Канадската воена база Вејнрајт, која се наоѓа околу 210 километри југоисточно од главниот град на покраината Едмонтон, е една од најпрометните воени бази во земјата, наведено е на веб-страницата на владата.

Болниците преполни

Лекар во болница во градот Едмонтон, кој се наоѓа 180 километри северозападно од Вејнрајт, изјави за канадскиот национален јавен сервис дека пациентите се носат во болниците низ градот бидејќи здравствените установи во градот се „целосно преоптоварени“ со бројот на луѓе на кои им е потребна нега, објави Скај њуз.

„Овој број на пациенти би го преоптоварил градот Едмонтон“, изјави за „CBC News“ д-р Ворен Тирск, лекар од итна помош во болницата Ројал Александра.

„Ова е повеќе пациенти отколку што би сакал да изброи кој било од нас во овој момент. Тоа е катастрофа. Ова е катастрофа што се случува еднаш на секои 15 до 25 години.“

Тагови: канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер