Свет

Возачот на камионот на смртта е обвинет за убиство на 39 луѓе

Возачот на камионот- ладилник , каде беа пронајдени телата на 39 мажи и жени , е обвинет за убиство.

Станува збор за Морис Робинсон, 25-годишен возач, кој беше уапсен веднаш по пронаоѓањето на телата.

Тој е обвинет и за организиран шверц на луѓе, организирање нелегална имиграција и перење пари.

Телата беа пронајдени во 01:40 часот по британско време во средата. По разните информации што се појавија, полицијата откри дека приколката пристигнала во Велика Британија одделно од предниот дел на камионот. Ладилникот пристигнал од Северна Ирска , а влегол во Велика Британија преку пристаништето Хилхед во неделата, изјави портпарол на полицијата во Есекс.

Приколката на камионот пристигнала од Белгија, а белгиското обвинителство објави дека поминала кратко време во таа земја, по трасата до пристаништето Зибриг. Јоаким Коунс, шеф на белгиското пристаниште, рече дека е малку веројатно луѓето да влегле таму во приколката. Тој рече дека приколката е запечатена во пристаништето и дека се проверувала.

Инспекторите потврдија дека приколката на камионот пристигнала во англиското пристаниште Пурфлет околу 00:30 часот.

Камионот со приколката, управуван од Робертсон, го напуштила пристаништето околу 1:05 часот и се движел само пет минути до дестинацијата од три километри во индустриската област во Есекс.

Робинсон само пет минути управувал со камионот, а едно од прашањата што истражителите сигурно го барале во истрагата е зошто доаѓал од Северна Ирска за да ја транспортирал приколката само три милји . Единствено може да се претпостави дека истражителите откриле доволно сомневање дека Робинсон бил вмешан во трговија со луѓе.Половина час подоцна, кога Робинсон го паркирал камионот во индустриско подрачје, телата биле откриени, а сè уште е нејасно каде оделе несреќните луѓе од приколката. Сè уште е неизвесно од која националност се жртвите, но се сомнева дека станува збор за виетнамски, а не кинески државјани , како што беше речено на почетокот на иострагата.

Не се знае што точно ја предизвикало нивната смрт и дали се замрзнале, задушиле или нешто друго. Да потсетиме дека еден пријател на возачот им кажал на британските медиуми дека Робинсон изјавил дека не знаел за луѓе во ладилникот и дека кога го отворил ,веднаш повикал полиција, но оваа верзија никогаш не била потврдена од официјални извори.

Денеска е уапсено и петто лице, поврзано со смртта на 39те жртви , додека досега се уапсени четворица.

Главниот инспектор Мартин Пасмор го остави отворено прашањето за националноста на жртвите, но се повеќе се сомнева дека станува збор за луѓе од Виетнам.

VietHome, организација која ја претставува виетнамската заедница во Велика Британија, соопшти дека примила фотографии од 20- тина лица чие исчезнување е пријавено.

Свештеникот Ентони Данг Ху Нам од Виетнам изјави дека му било кажано дека повеќе од 100 луѓе ја напуштиле покраината Јен Тан во потрага по нов живот во Европа.

Главниот инспектор Пасмор, кој го води процесот на идентификација на жртвите во Есекс, рече дека телата биле извадени од фрижидерот и биле пренесени во болницата „Бормфилд“ во Челмсфорд.

Тој рече дека жртвите имаат многу малку документи со себе, така што истражителите мора да се потпираат на отпечатоци од прсти, тетоважи и лузни.

Македонија

Коалицијата „Вреди“ во Тетово ја презентираше програмата „План 2030“

 „Вреди“ во Тетово ја презентираше програмата „План 2030“, ветуваат минимална плата од 800 евра

Нов устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата се дел од десетте точки на изборната програма „План 2030“ на Коалицијата „Вреди“.

Коалицијата денеска во Тетово ја презентираше изборната програма со која се предвидува и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител.

Десетте точки од „План 2030“ ги презентираа носителите на листите во изборните единици.

- Ние сме сигурни дека ја имаме најдобрата листа, имаме листа која ќе ги направи промените. Исто така, нашата програма се однесува на економскиот развој, интегрирање на државата во Европската Унија, како и на подобрување на меѓуетничките односи, подобрување на правата на албанците кои ги претставуваме. Сигурни сме дека на 8 мај оваа листа, и оваа програма ќе биде победничка и после 8 мај ќе биде дел од владината коалиција, истакна Биљал Касами, носител на листата во ИЕ6 и претседател на Движење Беса.

На новинарско прашање кој кандидат ќе се поддржи во вториот круг од изборот за претседател, Арбен Таравари, истакна дека нема дефинитивна одлука и таа ќе биде донесена во текот на наредните денови.

За можното коалицирање со ВМРО ДПМНЕ за состав на Влада, Биљал Касами рече дека се подготвени за разговор.

- Кажуваме дека сме подготвени да седнеме да разговараме за составување на идната влада со тоа што цениме дека сме единствени претставници на Албанците затоа што сме единствена коалиција која ги претставува Албанците, рече Касами.

Здравје

Нови 27 случаи на голема кашлица, најмногу деца од 10 до 14 години

Иако за една недела има намалување на бројот на ново заболени со голема кашлица, докторите и денеска на одбележувањето на европаската недела на измунизација едногласни во поракта до родителите, навреме да ги вакцинираат совите деца. 

Според последните податоци од Институтот за јавно здравје, изминатата недела регистирирани се 27 нови случаи со пертусис, и четири нови хоспитализации, а најголем број од новозаболените се на возраст од 10 до 14 години. Заклучно со 25 април, во државава се регистрирани вкупно 516 случаи.

Иако според последните податоци од здравствените власти, има раст во бројот на вакцинирани деца со речиси сите вакцин, докторите велат далеку сме од препорачаните 95 % на имунизација на национално ниво.

„Прв пат од ваков тип теренска вакцинација каде се вклучени сите здравствени домови и се планира да посетат повќее од 3 000 семејства, фокусот е даден на вакцинација со вакцини кои имаат копмонента на пертусис, поради зголемениот број моментално со голема кашлица. Како и за вакцини со МРП вакцина, бидејќи станува збор за едно заразно заболување а за жал имаме далеку од потребниот опфат од вакцинација... “-изјави Бранка Величковска Тенева – министерство за здравство.

Со порака родителите навреме да ги вакцинираат своите деца, со цел создавање на колективен имунитет испратија и од УНИЦЕФ. Велат земјата мора да оди напред во процесот на имунизација, а граѓаните да внимаваат какви информации добиваат.

Граѓаните велат не дозволиво е во 21 век да имаме епидемија за болест за која имаме вакцина.

По прогласувањето на епидемија на голема кашлица на територија на Скопје, здравствените власти препорачаа во градинките се примаат само деца кои изминативе шест месеци имаат примено три дози од Ди Те Пер вакцината, под услов во следните 6 да примат и ревакцина. Но согласно насоките на Државниот здравствен и санитарен инспекторат, оние деца кои имаат закажан термин за ревакцина по истекот на 6 месечниот период и натаму не смеаат да посетуваат градинка, мора да ја чекаат ревакцината.

Фудбал

Варан го напушта Манчестер јунајтед

Варан е дел од Манчестер Јунајтед од 2021 година, кога дојде како засилување од Реал Мадрид.

Дефанзивецот Рафаел Варан е подготвен да го напушти Манчестер Јунајтед на крајот од сезоната кога ќе му истече актуелниот договор, а клупското раководство е сè поблиску до одлука да му дозволи на 31-годишниот фудбалер да си замине како слободен играч на лето, пренесува денеска Би-Би-Си.

Варан е дел од Манчестер Јунајтед од 2021 година, кога дојде како засилување од Реал Мадрид.

Тренерот на Јунајтед, Ерик тен Хаг, вчера изјави оти се надева дека дефанзивецот ќе биде подготвен за настап за денешниот домашен натпревар против Барнли во 35. коло од Премиер лигата.

Јунајтед е шестопласиран на табелата во Премиер лигата со 53 бодови.

притисни ентер