Волстрит журнал: СЕК исплати рекордни 279 милиони долари награда на поткажувач

СЕК исплати рекордни 279 милиони долари награда на поткажувач за случајот со поткупите на компанијата „Ериксон“.

Рекордни 297 милиони долари награда на Комисијата за хартии од вредност и тргувања на берзи (СЕК) биле дадени на поткажувач а поврзано со случајот на странски коруптивни практики против телекомуникациската компанија „Ерискон“, јави денеска Волстрит журнал.

СЕК на 5 мај објави дека е доделена рекордна сума пари во висина од 297 милиони долари на извор кој помогнал да се открие криминална шема со корпција, без детали за каква истрага станува збор и без именување на информаторот кој ја добил наградата, почитувајќи ги правилата за заштита на свиркачите.

Во 2019 година шведската компанија постигна спогодба со американските власти за исплата на казна од 1.1 милијарда долари, а поради прекршување на антикорупциските закони на САД, јави весникот, повикувајќи се на свои извори. Исплатата е една од највисоките досега, а во однос на Законот за странски коруптивни практики, американски антикорупциски закон што забранува давање мито на официјални лица од други земји за освојување бизнис.

Обвинителите од јужниот округ на Њујорк во Менхетен подигнаа тужби против „Ериксон“ поради тоа што компанијата од 2000 до 2016 година водела незаконските дејствија во Џибути, Кина, Виетнам, Кувајт и Индонезија. Во обвинителниот акт е истакнато дека подружници на „Ериксон“ правеле бизнис зделки во овие земји вредни 427 милиони долари, а со употреба на трети страни кои поткупувале официјални лица од Саудиска Арабија, Кина и Џибути.

Волстрит журнал јави дека американските власти моментално водат истрага за историските операции на компанијата и во Ирак. „Ериксон“ соопшти дека соработува со истрагата.

Според правилата на СЕК, поткажувачот може да добие награда од 10 до 30 отсто од казните исплатени од осудените компании, а по успешна акција на безбедносните служби како резултат на исправноста на предадените информации. За да се добие таква награда, минималната сума исплатени казни треба да биде барем еден милион долари.

Исплатената награда од 279 милиони долари доаѓа по наградата вредна 118 милиони долари исплатена од СЕК во 2020 година во друго кривично дело.

Олмо е трансфер цел на Манчестер сити

Шпанскиот фудбалски репрезентативец Дани Олмо е трансфер цел на англискиот шампион Манчестер Сити во летниот преоден рок, пренесува весникот „Мундо Депортиво“.

Олмо се поврзува со враќање во Барселона, но каталонскиот гигант не е во поволна финансиска позиција да ја плати откупната клаузула од 60 милиони евра на неговиот сегашен тим РБ Лајпциг.

Интерес за 26-годишниот шпански напаѓач покажуваат и други европски тимови, вклучувајќи ги ПСЖ и Баерн Минхен, но Сити, според медиуми, во моментов е фаворит за негов потпис.

Клучен фактор за иднината на шпанскиот фудбалер ќе биде и фактот дека откупната клаузула во неговиот договор важи до 15 јули.

Јанчев: 81 година од стрелањето на 12те ваташки младинци

Со положување на цвеќе и пригодна културно уметничка програма им беше оддадена почит на 12те ваташки младинци.

81 година од стрелањето на 12те ваташки младинци.

Со положување на цвеќе и пригодна културно уметничка програма им беше оддадена почит на 12те ваташки младинци.

Со свој говор кон присутните се обрати и градоначалникот Митко Јанчев:

"Почитувани присутни,

Од 15 до 28 години имаа 12те млади ваташани кои на 16ти јуни далечната 1943та година на исклучително бесчувствителен и ѕверски начин ги изгубија своите животи, токму на ова место каде што сме денес.

Ако се навратиме 7 години наназад. Сигурно сите се сеќаваме во каква состојба беше оваа локација. Го реконструиравме споменикот, хортикултурно го уредивме целиот простор, го опремивме со урбана опрема. Денес ова е едно од омилените излетнички места на младите и децата.

Изминатата година ги поставивме 12 те бисти на 12те ваташки младинци и ја отворивме спомен собата во нивна чест.

Сето ова е најмалку што можеме да направиме за нивната дадена жртва, за нивниот даден живот за нашата Македонија.

"Смртта стана немоќна пред нашата младост исправена, пред очите наши загледани уште тоа утро во иднината."

Овие зборови се испишани на овој споменик да сведочат за овој крвав злочин.

Никогаш да не ги заборавиме страдањата на овие 12 младинци, никогаш да не заборавиме дека тие, својот живот го дадоа за ова што сме ние денес. За слободата која денес ја имаме.

Слава им. ", истакна Јанчев во својот говор.

АМСМ: Интензитетот на сообраќај надвор од градските средини е умерен

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, стои во соопштението од АМСМ.

притисни ентер