Вториот круг од изборите ќе се одржат на 24 ноември. Романските медиуми известуваат за резултатите од излезната анкета според која актуелниот претседател Јоанис доби 39%, а Данчила 22,5% од гласовите.
Анкетите претходно ја предвидуваа победата на 60-годишниот Јоанис, централно-десничарски политичар, поранешен професор по физика и член на германското малцинство, кој ги поддржува европските вредности.
Данчила е поранешен премиер од редовите на социјалдемократите, која неодамна беше соборена од парламентот и критичарите ја сметаат за марионета на Ливио Драгне, најмоќниот човек во својата партија, кој заврши во затвор во мај поради корупција.
Зад Јоанис и Данчила е Дан Барна, лидер на младата проевропска партија Алијанса за спас на Романија, со 16,4 проценти, и поранешниот актер Мирчеа Дијакону со 7,9 проценти, покажуваат излезните анкети.
Податоците од Изборната комисија покажуваат дека 48% од гласачите излегле на изборите, со рекорден одѕив на дијаспората, чии резултати не влегуваат во излезните анкети.