Откритието се случило за време на реновирањето на зградата од 1913 година, поранешниот дом на семејството Јуенглинг, основачи на најстарата американска пиварница.

Како е направено откритието

Марли Микович, извршен директор на Историската вила Јуенглинг и Уметничкиот совет на округот Шујлкил, рече дека сè се случило по Божиќ. Иако се знаело каде е бањата, со децении никој не видел што останало зад ѕидот.

„Знаевме дека таму има бања, главната бања на г-дин и г-ѓа Јуенглинг, но немавме поим што има зад ѕидот“, рече Микович.

Кога куќата била претворена од приватна резиденција во комерцијална зграда, излезот за пожар минувал низ собата и го затворал поголемиот дел од бањата, која останала недопрена од 1980-тите.

Тотален шок

Тимот не очекуваше ништо посебно, но кога го отворија ѕидот, беа изненадени. „Бевме во целосен шок“, рече Микович. „Секогаш имало шпекулации за тоа што друго може да се крие во вилата, но никогаш не сонувавме дека ќе најдеме елементи како што се туш кабина што личи на ребра или прекрасни подни плочки со мотив на растенија.“

Организацијата имала историски планови на подот каде што биле нацртани само тушот, мијалникот и тоалетот. Тоа што оригиналните, богато украсени детали преживеале сите овие години беше големо изненадување.

Она што следува

Денес, никој не живее во вилата. Наместо тоа, таа функционира како непрофитен уметнички центар каде што локалните уметници изнајмуваат студија, а инструкторите предаваат пијано, пеење и фотографија.

„Вилата првично била дом на Френк Јуенглинг, сопственик од трета генерација на пиварницата Јуенглинг“, објасни Микович. „Семејството живеело во неа до 1978 година, кога ја донирале на градот за употреба од заедницата. Од таа донација, се родил Уметничкиот совет на округот Шујкил, кој денес управува со имотот.“

Засега, повторно откриената бања ќе остане во состојбата во која е пронајдена. Бидејќи излезот во случај на пожар мора да биде прооден, персоналот го врами отворот за посетителите безбедно да можат да ги видат оригиналните елементи за време на обиколките. Целосна реставрација на просторијата е можна во иднина, но зависи од финансирањето.

„Се надеваме дека еден ден ќе можеме целосно да го отвориме и реставрираме тој простор, но бидејќи сме непрофитна организација, тоа ќе зависи од расположливите средства“, заклучи Микович.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.