Во Велес концерт на дуото на пијано од Италија Марко Скиаво и Серџо Маркеџиани - Канал 5

Култура

Во Велес концерт на дуото на пијано од Италија Марко Скиаво и Серџо Маркеџиани

На сцената на новиот театар во Велес синоќа концерт на пијано изведе дуото од Италија, Марко Скиаво и Серџо Маркеџиани.

Во Велес концерт на дуото на пијано од Италија Марко Скиаво и Серџо Маркеџиани
Тие во Велес настапија како дел од програмата на 26-от Интернационален фестивал на класична музика ИНТЕРФЕСТ-Битола, кој започна завчеравечер под покровителство на Министерството за култура, а кој веќе неколку години освен во Битола има и концерти во Скопје и други градови во земјава.

Пред велешката публика светски познатото пијано дуо настапи со дела од Јоханес Брамс: Унгарски Танци во кои публиката вистински уживаше со виртуозната пијано изведба до совршенство на двајцата светски познати пијанисти и ги награди со долг аплауз на бис. Потоа пијанистите, публиката ја наградија со изведба на композиција плус.

Серџо Маркеџани оцени дека имале одлична публика, одлична сала и одличен концерт со кој се многу задоволни, а тоа го потврди и неговиот колега Марко Скиаво.

- Салата има одлична акустика и одлично е што и во Македонија се градат сали според светски стандарди. Ние настапивме со дела од Брамс, а во договор со уметничкиот директор на ИНТЕРФЕСТ-Битола, Милица Шперовиќ Рибарски. Други пијанисти свират по пет-шест унгарски танци, но ние настапивме со комплетната верзија сите унгарски танци што се напишани од Брамс од еден до десет. Потоа го свиревме и вториот дел од унгарски танци до 21, а кои се напишани 20 години подоцна, а со што и публиката можеше да ја слушне разликата и да направи компарација помеѓу првите и вторите Унгарски танци од Брамс,појасни Маркеџани..

Дуото досега имало концерти во музичките центри: Карнеги Хол во Њујорк, Концертхаус и Музикферајн во Виена, Берлинската Филхармонија, Бетовеновата куќа во Бон,Дворжак Хол во Прага, Солис Театар во Монтевидео, како и познатите сали во Париз, Москва, Цирих, Сао Паоло, Вашингтон, Мексико Сити, Астана, Бангкок, Хон Конг, Сингапур и други. Во 2013 тие настапиле на реномираниот Равело фестивал изведувајќи го Моцартовиот концерт за две пијана, К.365.

Врвниот и светски познат Костадин Богдановски кој завчеравечер во Битола го отвори Интерфест, а кој синоќа ги проследи концертот на своите колеги во неговиот роден Велес даде одлични оценки за нивната изведба.

- Мислам дека Велес има потреба од многу нови културни збиднувања, а за тоа има услови и во оваа прекрасна сала за театар и концерти во новата театарска зграда, оцени виолинистот Богдановски.

Тој петнаесетина години настапува како концерт мајстор во светски познатата Опера во Барселона „Grand Teataro de Liceu“.

- Јас очекувам и понатаму културна соработка помеѓу Велес и Битола, а се надевам дека наскоро ќе настапам со свој концерт на виолина во оваа прекрасна сала во мојот роден Велес, најави Богдановски.

Милица Шперовиќ Рибарски уметничкиот директор на ИНТЕРФЕСТ-Битола, информира дека ИНТЕРФЕСТ- Битола веќе две-три години прави дисперзирани концерти и во други градови.

- Со тоа сакаме да и покажеме на цела Македонија, какви врвни уметници на класичната музика доаѓаат во Битола.Тие ќе отсвират еден концерт и ќе се заминат, и затоа ние од ИНТЕФЕСТ одлучивме истиот тој концерт потоа да биде изведен и во Скопје Велес и други градови во земјава и да го проследи што повеќе публика,потенцира Шперовиќ Рибарски. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: Европската комисија нотира добро ниво на подготвеност

Европската комисија нотира добро ниво на подготвеност на Царинската управа во спроведување на реформите за забрзана интеграција во единствениот пазар на ЕУ.

Царинска управа: Европската комисија нотира добро ниво на подготвеност

Европската комисија во најновиот извештај за напредокот на државата нотира добро ниво на подготвеност во реформските процеси што ги презема Царинската управа во Поглавјето 29 - Царина унија, со цел забрзување на интеграцијата на нашата држава во единствениот пазар на Европската унија. Зголемените приходи, воспоставување на сеопфатен разузнавачки систем за поддршка на истрагите и спроведување на законот, зајакнување на капацитетите на Секторот за контрола и истраги, надградбата на ИТ системите и усогласеноста на царинското законодавство, се дел од областите каде е забележан напредок.

„Вкупните приходи наплатени од Царинската управа во 2025 година беа за 5,2 проценти повисоки во споредба со 2024 година, надминувајќи 2,1 милијарди евра“, нотира ЕК во последниот извештај.

Во делот на оперативни и административни капацитети, од Комисијата го истакнуваат воспоставувањето на сеопфатен разузнавачки систем за поддршка на истрагите и спроведување на законот како и новиот систем за управување со ризик и податочен склад. Во оваа насока потенцирано е учеството во меѓународни операции и размената на разузнавачки информации. Контролите, се засноваат на анализа на ризик поткрепена со разузнавачки информации, информации добиени пред пристигнување на стоката и техники на селективност.

Воедно, со финансиска поддршка на ЕУ со цел зајакнување на борбата против организираниот криминал, нотирано е дека капацитетите на Секторот за контрола и истраги се значително зајакнати со нови возила и заштитна опрема, како и ИТ опрема за сервер салата со што се подобрува ИТ безбедноста на царинските операции. Во делот на борбата против корупција Комисијата наведува дека продолжува спроведувањето на Стратегијата за интегритет и борба против корупција за периодот 2024-2027 година.

Во делот на дигитализацијата се потенцира дека е обезбедено одржување и понатамошен развој на системот за Интегрирана тарофна околина, како и започнување на пилот фаза на системите за регистрација и идентификација на економските оператори и за унифицирано управување со корисниците и дигитален потпис.

Царинското законодавство е со висок степен на усогласеност со правото на ЕУ, при што Царинската тарифа во 2026 година е донесена и усогласена со Комбинираната номенклатура на ЕУ.

Во областа на добрососедски односи и регионална соработка нотирано е ратификувањето на Протоколите 5 и 6 со кои се воспоставува рамка за олеснување на трговијата преку царинска соработка и либерализација на трговијата со услуги, соопштуваат од ЦУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација.

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација, објави денес обвинителството во Истанбул.

Според документот на обвинителството, Каја е осомничена дека имала информации што можеле да влијаат на цената на акциите на „Озата Денизчилик“, објави „Анадолу“.

Истражителите изјавија дека поранешната министерка ги купила акциите на компанијата во април 2026 година и ги продала на 16 септември, денот пред одлуката за ликвидација на средствата.

Обвинителството се сомнева дека Каја знаела за претстојната ликвидација и дека ги префрлила акциите на „Тера Јатирим Менкул Дегерлер“, која ѝ ја исплатила нивната вредност истиот ден, наместо парите да бидат исплатени во вообичаените два работни дена.

Поранешниот претседател на Одборот на пазарите на капитал, Ибрахим Омер Ѓенул, и Илијаш Каја беа ослободени под мерки на судски надзор, кои вклучуваат редовно пријавување кај властите и забрана за патување.

Тагови: министерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џенифер Лопез позира без облека, а косата никогаш не ѝ била посветла (ВИДЕО)

Џенифер Лопез избра костим од Барбарела за овогодинешниот Ноќ на вештерките, ликот што Џејн Фонда го играше во истоимениот филм од 1968 година. 

Џенифер Лопез позира без облека, а косата никогаш не ѝ била посветла (ВИДЕО)

За таа пригода, таа беше трансформирана со помош на прекрасна руса фризура моделирана по познатата актерка, а носеше и реплика од проѕирниот боди со светки од филмот. Таа дополнително го адаптираше костимот за Ноќта на вештерките со солзи и детали што имитираат крв.

Пејачката и актерка често експериментирала со фризури во текот на својата кариера, од природни кадрици од деведесеттите до медено руси прамени, пишува Харперс Базар.

Најсветлата нијанса досега

Иако Ноќта на вештерките заврши, се чини дека Лопез сè уште не е подготвена да се збогува со својот нов изглед. Нејзиниот фризер Крис Аплтон објави претходно невидени фотографии на Инстаграм на кои пејачката е речиси непрепознатлива.

На фотографиите, Лопез позира целосно гола, а посебно внимание привлекува нејзината екстремно светла руса коса, најсветлата нијанса што некогаш ја носела. „Бомбастични боцки“, напиша Аплтон во описот на објавата, алудирајќи на Барбарела и нејзиниот костим. Тој ја обликуваше нејзината коса во луксузни, волуменозни кадрици, со дополнителен волумен нагласен на темето.

Фризерот одговорен за бројни трансформации

Аплтон стои зад многу фризури на Џенифер Лопез, вклучувајќи го и нејзиното неодамнешно „фенирање од милион долари“. Станува збор за луксузно стилизирана коса со костенливи прамени и шишки што го врамуваат лицето.

@jlo

Her specialty is LOVE ❤️ Barbarella 🚀 Happy Halloween everybody!

♬ original sound - JLO

Перика или трајна промена?

Дали Лопез ќе ја задржи новата боја на косата сè уште не е познато. Не е ни јасно дали носи перика на фотографиите. Имено, Аплтон е позната по големите трансформации на изгледот на неговите познати клиенти, вклучувајќи ги Ким Кардашијан и самата Џенифер Лопез. Затоа, останува да се види дали ова е потрајна промена или само привремен експеримент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер