Регион

Во Србија е уапсен крадец, кој од славни личности во Англија украл 30 милиони евра

Во Србија е уапсен маж обвинет за учество во една од најголемите провални кражби во историјата на Англија, јавува Би-би-си.

Тој и уште пет лица се уапсени во Белград за наводни кривични дела перење пари, соопшти полицијата.

Мажот, наводно, учествувал во кражби во домовите на три познати личности во Лондон во 2019 година, каде што биле однесени скапоцености вредни 26 милиони фунти. Најголемата се случила во куќата на манекенката Тамара Еклстоун, каде биле украдени вредни предмети вредни 30 милиони евра, меѓу кои и накит.

Бандата упаднала и во домовите на ѕвездата на Челзи и Англија, Френк Лампард и сега веќе починатиот поранешен сопственик на Лестер Сити, Вичаи Шривадханапраба.

Српските медиуми јавуваат дека полицијата по наредба на Јавното обвинителство за организиран криминал во соработка со полициските служби на Велика Британија денеска уапсила шест лица на подрачјето на Белград. Како што е наведено во соопштението на обвинителството, постои основано сомнение дека со здружување извршиле кривични дела перење пари.

Двајца осомничени се лоцирани надвор од територијата на Република Србија и во моментов се недостапни за државните органи, соопштија од обвинителството од каде наведуваат дека оваа организирана криминална група во периодот од 02.02.2018 година. до 15.12.2023 година. на територијата на Р.Србија ги вложиле парите стекнати со кривични дела при купување недвижен имот и на тој начин ги вовеле во законските парични текови.

Во соопштението се наведува дека парите што ги испрале дошле од провални кражби во поголем број згради во Велика Британија и Швајцарија, кои биле во сопственост на богати поединци. При упадот украле пари и вредни предмети како накит и драгоцености, се вели во соопштението на обвинителството.

„Во Велика Британија се гони осомничениот Љ.Р. поради сомневање дека на горенаведениот начин прибавил вкупно 26 милиони фунти и со тоа го оштетил Френк Лампард, поранешен англиски репрезентативец, потоа покојниот Вичаи Шривадханапраба , поранешниот сопственик на фудбалскиот клуб Лестер Сити и Тамара Еклстоун и нејзиниот сопруг Џеј Рутланд“, соопшти обвинителството.

„Осомничениот Р.К.Р е осуден во Швајцарија за повеќе кражби во кои се стекнал со корист од околу 250.000 швајцарски франци. Осомничените Љ.Р. и Р.К.Р се осомничени дека парите што ги стекнале со криминални дела ги дале на други членови на оваа организирана криминална група, кои потоа ги вложиле парите во набавка на скап недвижен имот на територијата на Република Србија, како и луксузни возила и на овој начин се обидел незаконски стекнатите пари да ги интегрираат во легалните парични текови“, соопшти обвинителството.

„Во тек се претреси на повеќе локации на територијата на Србија“, се заклучува во соопштението.

Фудбал

Рома и Лацио заинтересирани за Матип

Дефанзивецот на Ливерпул, Жоел Матип би можел да ја продолжи кариерата во Италија, пренесува денеска весникот Кориере дело Спорт.

Според изворот, за услугите на 32-годишниот Камерунец се заинтересирани градските ривали Рома и Лацио.

Матип би можел да ја смени клупската средина ова лето.

Сезонава Матип одигра 14 натпревари за Ливерпул.

Живот

Лазаровите каланди одекнаа во Скопје

Голем број дечиња, заедно со своите родители, како и професионални музичари, со пеење придружено од традиционални музички инструменти и со гранчиња во рацете, тргнаа од Плоштад „Македонија“ и се упатија кон Градскиот Трговски Центар.

За првпат во главниот град на Републиката, а по пример на минатогодишниот празничен настан во Кичево кој беше организиран од хорот „Митрополит Козма Пречистантски", и оваа година во градот Скопје се одржа свечена празнична поворка по повод празникот на Лазаревото Воскресение (Лазарева Сабота).

Голем број дечиња, заедно со своите родители, како и професионални музичари, со пеење придружено од традиционални музички инструменти и со гранчиња во рацете, тргнаа од Плоштад „Македонија“ и се упатија кон Градскиот Трговски Центар, како и во Diamond Mall, каде имаа музички настап со кој беа восхитени сите присутни.

Поворката беше поддржана од сите случајни минувачи кои со нескриена радост и воодушевување и се приклучуваа.

Пеењето на најрадосните каланди, кое се случи не само во Скопје, туку и во Кичево и Реканскиот крај, најсоодветно и во православен дух го најави Празникот над Празниците - Воскресението Христово.

Македонија

Филипче : Отворам канцеларии за комуникација со граѓаните во Прилеп, Кавадарци и Струмица

Носителот на СДСМ и коалицијата во изборната единица четири, Д-р Венко Филипче, денес беше во Прилеп каде на ноза средби со граѓани ја образложи програмата на СДСМ и начинот на кој тој и пратениците од оваа изборна единица ќе работат.

Филипче рече дека од стотиците средби кои ги имал до сега, граѓаните јасно бараат полесен пристап до пратениците и слух за нивните барања, кои потоа ќе се преточат во конректни политики.

„Многу луѓе велат дека политичарите ги бараат само кога им е потребен нивниот глас, а потоа никаде ги нема. Граѓаните бараат да бидат слушнати, но и конректни механизми да влијаат врз пратениците кои ги бираат. Јас и пратениците од листата на СДСМ кои ќе бидеме во Собранието ова ќе го овозможиме. Како поранешен министер, сите политики ги носев во блиска координација со здруженијата на пациенти и колегите здравствени работници. Како пратеник тоа ќе го правам со граѓаните кои ќе ни ја дадат довербата на избори. Оние кои ги претставуваме треба да бидат директно вклучени и слушнати во процесот на креирање на политики“ - истакна Филипче.

Тој планира да ја смени целосно перцепцијата за пратеникот и улогата кој тој ја има преку сосема нов начин на работа и комуникација со луѓето кои ќе ги претставува. Филипче најави отворање на канцеларии во секоја поголема општина, во прва фаза Прилеп, Кавадарци и Струмица.

„Ако денес сум ви ветил дека ќе останам вака достапен како во камапњата и после изборите, тоа ќе го исполнам, а тоа ќе го исполнат и другите пратеници од оваа листа. Ќе отвориме канцеларии во сите поголеми градови каде редовно јас, но и другите пратеници ќе имаме средби со вас и ќе подготовуваме решенија за вашите барања. СДСМ е партија на граѓаните, а не салонско здружение и како таква ќе се однесува“ - рече Филипче.

Со почит,

Скопје, 27 април 2024

СДСМ